الدريكسيون تقيل وشاكك في السبب.. أفيدوني

[أبو_يوسف]

السلام عليكم
عندي الدريكسيون باور تقيل شوية (نفس احساس ان العجل مريح) مع ان العجل مظبوط ولسه متغير سير الباور في صيانة ال 60 ألف من حوالي شهر..
بصيت على زيت الباور في يوم قبل التحرك بالعربية وجدته اسفل مؤشر ال max بسنة بسيطة ..
وبصيت عليه بعد مشوار لقيته اعلى من الmax بشوية بسيطة..
ياترى ممكن يكون دا السبب؟ (ان الزيت زايد شوية)
افيدوني جزاكم الله خيرا..

[Ali_Abdelhamid]

أنا عندى نفس المشكله اتمنى انى اجد حل لهذه المشكلة

[caysersosaih]

خلي الميكانيكي يبص علي علبة الدركسيون والكبالن

[abdelmessih67]

السلام عليكم
عندي الدريكسيون باور تقيل شوية (نفس احساس ان العجل مريح) مع ان العجل مظبوط ولسه متغير سير الباور في صيانة ال 60 ألف من حوالي شهر..
بصيت على زيت الباور في يوم قبل التحرك بالعربية وجدته اسفل مؤشر ال max بسنة بسيطة ..
وبصيت عليه بعد مشوار لقيته اعلى من الmax بشوية بسيطة..
ياترى ممكن يكون دا السبب؟ (ان الزيت زايد شوية)
افيدوني جزاكم الله خيرا..

أهلا يا أخ تيم

على حسب ما قريت في كتالوج التمبرا أن زيت الباور بيعلى لو العربية سخنة علشان كده بينصح تخلي زيت الباور بين علامتي ال min و ال max علشان لما العربية تسخن ما يعلاش على ال max .

لكن لا أعتقد ان هذا هو السبب , لو ضغط العجل سليم , راجع طلمبة الباور و علبة الدركسيون .

[SAMEH_FOUAD]

لما بيكون الباور تقيل ,بيبقى عيب الاسكاترا ,وممكن تلاقى ناحية خفيفة وناحية تانية تقيلة ,لائما عجلة مأخرة او مقلوبة شوية ,بتخلى العربية فيها عائق فبتقل الدركسيون ,يبقى كدة مشكلة زوايا واتزان,
وسبب تالت: ان الطلمبة الباور بتكون تعبت
انت اكشف على الحاجات دية وان شاء الله خير

[samirayad]

أنصح الأخوه اللى بيعانوا من تقل فى عملية التوجيه
بتجربة شد سيرطلمبة الباور شويه والتجربه
طالما الطلمبه بتقلب الزيت تمام بسحبها للزيت من تنك الباور
ومفيش تسريب خارجى ظاهر

[أبو_يوسف]

لما بيكون الباور تقيل ,بيبقى عيب الاسكاترا ,وممكن تلاقى ناحية خفيفة وناحية تانية تقيلة ,لائما عجلة مأخرة او مقلوبة شوية ,بتخلى العربية فيها عائق فبتقل الدركسيون ,يبقى كدة مشكلة زوايا واتزان,

الحمدلله مع ظبط الزوايا الباور اتظبط الحمدلله..
جزاكم الله خيرا جميعا..

[Ali_Abdelhamid]

الأخ timtim
انتا ظبط الزوايا فين ... علشان أنا روحت بريدجستون اللى فى بنزينه كالتكس أخر شارع عباس العقاد ... وبردو البور تقيييل ... وفى البدايه انا كنت غيرت سير الباور ومتاكد من شده

[Ali_Abdelhamid]

فين حد يكشف على الاسكاترا علشان انا تعبت من تقل الدركسيون

[SAMEH_FOUAD]

الاسكاترا اللى بيكشف عليها عفشجى بس احب انبهك لحاجة
الاسكاترا بتبوظ لما بيكون فيها بوش وبتخبط فى المطبات
انت كدة عندك مشكلة فى حاجتين لائما الزوايا عندك فيهامشكلة وهية اللى مأثرة على التوجية
لائما طلمبة الباور مش بتعمل بكفاءة

[hoda9999]

انا معايا سينا 1400 والباور عندى بيتقل بعد المشى ب 3 دقاءق معرفش دة السكاتر ولا الترونبة لانها بتعمل صوت همهمة جامد يا جماعة الولى وارشدونى اشتريها منين من دمشك واصلح فين فى مدينة نصر

[caysersosaih]

لو هتجيب جديد هات من السجان او الشرق في شارع دمشق والأفضل تجيب أصلي من الكيلاني

ممكن تجيبها استيراد هتكون مضمونة واصلي وارخص بكتيييييثر من الجديد

[hoda9999]

طب ايى العيب اسكتر ولا ترونبة وتانى حاجة مش الستيراد دة استعمل قبل كدا يعنى هيعدلو شويتين وينتهى واعض بقى عند الميكانيكيا

[hoda9999]

علما ان اول ا3 دقاءق الباور بيبأى حلو

[SAMEH_FOUAD]

كدة الطرمبة ياباشا ,لائما تشيك الاول على السير بتاعها