استفسار بخصوص الكاسيت سى دى بتاع العربيه ضرورى جداااا

[mazgangy]

معلش يا جماعه بس بليز اللى يعرف يرد عاليا بسرعه انا جبت كاسيت سى دى ام بثرى مش اوديو فعايز اعرف طريقه عمل سى دى ام بثرى مش اوديو بالتفصيل والشرح بليز وكمان عايز اعرف ينفع اعمل فولدرات والا لازم الاغانى على بعضها وايه احسن نوع سى دى اجيبه يستحمل مش يعطل وشكرا مقدما لردودكم يا احلى منتدى سيارات وما يخص السيارات

[fahd_628]

حضرتك الأول عندك برنامج النيرو ؟

و هل عندك Cd رايتر ؟

لو عندك اول ما تفتح النيرو دوس على Make data cd و بعدين دوس Add و حط الأغانى الى انت عاوزها و بعدين دوس Next و بعدين حدد السرعة خليها 32 x علشان على 42 او 52 السيديهات بتتحرق و انتظر حتى يتم النسخ و بس :)

و بالنسبة للسيديهات ف ال BenQ و ال SONY كويسسين بس انت حافظ عليهم و متجرحهمش و حاول تشترى علبة للسيديهات علشان ميتجرحوش :)

و لو فية اى استفسار انا موجود

و بالنسبة لحكاية الفولدرز دية مقدرش افيدك فيها ممكن حد تانى يفيددك فى الموضوع دة

[kamalantivirus]

انا بعمل فولدر في البيونير و بيقراة benq best cd

[ahmed_gamal]

ممكن تعمل فولدرز انا ليا ناس صحابي كتير بيعملو بس معرفش ازاي و بتفرق من كاست للتاني ولا لا

[tmz9111]

ممكن تعمل فولدرز

[أبوسيف]

السى دى فى عربيتى بيقبل لحد 8 فولدرز تحت بعض وأقصى عدد للفولدر 100 وأقصى عدد للملفات فى كل فولدر 255.
قولى على ماركة التسجيل بتاعك ممكن يكون عندى المانيوال بتاعه أبعتهولك.

[mazgangy]

شكرااا للردود والكاسيت هو كينوود ماليزى وبرضوا انا عندى فى العربيه التانيه ركبت بايونير فكنت عايز اعرف ازاى فى ده وازاى فى ده وكمان كنت عايز اعرف فى النيرو داتا سى دى والا مبثرى سى دى وكمان ممكن اعملها بالطريقه اللى فى اكس بى العاديه والا لا من غير النيرو ومعلش اسف بتقل عليكم

[Adham]

طيب سؤال بقى هام جدا

انا عندي اغاني كتير ام بي ثري عالكمبيوتر

و السي دي بتاع العربية بيقرا اسطوانات ويف بس

اية البرنامج اللي ممكن يحوللي الاغاني المضغوطة ام بي ثري إلى ويف قبل ما أحرقها على اسطوانات لتشغيلها في السيارة

[عاشق الفولفو]

ويف بس

انا اول مرة اسمع الحكاية دي
هو كاسيت حضرتك نوعه اية؟

[Adham]

Clarion CD Changer, original in vehicle , stock

السي دي شانجر الاصلي اللي بينزل في العربية بيقرا اسطوانات ويف بس مابيقراش ام بي ثري

اية بقى البرنامج اللي يحوللي الاغاني اللي عالكمبيوتر بتاعي من ام بي ثري لويف علشان احرق بيها اسطوانات اشغلها في العربية

[dragonsmith]

اية بقى البرنامج اللي يحوللي الاغاني اللي عالكمبيوتر بتاعي من ام بي ثري لويف علشان احرق بيها اسطوانات اشغلها في العربية

السلام عليكم،
Nero Burning Rom من أحسن برامج الكتابة على CDs و فيه الخاصية دي. حضرتم هتختار انك تعمل Audio CD و بعدين تختار الملفات ال MP3 و عند الكتابة Nero بيحولهم WAV.

شكرا.

[Adham]

انا فعلا باحرق الاسطوانات ببرنامج نيرو بس ماكنتش اعرف انة بيقوم بالتحويل اوتوماتيكي من ام بي ثري لأوديو سي دي

وكنت فاكر اني محتاج برنامج مخصوص للتحويل و فك ضغط الام بي ثري

شكرا عالمعلومة جزيل الشكر :D