عاجل جدا بخصوص فتيس الليجانزا الأوتوماتيك

[FASTER]

عربيتي ليجانزا أوتوماتيك موديل 99الفتيس عندي أحيانا كان بيعلق بمعني أن العربية بتبقي واخدة الغيارdومترضاش تمشي والموتور صوته يعلي ومفيش حركة كام ثانية كدة وتمشي زي مايكون هناك تفويت في شيء معين لحد ما النهاردة رفضت الحركة تماما حتي المرشدير برده مفيش
ياتري يا جماعة ده ممكن يكون أيه وأيه العلاج بسرعة لأني مش عارف أحرك العربية من مكانها
وشكرا لجميع المشاركات مقدما

[discman]

الفتيس دة مفوت فية كلتشات ومحتاج عمرة او تغير وانصحك بالتغيير انضف واسهل واضمن واسرع من العمرة و افحص كارت الفتيس واعملة سكان فى الاول
وربنا معاك

[yousefkhodier]

ده يا باشا عادة بيكون العقل الالكتروني بالذات في الكوري فانت هتكشف علي العقل وانصحك تغيره واكشف علي حساسات الفتيس وعلي الحساس ده بالزات tps sensorان شاء الله تظبط معاك.......

[FASTER]

ربنا يخليكوا يا رجالة وجزاكم الله خير , وعلي فكرة الفتيس أشتغل تاني عادي بعد ماركنت العربية حوالي نص ساعة بس طبعا كدة مالهوش أمان خالص تنصحوني أحاول أصلحه ولا أخدها من قصيرها وأجيب واحد أستيراد طيب ولو أستيراد هايعمل في حدود كام

[sadany18]

ربنا يخليكوا يا رجالة وجزاكم الله خير , وعلي فكرة الفتيس أشتغل تاني عادي بعد ماركنت العربية حوالي نص ساعة بس طبعا كدة مالهوش أمان خالص تنصحوني أحاول أصلحه ولا أخدها من قصيرها وأجيب واحد أستيراد طيب ولو أستيراد هايعمل في حدود كام

هوا الفتيس عامل كام الف معاك ؟؟؟
انا رايي استيراد ... معظم الى بيتصلح مش بيعمر

[M.almaghraby]

انا اسمع ان لفتيس بتاعها مش بيعقد كتير

[ATKATOO]

الليجانزا يا جماعة جابت فتيس مابقاش يتحرك غير على الrوباقى الغيارات مافيش............انا عايز اعرف الفتيس سعرة كام استيراد ..... وجديد لو فى جديد.......

واجيبة منين ......وياريت خطوات الشراء وارقام تليفونات للاماكن وطريقة التركيب علما ان العربية مش بتتحرك خاااااااالص ................

ارجو الاهتمام بالموضوع ..............

[max_ziro]

ف بور سعيد اكيد هتلاقى
و كمان انا لسة شايف واحد فاتح شغل فى اسبرانزا عندنا فى اسماعيلية
انشاء الله هسئلك عندة بليل ..