البطريه نامت ومالهاش حل غير تتغير

[aymoonoo]

البطاريه نامت لما كانت عند بتاع الفايبر عشان الفالح نسي الفوانيس منوره لمدة يومين ابن الحلال ما علينا العربيه بدور لما تتزق بس مش بدور وهيا واقفه ولا بتدي مارش ولا اي بتنجان مع العلم اني دورتها بالزق مرتين ومشيت بيها كتير لدرجة نزلت اكتوبر وارجعت وانا فالهرم عشان اشوف وبرضو مفيش فايده تيجي تدور ولا كانك بتعمل حاجه هوا صوت زي تكه وخلاص ما علينا رحت قالي الac delco ب300 ورحت عند واحد تاني قالي 290 وقالي في الأحسن الي هيا التركي واسمها والله مش فاكر بس المهم دفعت 300 هل ده سعر كويس ولا ايه ؟ هوا كان عندو varta وقالي انها ب370 بس التركي احسن مع العلم انه اخد القديمه يعني 300 بالقديمه ايه السعر عامل ايه ؟!كويس ولا لأ انا غيرتها عشان زهقت العربيه بقالها 4 ايام مركونه فالشارع مش فالجراد وانا شديت العربيه عقبالكو وعامل فيها شغل عالي حرام تترمي فالشارع

[tabeb]

فارتا كويسة

[dr_abooody]

الفارتا احسن من ac delco

[lada2010]

هى القديمة كان نوعها اية

[aymansaad]

الفارتا محترمة

[giuoshe]

يا باشا مدورش مش دفعت وجيت ودارت ربنا يباركلك فى الجديدة

[aymoonoo]

يا باشاوات الله يكرمكم بس انا مجبتش الفارتا عشان صاحب المحل قالي ان البطريه الي انا شريتها ارخص وحده وانضف نوع عشان هيا تركي مش عارف اسمها ايه الصراحه وبالنسبه ان الفارتا احسن من ac delco ده برضو الكلام الي سمعتو من صاحب المحل بس ايه رأيكم فالسعر مقارنه فالسوق اضحك عليا ولا لأ انا دفعة 300

[lada2010]

بص 300 كتير لو كانت فصلت ووصلت 270 كان كويس

[aymoonoo]

والله هوا قالي في الacdelco ب290 بس كان راسو والف سيف مش عايز ينزل عن 300 وانا كنت ساءل الكهرباءي التاني كان هيدهالي ب300 وبعدين مش فارقه على 30 جنيه المهم الموضوع اتحل

[charming]

اهم حاجة اخدت منو الضمان

[Egyzizo]

البطاريه نامت لما كانت عند بتاع الفايبر عشان الفالح نسي الفوانيس منوره لمدة يومين ابن الحلال ما علينا العربيه بدور لما تتزق بس مش بدور وهيا واقفه ولا بتدي مارش ولا اي بتنجان مع العلم اني دورتها بالزق مرتين ومشيت بيها كتير لدرجة نزلت اكتوبر وارجعت وانا فالهرم عشان اشوف وبرضو مفيش فايده تيجي تدور ولا كانك بتعمل حاجه هوا صوت زي تكه وخلاص ما علينا رحت قالي الac delco ب300 ورحت عند واحد تاني قالي 290 وقالي في الأحسن الي هيا التركي واسمها والله مش فاكر بس المهم دفعت 300 هل ده سعر كويس ولا ايه ؟

يعنى انت غيرت البطارية علشان بس القديمة كانت نايمة والعربية مش قادرة تشحنها؟؟

متهيأ لى ان ده سبب مش كافى لأنك تحكم على إن البطارية باظت ، لأن الموضوع ده ساعات بيحصل معايا ، وبيكون الحل ان البطارية تروح للكهربائى وتتحط على تونجر كام ساعة وتظبط حمضية الميه بتاعتها ، وترجع زى الفل ودى بيسموها مسقطة كهربا .. ومستحيل دينامو العربية يقدر يشحنها مهما مشيت أو جريت بالعربية لأن الخواص الكيميائية للميه بتاعة البطارية بتكون اتغيرت.

وعشان تقول ان البطارية باظت فده بيحكم عليه الكهربائى أو بتاع البطاريات باختبار معين كده بيعمله فيعرف ان كان فيها ربع ضارب واللا لأ.

[aymoonoo]

يا باشا اه انا خدتها عند كهرباءي وهوا قالي بص هنحطها عالتونجر ساعه كده عشان نشوف انها اشحن ولا لأ وبعدين انا الي عندي جافه وبرضو بعد محطها عالتونجر جربناها مدارتش خالص ولا نفس قالي دي بايظه وانا مقتنعتش نزلت اكتوبر ورجعت وبرضو مفيش فايده فالأخر زهقت وروحت الا البواب بيقولي متجرب عند الراجل ده معرفه فعلا رحتله وقالي دي بايظه وانا مقلتلوش اني حطتها عالتونجر بعدين انا كده اقتنعت وغيرتها بس معلش عالتأخير

[aymoonoo]

اهم حاجة اخدت منو الضمان

اه خته هوا حتت ورقه كده بس الي قريته انه حتا فضمان دي لو باظت خلال الضمان بتدفع فرق الي انتا استعملتو مع انه قالي غير كده قالي اني مش بدفع حاجه يا سيدي انشالله مش نحتاج الضمان ده فحاجه

[Egyzizo]

يا باشا اه انا خدتها عند كهرباءي وهوا قالي بص هنحطها عالتونجر ساعه كده عشان نشوف انها اشحن ولا لأ وبعدين انا الي عندي جافه وبرضو بعد محطها عالتونجر جربناها مدارتش خالص ولا نفس قالي دي بايظه وانا مقتنعتش نزلت اكتوبر ورجعت وبرضو مفيش فايده فالأخر زهقت وروحت الا البواب بيقولي متجرب عند الراجل ده معرفه فعلا رحتله وقالي دي بايظه وانا مقلتلوش اني حطتها عالتونجر بعدين انا كده اقتنعت وغيرتها بس معلش عالتأخير

كده انت مشيت صح ..
معلش بس ان ماقلتش الحكاية دى فى أول مداخلة ليك ..