مشكلة في تكييف سكودا اوكتافيا

[mostafabakry]

يا جماعة انا ليا ابن عمي معاه عربية سكودا اوكتافيا شاريها من واحد معاق هي موديلات التسعينيات بس مش فاكركام بالظبط
المشكلة انه كان في بورسعيد وراح لميكانيكي عشان يظبط العربية و يراجع عليها المهم قالوله العربية حالتها ممتازة و مش عاوزة اي حاجة غير مروحة تركب لها بس مش عارف هما قالوله كددا ليه هل للموتور ولا للسربنتينة بتاعة التكييف و لا لايه بالظبط الله اعلم

المهم بعد ما ركب المروحة و مشي و رجع للغردقة فوجئ بان التكييف مش بيبرد العربية نهائيا و تشغلة و لا عامل حاجة هوا عادي طالع منه من الهوايات و احيانا بيبقي سخن من الجو مع انه صوته بيظهر لما يشتغل بس مي باين زي الأول يعني بتسمع صوت التكة اللي بيطلع عند تشغيل الكباس
لو شغله سخن الهوا يسخن لكن بارد مافيش خالص
ايه بقا المشكلة دي هل التكييف عاوز يتشحن فريون و لا صمام من الصمامت بايظ و لا ايه بالظبط

يا ريت المساعدة من اهل الخبرة

[SAMEH_FOUAD]

كدة مافيش فريون فى العربية خالص بس قبل ماتشحن الفريون اتاكد ان مافيش تسريب فى الخراطيم ,او فى السربنتينة ,عشان ماتشحنوش وتلاقية فترة ورجع كدة تانى

[Ahmad]

لوعايز تتأكد أن الكباس بيشتغل,افتح الكبوت و امسك الماسورة الداخلة للصالون لو باردة يبقي الكمبريسور سليم و الفريون موجود.
في احتمال بقي لو اتاكدت ان كله سليم و دة حصل معايا, و هو أن مفتاح الحرارة جوة الصالون يكون معلق علي السخن. يعني محتاج تفك أزرار و مفاتيح التكييف و تشوف الكابل لواصل بمفتاح التحكم في الحرارة ممكن يكون معلق وبيدخل هواء سخن مع التكييف.

[hossam_elwani]

اكيد المروحة الى راكبه متوصله بالمعكوس يعنى بتدور فى عكس الاتجاه الصحيح بدل ما تاخد الهو من الخارج وتبرد بيه السربنتينة وحوض الموتور بتعمل العكس

[samirayad]

كدة مافيش فريون فى العربية خالص بس قبل ماتشحن الفريون اتاكد ان مافيش تسريب فى الخراطيم ,او فى السربنتينة ,عشان ماتشحنوش وتلاقية فترة ورجع كدة تانى

لوعايز تتأكد أن الكباس بيشتغل,افتح الكبوت و امسك الماسورة الداخلة للصالون لو باردة يبقي الكمبريسور سليم و الفريون موجود.
في احتمال بقي لو اتاكدت ان كله سليم و دة حصل معايا, و هو أن مفتاح الحرارة جوة الصالون يكون معلق علي السخن. يعني محتاج تفك أزرار و مفاتيح التكييف و تشوف الكابل لواصل بمفتاح التحكم في الحرارة ممكن يكون معلق وبيدخل هواء سخن مع التكييف.

اكيد المروحة الى راكبه متوصله بالمعكوس يعنى بتدور فى عكس الاتجاه الصحيح بدل ما تاخد الهو من الخارج وتبرد بيه السربنتينة وحوض الموتور بتعمل العكس

فى الحقيقه .....يجب التشييك على كل النقاط الفنيه المذكوره فى هذه الآراء الجميله للأخوه الزملاء

[original]

ممكن العبقرى اللى ركب المروحة لعب فى الضفيرة بتاعة المروحة الأصلية ومابأتش تشتغل عالى وواطى وطبعا العالى مع التكييف يعنى تبريد على سربنتينة التكييف وممكن يكون الكمبريسور بيفصل من السخونية بتاعة الفريون..
وطبعا ممكن تكون مشكلة شحن فريون..

[Eng.moh.masry]

ياريت تتاكد عند اى كهربائى ان فى فريون فى الدايرة
لو تمام و ضغطوا كويس يبقى المشكلة عندك يا مراوح يا كمبريسور يا اما لوحة التكييف دا فى حالة انو تكييف الكترونى مش بكرة عادية
أخوكم م./ محمد المصرى