مؤشر الrpm بيعلى و يوطى لوحده؟؟؟!!

[mero25]

يا خبراء المنتدى عربيتى اكسيل موديل 1996 كربراتير
المشكلة ان مؤشر الrpm بيعلى و يوطى لوحده وانا ماشى وخاصة على السلانسيه وده بيخلى الموتور مش مضبوط + بيستهلك بنزين زيادة

مش عارف اعمل ايه ارجو النصيحة
كل عام والجميع بخير
عيد فطر مبارك

شكرا

[giuoshe]

السلام عليكم ورحمة الله

ان شاء الله يكون موضوع بسيط ممكن تظبت مسمار رجلاش الهوا مع البنزين

[giuoshe]

اه ممكن كمان تبص على بك السلانسية وممكن يكون الكربراتر عايز يتنضف

[mero25]

الكربراتير تم اصلاحة من حوالى شهرين
وبانظفة بالسبراى كل شهر
ان شاكك ان لة علاقة بالكهرباء؟؟

[SAMEH_FOUAD]

دة ياباشا بيج السلانسية مافيش كلام ,لائما بيكون من المشط الالكترونى واحد من الاتنين دول ,طيب العربية بتضرب مدافع وانت ماشى ؟؟
شوف كدة شيك على الحاجات دية

[mero25]

دة ياباشا بيج السلانسية مافيش كلام ,لائما بيكون من المشط الالكترونى واحد من الاتنين دول ,طيب العربية بتضرب مدافع وانت ماشى ؟؟
شوف كدة شيك على الحاجات دية

لا مش بتضرب مدافع

[SAMEH_FOUAD]

ماشى الحمد لله انها مابتضربش مدافع عشان لو كدة هيبقى من المشط الالكترونى ,يبقى كدة نستبعدة
يبقى كدة نظف بيج السلانسية كويس والكربراتير عموما ,وخلى واحد كويس يعملهولك

[giuoshe]

ماشى الحمد لله انها مابتضربش مدافع عشان لو كدة هيبقى من المشط الالكترونى ,يبقى كدة نستبعدة
يبقى كدة نظف بيج السلانسية كويس والكربراتير عموما ,وخلى واحد كويس يعملهولك

أخى العزيز على حد معلوماتى انت مشط الالكترونى (الكنترول) بيبقى فى الأنجكشن بس والله أعلم
ومحتاج تبس على مسمار ضيط الهواء مع البنزين فى الكربيتر علشان هو دة المتحكم الأول فى rpm والله أعلم

[SAMEH_FOUAD]

لا ياباشا الاكسيل فيها مشط الكترونى ودة غير الكنترول ,دة بيبقى عبارة عن شريحة كدة بتنظم الكهرباء بتاعة السيارة اللى فيها كاربراتير
الكنترول دة وحدة تحكم كاملة بتبقى موجود فيها كل مايخص اجزاء المحرك من حساسات ونظام تشغيل للسيارة بيمشى على سوفت وير معين للسيارة بتمشى علية فية فرق كبير جدا
والاكسيل فيها المشط الالكترونى وللاسف هو ضعيف وبيضرب على طول

[giuoshe]

جزالك الله خيراً على التوضيح دة انا مكنتش عرف الفرق

[SAMEH_FOUAD]

وكمان الكنترول بيبقى موجود بس فى الانجيكشن وبيبقى متركب فى السيارة نفسها من جوة تحت اقدام الراكب اللى جنب السائق وطبعا مش استاندرد فى كل العربيات بس دية الاغلبية وفى عربيات تانية بيبقى متركب فى الشنطة

[mero25]

انهاردة روحت للميكانيكى ونظف الكربراتير بالسبراى
ومازالت المشكلة كما هى وباليل بحس وانا منور الانتظار ان المؤشر بتاعة اللى فى التابلوه نوره بيعلى ويوطى ايضا ها ده ليه علاقة بمشكلة rpm ?
انا مش فاهم اية اللى بيحصل؟؟؟؟

[SAMEH_FOUAD]

مشكلة نور الانتظار كدة انت عندك مشكلة فى الكهربا خلى الكهربائى يكشفلك عليها ممكن تكون عيب فى فيوزات هو هايعرف وهيشوف اللى عايز يتغير
لما عملت الكربراتير بالاسبراى ومعملش حاجة استنى علية شوية عشان مش بينظف فى ساعتها بياخد وقت شوية وانا عايزك تشيل بيج السلانسية وتغيرة وتركبة تانى

[mero25]

مشكلة نور الانتظار كدة انت عندك مشكلة فى الكهربا خلى الكهربائى يكشفلك عليها ممكن تكون عيب فى فيوزات هو هايعرف وهيشوف اللى عايز يتغير
لما عملت الكربراتير بالاسبراى ومعملش حاجة استنى علية شوية عشان مش بينظف فى ساعتها بياخد وقت شوية وانا عايزك تشيل بيج السلانسية وتغيرة وتركبة تانى

هحاول انتظر وبعدين اشوف الكهربائى
شكرا للمساعده

[aYaBooY]

انت بيك السلانسيه عندك عادة ولا كهرباء