إيه هي متطلبات تركيب إم بي ثري بلاير للعربية؟؟؟

[Falcon]

السلام عليكم
عايز أركب إم بي ثري بلاير للعربية وكنت عايز أعرف ايه المطلوب والأسعار وعايز أركبة على الولاعة يعني ياخد الباور من بطارية العربية.

[modux]

اولا اهلا بيك

ثانيا

تجيب ام بي ثري بلاير من كمبيو مي ( معادي - سيتس ستارز - الكوربة ) او من اي مول مشهور بس يكون نوع كويس

ثالثا : فلاش ميموري اي سعة بس الكويس كنج ستون جيجيا بحوالي 70 جنيه من كمبيو مي بردو ( عليها ضمان 5 سنين )

تركبو علي الولاعة هيقولك شغل الراديو علي موجة معينه و هتسمع اغانيك علي الراديو :)

بتكون ظريفة اوي لم انتو كذا عربية مسافريين طريق طويل ممكن واحد فيكو يبعت السجنال و الباقي يشغلها عندو

ظريفة بردو

[Falcon]

أولا شكرا على ردك ثانيا زي ما حضرتك عارف ان الإم بي ثري بلاير فيه ميموري أوك؟! طيب يبقى ايه لازمة الفلاش ميموري؟!
وشكرا ليك مرة تانية.

[modux]

انا اللي كان عندي كان لازم تجيب فلاش ميموري تحط منها ملفات ام بي 3 و تحطها للريدر اللي هوا ام بي 3 بلاير :neutral:

[Nader]

مش عارف يا مودكس اعتقد ان في حاجة غلط في كلامك!!... انت تقصد الاف ام موديلاتور مش MP3 بلاير مش كدة ولا اية؟؟

اصل الـMP3 بلاير مش محتاج اكتر من الشريط اللي بسلك بتاع الـMP3 ابة 5 جنية.

[Falcon]

اصل الـMP3 بلاير مش محتاج اكتر من الشريط اللي بسلك بتاع الـMP3 ابة 5 جنية.

كلام جميل بس إزاي هاوصل ال MP3 Player بالولاعة؟
أنا فهمت كده من كلام حضرتك ان موش هحتاج غير الـ MP3 Player والشريط بمعني ان لو وصلت الام بي ثري بلاير العادي ابو بطارية بالشريط وبعد كده حطيت الشريط في الكاسيت وعملت Play الصوت هيشتغل.
طيب ايه لازمة الـ FM Modulator في الحالة دي؟
أنا كل اللى عايزة اني اسمع الـ MP3 من الـ MP3Player بس يكون مصدر تغذية الام بي ثري بلاير هو بطارية العربية عشان موش كل شوية اجيب بطارية للبلاير.

[Nader]

شوف يا سيدي الـMp3 بلاير ملهوش اي علاقة بالولاعة كل اللي محتاجة علشان تشغلة هو :

1. كاسيت العربية

2. Mp3 بلاير

3. شريط Mp3


اما الـFM Modulator فمعاة مفيش حاجة لMp3 اصلاً لانك بتوصل فلاشة USB بالFM Modulator اللي بيشتغل على الولاعة.


يعني الاتنين مش بيشتغلوا مع بعض.

أنا كل اللى عايزة اني اسمع الـ MP3 من الـ MP3Player بس يكون مصدر تغذية الام بي ثري بلاير هو بطارية العربية عشان موش كل شوية اجيب بطارية للبلاير

في MP3 players ببطارية داخلية ليثيوم بيتشحن.. دة حلك الوحيد.. يا اما تجيب الـFM Modulator وفلاشة USB تنزل عليها ملفاتك.

او هات بطاريات وخلاص :)

[modux]

سوري يا فالكون انا اتلخبطت

في حاجتين منفصلين تماما !!!

الاولي اللي بتكلم عليها

و دي زي ما انا شرحتها و صورتها



و الم بس ثري بلاير اللي ممكن تاخدوا معاك وانتا خارج من العربية تسمعو في البيت و كل حته بس ده زي ما نادر اتفضل و قالك

بيحتاج شريط و ده بيشتغل ببطاريات و بصراحة محتاج بطارية كل يومين ودي صورته

الشكل الاشهر في مصر




ودي صورة الشريط اللي بيشغل الام بي 3 بلاير علي كاسيت العربية العادي




سوري علي الفهم الخاطئ ياريت لامور تكون وضحت

[modux]

سبقتني يا نادر

كالعادة دايما !!! :-) :-)

يا بتع الفيمتو سكند ;) ;)

ربنا يكرم و يزيدك من فضله

[Falcon]

1000 شكر لـ أستاذ modux وأستاذ نادر
أنا كده فهمت معلش تعبتكو معايا ربنا يبارك فيكم

[mohamed_berlitz]

طيب يا جماعة بالنسبة لل الـFM Modulator اية احسن الانواع وحوالى بكام وممكن اجيبة منين

[modux]

في نزع في كمبيو مي كويس بس مش فاكر امو ثنمه من 120 - 200 جنيه

[Ahmad]

أنا لسه جايب نوع من سبينيز ب 85 جنيه. الماركة اسمها "Infinity".
فيه نوع تاني ب 99 جنيه و دة الزيادة فيه انه فيه مفصل عشان تحركه لأعلي و لأسفل و هو راكب في الولاعة.

[eng_mkhalaf]

أنا من رأى MP3 بلاير عملى اكتر - علشان ممكن تستخدمة فى أى حتة وممكن تسجل علية كمان

[ali1spc]

فى MP3 شبه الفلاشايه لة usb مثبت بية وممكن تشحنة من الكمبيوتر وكمان معاة شاحن عربية وكمان شاحن زى شاحن الموبيل ومساحتة حتى 1 جيجا ويوجد فية FM transimiter يحتوى على جميع الموجات الخاصة ب FM كما يوجد معة سماعة اذن لاستجدامة خارج السيارة تمنة من 250 الى 275