سؤال عن البوجيهات وعن الار بى ام

[sweetheart_]

بالنسبه للبوجيهات انا عربيتى سوبر فيورا 86 والموتور خفيف شويه وعايز اغير البوجيهات ومش عارف اجيب نوع ايه وسن قصير ولا طويل احسن .
بالنسبه للار بى ام عندى لوحده كده علق وثيبت على 5 لما العربيه بتكون مبطله مش بينزل للصفر بس هو شغال عادى مشكلته انى لما ببطل العربيه مش بينزل عن 5 ودا كان متوافق مع تنضيف الميكانيكى للكربراتير وكمان سلك الشفاط اتقطع فهل دا ليه علاقه ولا ايه.
ويا سلام لو تقولولى الدخنه السودا اتخلص منها ازاى انا غيرت ابلاتين وكوندنسر بس مغيرتش بوجيهات
وشكرا ليكوا جميعاً

[sweetheart_]

ايه يا جماعه انا عارف انكوا قد الاسئلة دى واكتر كمان ؟؟؟؟؟؟؟؟؟

[SAMEH_FOUAD]

انت هاتجيب البوجيهات على حالة الماتور يعنى لو عندك فية بوجيهات بتلاقيها بتبوظ كل شوية وبيجى عليها زيت يبقى لازم بوجيهات سن قصير لكن لو مافيش اى حاجة من الكلام دة يبقى البوجيهات الطبيعية بتاعة السيارة ويكون نوعها ngk
الار بى ام معلق ممكن يكون الميكانيكى نسى حاجة فية ماركبتش طالما هو شغال عادى وانت ماشى
وسلك الشفاط وظيفتة انة بيعلى لفات الماتور عشان يسخن العربية ودة عن طريق بوابة الكربراتير بيخليها تاخد بنزين باستمرار لحد مالعربية تسخن وممكن يكون لية علاقة خلية بردة يبص علية
والدخنة السوداء معناها ان الكربراتير متسخ جدا ولازم يتنظف كويس ,والبيجات بتاعتة لازم تطلع وتشوف لو هاتتغير غيرها بنفس المقاس بتاعها ويظبط كهرباء العربية

[sweetheart_]

الف شكر على الرد