تغيير نوع البنزين من 90 الى 80

[Mostafa.Mahran]

انا معايا 127 سوبر فيورا العربية الحمد لله كويسة و بتوصل سرعتها معايا 140 عادى انا بحطلها بنزين 90 و صاحبها الى اشتريتها منه كان بيحطلها 90 اليومين دول كل ما اقابل حد يقولى حرام حطلها80 اوفر و مش هيعملها حاجة علشان العربيات القديمة واخدة على كده انا بصراحة مش عاوز احط 80 بس لو مفيش مشكلة او ضرر منه هيبقى اوفر ليا علشان انا مشوارى اليومى بيها120km فانا بصراحة عاوز رايكم وشكرا

[bishoy02010]

80 من غير كلام بس ظبط الموتور على 80 بقى

[Mostafa.Mahran]

80 من غير كلام بس ظبط الموتور على 80 بقى

تظبيط الموتور عبارة عن ايه علشان انا لسه جديد فى المواضيع دى

[bishoy02010]

تظبيط الموتور عبارة عن ايه علشان انا لسه جديد فى المواضيع دى

يعنى بيقلل الكهربا سنة بسيطة عشان يلغى التسقيف لو فيه وساعات بيحتاج يظبط الهوا بتاع الكربياتير يعنى انتة بس كل اللى تعملة تفول 80 وتطلع على ميكانيكى لو حسيت الموتور مش مظبوط وهيظبطلك الدنيا فى ربع ساعة بالكتير

[Mostafa.Mahran]

يعنى بيقلل الكهربا سنة بسيطة عشان يلغى التسقيف لو فيه وساعات بيحتاج يظبط الهوا بتاع الكربياتير يعنى انتة بس كل اللى تعملة تفول 80 وتطلع على ميكانيكى لو حسيت الموتور مش مظبوط وهيظبطلك الدنيا فى ربع ساعة بالكتير

الف شكر يا باشا

[bishoy02010]

الف شكر يا باشا

يا باشا انا تحت امرك وطمنى كانت إيه الأخبار لما حطيت 80

[Maged_Samy]

غير 80 وانت مطمن بس هتحتاج تظبط كهرباء ذى ما قالولك بس قول يارب تلاقى 80

[aYaBooY]

تغير من 90 لـ 80 المفروض تعمل الاتي
تبداء تحط 80 كام يوم ورا بعض لحد ما كل الموتور يبقي مشبع 80 و بعد كدة تطلع على الميكانيكي و تخليه يظبط كهرباء و كاربراتير و تطلع تجرب و لو مش مظبوط ارجعله و تفضل مركز لحد ما تظبط العربية على رجلك انت مش رجل الصنايعي
و عموما ممكن تغير فلتر بنزين و انت واقف بالمرة
و متقلقش انا كنت بعمل كدة مع الـ128 و كانت بتمشي افضل بالـ80

[mohamed9999]

هو بس يعنى اية تسقيف يا جماعه و بعدين فلتر البنزين دا بيتغير فى البنزينه ولا عند الميكانيكى

[sab3aawy]

علشان تعرف يعنى ايه تسقيف افتح الرابط اللى فى آخر الرسالة وهتلاقى ان شاء الله معلومات وافية، اما بالنسبة لفرلتر البنزين فيتغير فى البنزينة او عند الميكانيكى او تغيره بايدك لأنه قطعة مافيهاش اى فن وبيتغير فى دقيقة واحدة

http://www.nilemotors.net/Nile/325-a.html

[ConDoR]

انا معايا لانسر كريستاله وبحطلها بنزين 80 بقالي سنه الحمدلله ومفيش تسقيف والسحب ممتاز مش عارف ليه حاسس انه احسن من ال90 كمان واستهلاك البنزين اتحسن عن ال90

بالمناسبه انا كنت بحط بنزين 92 بس كان بيطيييير ومش بخلط البنزين بحط 80 بيور والحمدلله مفيش مشاكل لا في السحب ولا مع التكييف ولا في الجري اتمنى ممكن حد يفسرلي ليه

[elmashboh]

نو كومينت

[exact]

على فكرة انا عندي سويفت
وجيت من فترة رحلتها من 90 الي 80
بس قبل ما اروح اظبطها خلصت لي تانك 80 وفي التفويلة التانية رحت ظبطتها وغيرت الزيت كمان
المهم في التظبيط ظبطها على الكمبيوتر
المهندس جاب كابلات وركبها على الموبينة والبوجيهات وواحد على البطارية وراح حاطط سنسور في الشكمان وبعدين شغل الكمبيوتر وبأ يزود العربية ويوطيها وتظهر على الشاشه بيانات زي سرعة الدوران ونسبة اكاسيد الكربون وفضل يظبط لحد ما فجأة لقيت الموتور شبه ساكت وهو شغال
ومن بعدها العربية ارتاحت جدا

[stlony]

على فكرة انا عندي سويفت
وجيت من فترة رحلتها من 90 الي 80
بس قبل ما اروح اظبطها خلصت لي تانك 80 وفي التفويلة التانية رحت ظبطتها وغيرت الزيت كمان
المهم في التظبيط ظبطها على الكمبيوتر
المهندس جاب كابلات وركبها على الموبينة والبوجيهات وواحد على البطارية وراح حاطط سنسور في الشكمان وبعدين شغل الكمبيوتر وبأ يزود العربية ويوطيها وتظهر على الشاشه بيانات زي سرعة الدوران ونسبة اكاسيد الكربون وفضل يظبط لحد ما فجأة لقيت الموتور شبه ساكت وهو شغال
ومن بعدها العربية ارتاحت جدا

ممكن ذكر المحطه اللي بتظبط كده ودفعت كام في الحكايه ديه؟؟

[bishoy02010]

ممكن ذكر المحطه اللي بتظبط كده ودفعت كام في الحكايه ديه؟؟

+1111
وياترى الكلام ده ينفع لو اى عربية جديدة ولا السويفت بس ؟؟؟