مساعدة ضرورى بخصوص الفتيس الاوتوماتيك

[Fadi Ezzat]

اولا مساء الخير عليكم جميعا
انا معايا اسكودا اوكتافيا a4
العربية جميلة وكل حاجة بس ظهرت مشكلة عندى دلقوتى مش لاقيلها حل
والمشكلة كالاتى
انا هحكى الطبيعى الاول بتاع اى عربية
اول لما تشغل العربية بتجيب ال d
وبعدين تمشى العربية بتجيب الاول وبعدين التانى وبعدين التالت وهكذا
انا بقى عندى حاجة غريبة ادور العربية اجيب ال d
العربية تطلع على التانى وبعدين تنقل على التالت وتفضل على التاالت متجبش الرابع ابدا
وطبعا العربية بتقف على 120
مش راضية تزود عن كدة والار بى ام بيبقى على 5000 لفة
والحكاية دى عندى مش على طول بس هيا اغلبية الوقت عندى ومش عارف اعملها اية
يعنى ساعات ادور وتعمل كدة وساعات لأ
فياريت ياجماعة الى يعرف اية السبب ويتصلح ازاى يقولى
وكل عام وانتم بخير..........

[thegreatnileman]

ان شاء الله الموضوع بسيط
ابحث عن زرار الاوفر درايف حتلاقى الزرار ده شغال دوس عليه مرة تانيه وحترجع العربية لاصلها
وممكن تلاحظ اللمبة بتاعته منوره فى التابلوه

لو مش كده يبقى حساسين الفتيس عاوزين تغيير

أحمد

[Fadi Ezzat]

انا معنديش زرار الاوفر دريف
ممكن فعلا تكون حساسات الفتيس

[أبو إياد]

على كلامك كده 90%حساسات
وللاسف صعب اوى انك تلاقيها والاصعب انك حرام تشترى فتيس
الحل لو اتاكدت بعد الكشف انها حساسات يبقى افضل حل انك تشترى بادى بالف استيراد وده هايكون افضل من شراء فتيس

[Fadi Ezzat]

اولا شكرا على ردك
ثانيا لو حساسات مش هلاقيها فى التوكيل ؟
طيب وسعر البادى فالف حوالى كام؟

[أبو إياد]

حاولت اسالك عليها بس مقدرتش اوصل لسعر

[Fadi Ezzat]

اوك ياباشا الف شكر
معلش تعبتك

[thegreatnileman]

احنا طبعا قاعدين بنقول مقترحات واراء ويمكن يكون للمشكلة حل بسيط عند التوكيل
روح بيها التوكيل افضل بس التوكيل الرئيسى
وبرضه ابحث عن الاوفر درايف او زرار فى ايد الفتيس او جنبه صعب العربية ميكونش فيها
ولو مافيهاش جرب تعمل كيك داون وتشوف يمنك تفك معاك
واخر حاجه وهى احتمال ضعيف انك لو كان الفتيس عليه شحوم وزيوت ومش نظيف من بره حاول تغسله فى المحطة (مش بالمياه) ساعات الوساخه اللى من النوع ده بتاثر على الحساسات
وماتستعجلش على حكاية البادى فالف دى لانها مش مضمونه وبيتفك فيها الفتيس عكس موضوع الحساسات اللى اعتقد انها اكيد فى التوكيل

[thegreatnileman]

طبعا اكيد انك مراجع منسوب الزيت بتاع الفتيس وبتغيره فى مواعيده

[Fadi Ezzat]

انا بغير الزيت فعلا فى مواعيدة
اما بالنسبة للكيك دوان العربية اما بتعمل كدة
مش برتضة تعمل كيك دوان
اساسا
وانا كلمت واحد فى التوكيل النهادرة قالى دى
سبعين فى المية حساس الخريطة
قالى هاتهالنا وخلينا نشوفها

[أبو إياد]

اكشف عليها فى التوكيل واحكيلنا اللى حصل وان شاء بسيطه

[ahmedelaraby]

اولا لو سمحتو انا عايز اعرف يعنى ايه كيك داون
وثانيا انا معايا اتوماتيك وعلى حد معلوماتى ان سواقة الاتوماتيك مش زى ما الاستاذ اللى كتب الموضوع مبيعمل خالص يعنى المفروض ان انتا تدور وبعدين تجيب الd وتمشى عليه على طول لان الجير الاتوماتيك بيغير لوحده من الاول للاخير
اما باقى الغيارات دى ليها استخدام تانى مش عشان تغير عليها زى المانيوال والا كان عمل بدل الd غيار ويكتب عليه 4 و يبقى ايه فايدة الاتوماتيك عن المانيوال الدبرياج بس طبعا مش منطقى ولا ايه
اللى انا اعرفه ان الغيار الاول ده بيستخدم فى المطالع اللى بتكون سعادتك طالعها على الهادى ومحمل اوزان فى العربية عشان ده بيدى عزم قوى جدا لو تلاحظ والتانى ده للاماكن المكسرة او اللى فيها مطبات كتير عشان العربية متجريش على المطبات
انا بصراحة معنديش تالت عشان اقول بتاع ايه ارجو ان اكون افدكم لان ده الكلام اللى موجود فى الكتالوج
ومعرفش الكلام التانى ده مين اللى اخترعو ونرجع نقول العربيه دى كذا وكذا

[أبو إياد]

اولا لو سمحتو انا عايز اعرف يعنى ايه كيك داون
وثانيا انا معايا اتوماتيك وعلى حد معلوماتى ان سواقة الاتوماتيك مش زى ما الاستاذ اللى كتب الموضوع مبيعمل خالص يعنى المفروض ان انتا تدور وبعدين تجيب الd وتمشى عليه على طول لان الجير الاتوماتيك بيغير لوحده من الاول للاخير
اما باقى الغيارات دى ليها استخدام تانى مش عشان تغير عليها زى المانيوال والا كان عمل بدل الd غيار ويكتب عليه 4 و يبقى ايه فايدة الاتوماتيك عن المانيوال الدبرياج بس طبعا مش منطقى ولا ايه
اللى انا اعرفه ان الغيار الاول ده بيستخدم فى المطالع اللى بتكون سعادتك طالعها على الهادى ومحمل اوزان فى العربية عشان ده بيدى عزم قوى جدا لو تلاحظ والتانى ده للاماكن المكسرة او اللى فيها مطبات كتير عشان العربية متجريش على المطبات
انا بصراحة معنديش تالت عشان اقول بتاع ايه ارجو ان اكون افدكم لان ده الكلام اللى موجود فى الكتالوج
ومعرفش الكلام التانى ده مين اللى اخترعو ونرجع نقول العربيه دى كذا وكذا

لو سمحتو انا عايز اعرف يعنى ايه كيك داون

هو الضغط على دواسه البنزين زياده لنقل حركه الفتيس لغيار اصغر لزياده عزم السياره

ان انتا تدور وبعدين تجيب الd وتمشى عليه على طول

فعلا اوتوماتيك كده لكن الحركه الداخليه للفتيس بتقوم بنقل الغيار ابتداءا من الغيار الاول مرورا بالثانى والثالث الى الغيار الرابع

هو قصده بقا هنا ان الفتيس بيطلع على الغيار الثانى ويوصل للثالث ويقف على كده فطبعا ده غير طبيعى

اللى انا اعرفه ان الغيار الاول ده بيستخدم فى المطالع اللى بتكون سعادتك طالعها على الهادى ومحمل اوزان فى العربية عشان ده بيدى عزم قوى جدا لو تلاحظ والتانى ده للاماكن المكسرة او اللى فيها مطبات كتير عشان العربية متجريش على المطبات
انا بصراحة معنديش تالت عشان اقول بتاع ايه

دى غيارات بتكون زياده لاستخدامات اخرى زى ماقولت بالظبط

[ahmedelaraby]

شكرا لرد سيادتك انا اللى فهمت غلط

[vodanet]

شوف حساس الكرنك انا كان بيقف عندى 120 3على ار بى ام خمسه برضو
عالخاص لو عايز تستفسر اكتر