أعمل عمرة موتور للعربيه 128 ولا لأ ؟؟؟

[ameirnabel1977]

السلام عليكم ورحمه الله وبركاته ،،،،

اولا العربيه اللي انا هاتكلم عليها مش بتاعتي ، دي بتاعت واحد صاحبي بس هو مش بيفهم فى العربيات خالص وانا حاسس انه بيتنصب عليه فقلت مافيش غير نايل موتورز هي اللي هايفديني .
ندخل فى المفيد.
اللي حصل ان صاحبي ده لسه متعلم السواقه جديد وربنا كرمه واشتري عربيه 128 موديل 1984 ( موتور 1100 سي سي) ، انا مش عارف ازاي باضبط العربيه سخنت منه وهو ماشي من غير ما ياخد باله....
وهو فضل ماشي بيها سخنه لحد ما الموتور طلع دخان .....
فطبعا البيه ركن شويه وبعدين خد العربيه على ميكانيكي ما يعرفوش اصلا فطبعا الميكانيكي قاله ان العربيه محتاجه عمره .
يا ريت لو حد يقولنا هي فى الحاله دي هاتكون فعلا محتاجه عمره ولا لأ ولو هي محتاجه عمره هاتتكلف كام ؟؟؟؟

ameirnabel1977 عرض الملف الشخصي العام إرسال رسالة خاصة إلى ameirnabel1977 البحث عن كافة المشاركات بواسطة ameirnabel1977 Add ameirnabel1977 to Your Contacts

[sherifahmed]

ارجو من الادارة نقل الموضوع للورشة او فيات

[tabeb]

لازم حد ثقة يفك الموتور ويشوف محتاج ايه

[Lion_Heart]

لازم حد ثقة يفك الموتور ويشوف محتاج ايه

و هيقولك هل تعمل عمرة و لا لأ

[dr_abooody]

ممكن لو نقص مية هتحتاج تغيير وش سلندر و حاجات بسيطة

بس بردة لازم حد يفك و يشوف و يكون ثقة

[aYaBooY]

شوف يا سيدي العربية سخنت و هو ماشي اول حاجة هاتطير جوان وش السلندر بس هو موقفش على طول انت بتقول ان العربية طلعت دخان عاوز اعرف هل هو مش بيها بعد كدة ولا لا و كان صوتها عامل ازاي و الاخ الميكانيكي ده قال هيا عاوزة عمرة على اي اساس

[bondjames]

طلعت دخان أزرق ولا بخار أبيض؟
دخان أزرق يبقى الموتور لازم يتفك لكن البخار الأبيض و طبعا الرادياتير يفضى من المياه يبقى غالبا جوان وش سلندر