مشكلة الصباح اليومية

[H.ibrahim]

السلام عليكم ورحمة الله وبركاته
وكل عام وانتم بخير
المشكلة اللى بقت عندى فى العربية من ساعة لما البنزين اتغيرت ريحته انها بقت تغلبنى جدا فى الدوارة صباح او لما تكون باردة بمعنى ( انى لما ادور المارش يدور عادى و لكن ما بتلقطش غير بعد ربع ساعة من الدوارة المستمرة لدرجة ان مرة البطارية فضيت من كتر التدوير ) الجديد بقى انها ما بقتش تدور غير زق ( على الغيار 2 و هوب تروح دايرة على طول ) مش عارف دي ممكن تكون المشكلة فين ياريت حد ينصحنى اعمل ايه علشان مبقاش فى ميكانيكى محترم الواحد ممكن يعتمد عليه - العربية بيجو 104 موديل 1978 0
وشكرا ملحوظة : لو حد يعرف ميكانيكى بيجو قديم كويس فى المعادى ياريت يقولى او يدينى نمرة التليفون او العنوان واكون شاكر جدا له 0

[ahmedsrs]

المشكلة دى كانت عند واحد صاحبى فى عربية 127 والراجل لف كتير على المكانيكية لما قرف وبعدين راح لميكانيكى راح مغيرله ألأسبراتير عشان كان فية شوية بوش بيخلى فتحت الأبلتين بضيق وتوسع مع الدوارة والعيب اتصلح

[ayman_elkholy]

يا اخى انت بتحكى فى حبت تظبيطات سهل جدا يتعملو
بداية اكشف على البطاريه ثم ظبط الموتور

[H.ibrahim]

البطارية لسه جديدة - اما بالنسبة لتظبيط الموتور (فايريت تنصحنا بنوع التظبيط المطلوب) بدل التسرع فى الردود يا اخى ayman_elkholy
وشكرا

[H.ibrahim]

اشكر الاستاذ ahmedsr على ردك اللطيف و هاحاول اشوف الموضوع ده و شكرا مرة اخرى

[ahmed azab]

الكربراتير عايز يتفك ويتنضف و الكهربا تتظبط كويس

[ahmedfd]

أحسن مركز لتصليح البيجو هو مركز أحمد عمارة بجوار حديقة الفسطاط إمتداد صلاح سالم.
هو عنده قسمين - قسم لل 405 و إنت طالع و قسم لل 505 و إنت نازل :) و هو مركز بيجو معتمد من وجيه اباظة و عنده مخزن لقطع الغيار.
أنا كنت قبل كدة بصلح عند محمد ندا و هو ممتاز برضه و متخصص بيجو بس لكن المشكلة مكانه وحش قوي.

[sab3aawy]

المشكلة دى ممكن تكون مشكلة كاربراتير
او مشكلة بوجيهات
او مشكلة اسبراتير

الكاربراتير ممكن يكون بيرمى بنزين كتير وبيشرق العربية (ودى تعرفها لو كانت فيه ريحة بنزين جامدة من الشمكان الصبح، وبرضه تعرفها، لو جربت تدور ورجلك على البنزين على الآخر بدون مكاركة ودارت) وعلاجها طقم بيكات او كاربراتير جديد

البوجيهاتعلاجها تغيير البوجيهات والتجربة

لو مشكلة وش اسبراتير فك وش الإسبراتير وحط فيها حته قطنة بسبرتو وولع فيها علشان تتحرق وتمص الرطوبة، وجرب تدور ، لو دارت معاك بدون مشاكل غير وش الإسبراتير، وممكن توكون المشكلة من الشاكوش نفسه لو مبوش فى مكانه وفى هذة الالة هتحتاج اسبراتير جديد