المارش بيعتل لما العربية تكون سخنة

[Egyzizo]

ألف شكــر على النصائح الغالية
وهاتابع المارش ولو القفشة الجاية قريبة نشوف موضوع الاستيراد ..

[Egyzizo]

الموضوع ده عمره 8 سنين مش عارف جه قدامي ازاي ..
لكن للفائدة ، ولو حد بيبحث عن نفس المشكلة ، أنا صاحب الموضوع
وعايز اقول ان المشكة ماراحتش نهائي بعد اصلاحا المارش
وفى خلال كام يوم كانت موجودة زي ما هي ..
وان اللى حل المشكلة نهائي هو تغير الموبينة ..
رحت لميكانيكي ، كان بيحط فوطة مبللة على الموبينة السخنة ، العربية تدور كويس.
غير الموبينة بواحدة قديمة من عنده وقال لى اطلع جرب .. المشكلة راحت

فخلاني اشتريت موبينة اوتوماتيك ساعتها كانت بـ 60 جنيه
والمشكلة اختفت نهائي من ساعتها.

[tarek abo6]

الموضوع ده عمره 8 سنين مش عارف جه قدامي ازاي ..
لكن للفائدة ، ولو حد بيبحث عن نفس المشكلة ، أنا صاحب الموضوع
وعايز اقول ان المشكة ماراحتش نهائي بعد اصلاحا المارش
وفى خلال كام يوم كانت موجودة زي ما هي ..
وان اللى حل المشكلة نهائي هو تغير الموبينة ..
رحت لميكانيكي ، كان بيحط فوطة مبللة على الموبينة السخنة ، العربية تدور كويس.
غير الموبينة بواحدة قديمة من عنده وقال لى اطلع جرب .. المشكلة راحت

فخلاني اشتريت موبينة اوتوماتيك ساعتها كانت بـ 60 جنيه
والمشكلة اختفت نهائي من ساعتها.

الف شكر على المتابعة بعد المدة دى
عندى نفس المشكلة (كورولا 2006) و كتير يحكو على بطارية - ترس البندكس ---
العربية بتدور الصبح بدون اى مشكلة......لو بطلت بعد 3 دقائيق حتى....تعتل و لازم اكارك بنزين و ممكن تفضل كدة 5 دقايق مثلا
بس بتدور
لما اوصل للحل سوف اقوم بإبلاغكم

[icarus0505]

كان عندي الموضوع ده بس في الكورولا 2005 اتوماتيك كان مجنني وحليته باني فكيت المارش وكان جواه قلب نحاس وفيه من بره خطوط كده بتاكد علي اللحام بتاعها اسمها كولكتوروبعدها محصلتش المشكله دي تاني الحمدلله وممكن الكهربائي يركبلك كتاوت علي المارش بعدها

[عصام العراقى]

كان عندى مشكلة تعتيل المارش واكتشف العطل كهربائى عنده ضمير بان غير رباط كابل الارضى فى الموتور وانتهت المشكله تماما وكنت ذهبت قبلها لكام كهربائى ومره يقول عيب ميكانيكى ومره يقول غير المارش ومره يقول بطاريه وانا غير مقتنع وانتظرت الكهربائى الامين وفعلا كان عطل بسيط لم اشترى اى شىء مجرد تغيير مكان ربط كابل الارضى وسنفرة العروه ومكان الربط وانتهت المشكله تماما وقالى لو لم نربط الكابل كويس ممكن يتحرق المارش . ونصيحه فكر فيما يقوله الصنايعى وكلما رأيته يوحى لك بثقه فى نفسه كبيره تأكد انه حمار او حرامى

[tarek abo6]

جزيل شكرى للردود السابقة (9مارس 2018)
وغالبا هو ده الحل ...لانى رحت لكهربائى وشخص الموضوع على إنه ترس بندكس وغيرناه .و اتحلت المشكلة تماما (يومين تجربة إلى الان وبدون مشاكل نهائى)
بل إن الصوت اصبح انعم و أسرع.
لكن لية انا اعتقد انه الرد السابق لان مشاكل الكابل و الاعادة على اللحمات الداخلية إتعملت مع تغييرترس البندكس.
كمان عندى صديق تاجر قطع غيار نقل شرح لى عمل البندكس و انه لو مش سليم لايشتغل الصبح و لا أى وقت زى ما كان حاصل معايا (صباحا زى الفل)
على اى حال أشتريت الترس بـ 150 جنية و المصنعية 150 زيهم بدون فصال
(و فى توكيل العباسية الترس تمنة 650-700 جنية)