أعرف منين إن الموتور جايب طقم شنبر

[thedeveloper87]

السلام عليكم ورحمة الله وبركاته
يا جماعة أعرف منين إن الموتور جايب طقم شنبر.
الزيت عندي بينقص بس مفيش دخنة زرقاء والسحب ماشاء الله تمام والبوجيهات لسة مغيرها وبصيت على البوجيهات القديمة طالعة زي الفل الحمدلله. بس تقريبا العمة فيها زيت مطرح خرطوم الفايظ وكل لما أمسحه يجيب زيت تاني كل فترة كبيرة(شهر تقريبا).
ده كده طقم شنبر ولا كاوتشات صباب، اعذروني أنا لسة جديد في موضوع العربيات ده.

[SAMEH_FOUAD]

كدة انت عندك طقم شنبر والماتور خفيف ,والحقة عشان مابيوظش حاجة تانى وبالمرة وانت بتفك شيك على كاوتش الصمامات ومن الافضل انك تغيرة بالمرة

[thedeveloper87]

كدة انت عندك طقم شنبر والماتور خفيف ,والحقة عشان مابيوظش حاجة تانى وبالمرة وانت بتفك شيك على كاوتش الصمامات ومن الافضل انك تغيرة بالمرة

شكرا على رد حضرتك ،،،
طب ماينفعش أستعمل مسكنات (زيت تقيل أو غيره) عقبال بس ماأدبر الفلوس بتاعت النص العمر (أصل لازم أعمل حسابي إن ممكن حاجات تانية عايزة تتغير لا قدر الله يعني)

[MMamdouh]

لو العربية فيها طقم شنبر حتدخن من الشكمان و البوجيهات حتعرق زيت و كمية الابخرة اللى حتطلع من خرطوم الفايظ حتبقى كبيرة

خرطوم الفايظ بطبيعتة ممكن يعرق زيت... دة مش معناه ان العربية فيها شمبر... اكتر حاجة تدل على ان العربية فيها شنبر هو ضعف الاداء و كمان اختبار الكبس

MMamdouh

[thedeveloper87]

لو العربية فيها طقم شنبر حتدخن من الشكمان و البوجيهات حتعرق زيت و كمية الابخرة اللى حتطلع من خرطوم الفايظ حتبقى كبيرة

خرطوم الفايظ بطبيعتة ممكن يعرق زيت... دة مش معناه ان العربية فيها شمبر... اكتر حاجة تدل على ان العربية فيها شنبر هو ضعف الاداء و كمان اختبار الكبس

mmamdouh

هو ايه اختبار الكبس ده؟ وأعمله فين وبكام؟

[tabeb]

طيب ايه اللي بيتغير تاني في النص عمرة غير الشنبر؟وهل بنزينة شل الهرم فيها اختبار كبس الموتور؟

[MMamdouh]

هو ايه اختبار الكبس ده؟ وأعمله فين وبكام؟

اختبار الكبس ببساطة شديدة هو قياس الضغط داخل غرفة الحريق... لو الضغط اقل بكتير من الموصى به فى كتالوج السيارة او فيه فروق كبيرة ببين البساتم و بعضها يبقى فيه تهريب للكبس... لو اتعاد الاختبار تانى بس بعد اضافة شوية زيت موتور من خلال فتحة البوجية و النتائج اتحسنت يبقى فيه مشكلة فى الشنبر... لو النتيجة هى هى تبقى مشكلة صبابات

اعتقد كالتكس اللى على ناصية عباس العقاد و النحاس فيها القصة دى

MMamdouh

[SAMEH_FOUAD]

مش شرط ان يكون الماتور خفيف انة يخرج دخان من الشكمان ,هو دلوقتى بيقول فى زيت بينقص باستمرار وبيلاقى زيت تحت غطاء العمة
طيب هاسالك سؤال ؟؟؟
الزيت اللى بينقص قد اية وفى اى ظروف تشغيل يعنى لو ماشى عادى او فى حالة القرص بس ؟

[thedeveloper87]

مش شرط ان يكون الماتور خفيف انة يخرج دخان من الشكمان ,هو دلوقتى بيقول فى زيت بينقص باستمرار وبيلاقى زيت تحت غطاء العمة
طيب هاسالك سؤال ؟؟؟
الزيت اللى بينقص قد اية وفى اى ظروف تشغيل يعنى لو ماشى عادى او فى حالة القرص بس ؟

أنا مابقرصش غير قليل جدا بس أنا حطيت زيت من شهرين وعلامة الزيت كانت فوق ال f (الشرطة اللي فوق يعني) بشوية ودلوقتي عامل تقريبا 3000 كيلو والزيت بقى في النص بين العلامتين.
برضه فيه إضافة عايز أقولها سمعت إن من علامات طقم الشنبر إن العربية بتسخن منك بس الحمدلله العربية مابتسخنش مني خالص.

[M.FOUAD]

طيب ايه اللي بيتغير تاني في النص عمرة غير الشنبر؟وهل بنزينة شل الهرم فيها اختبار كبس الموتور؟

ايوة فيها اختبار كبس الموتور
شوف اية اللي محتاج يتغير تاني غير الشنبر و غيرة ساعة ما تفتح مفيش حد يقدر يقولك اية اللي في الموتور من غير ما يفتحة

[M.FOUAD]

أنا مابقرصش غير قليل جدا بس أنا حطيت زيت من شهرين وعلامة الزيت كانت فوق ال f (الشرطة اللي فوق يعني) بشوية ودلوقتي عامل تقريبا 3000 كيلو والزيت بقى في النص بين العلامتين.
برضه فيه إضافة عايز أقولها سمعت إن من علامات طقم الشنبر إن العربية بتسخن منك بس الحمدلله العربية مابتسخنش مني خالص.

طبيعي مع الاستخدام مقاس الزيت بيقل شوية و انت بتقول انك مشيت بية 3000 كيلو يعني اكيد اتبخر مع الحر اللي في الشهرين اللي فاتوا او ممكن يكون لزوجة الزيت اقل لو عايز تحافظ على المكنة زود زيت شنبر على كل مرة تغير زيت دة هيحافظ على البساتم و العربية تعيش معاك
موضوع السخونة دة مش صح

[شريف]

عايز تحافظ على المكنة زود زيت شنبر على كل مرة تغير زيت دة هيحافظ على البساتم و العربية تعيش معاك
موضوع السخونة دة مش صح

انا مش متفق معاك
لو مفيش تاكل يستاهل استخدام زيت الشنبر هيبقة ضررة اكتر من نفعة بكتير

[michohat]

لو العربية فيها طقم شنبر حتدخن من الشكمان و البوجيهات حتعرق زيت و كمية الابخرة اللى حتطلع من خرطوم الفايظ حتبقى كبيرة

خرطوم الفايظ بطبيعتة ممكن يعرق زيت... دة مش معناه ان العربية فيها شمبر... اكتر حاجة تدل على ان العربية فيها شنبر هو ضعف الاداء و كمان اختبار الكبس

mmamdouh

العربية عندى كتير بيقول لى انها عاوزه طقم شنبر ومفيش دخان من الشكمان الدخان بس بيطلع من الفايظ

اختبار الكبس ببساطة شديدة هو قياس الضغط داخل غرفة الحريق... لو الضغط اقل بكتير من الموصى به فى كتالوج السيارة او فيه فروق كبيرة ببين البساتم و بعضها يبقى فيه تهريب للكبس... لو اتعاد الاختبار تانى بس بعد اضافة شوية زيت موتور من خلال فتحة البوجية و النتائج اتحسنت يبقى فيه مشكلة فى الشنبر... لو النتيجة هى هى تبقى مشكلة صبابات

اعتقد كالتكس اللى على ناصية عباس العقاد و النحاس فيها القصة دى

mmamdouh

عملت اختبار الكبس فى كالتكس عباس العقاد من غير ما يوصل خراطي او حاجات على البوجيهات بس وصل سلوك بجسم الماتور والبطارية وكانت النتيجه :
سلندر رقم 1 : 51
سلندر رقم 2 : 71
سلندر رقم 3 : 49
سلندر رقم 4 : 58
وعلم لى على سلندر 1 و 4 وبيقول الماتور 68 %

[SAMEH_FOUAD]

انت كدة عندك 1و3و4 كبسهم ضعيف لازم على الاقل كل سلندر يبقى حوالى 70/60 على الاقل

[Eng_Mostafa_89]

اختبار الكبس دة اتكلف كام ؟