لمبة الزيت

[Falcon]

الموضوع دا بيحصل من فترة وهو ان لمبة الزيت لما باجي ادور العربية الصبح بتفضل منورة فترة طويلة حوالي دقيقة كده واحيانا اكتــــــر لحد ماتفصل لكن لو دورت العربية وزودتلها كام سنة بنزين (وانا ممور) اللمبة بتفصل ، الميكانيكي بتاعي لما كنت بعمل عمرة للعربية من فترة كان قالي مادوسش بنزين طول ما لمبة الزيت منورة. المهم سألت ميكانيكي تاني قالي ابقى زودلها بنزين عادي واطلع ما فيش مشكلة.
انا عايز اعرف ايه الصح .. استني لما اللمبة تطفي واطلع ولا ازودلها بنزين واطلع بيها لاني ساعات بعمل كده لما اكون مستعجل. الموضوع دا بيحصل الصبح لكن طول اليوم بتبقى عادي لما ادور اللمبة بتفطي على طول.

[hazem_khidr]

غير الزيت بنوع كويس و الفلتر و شوف حتعمل معاك ايه؟؟

[Ahmed Hassan]

Re: لمبة الزيت

الموضوع دا بيحصل من فترة وهو ان لمبة الزيت لما باجي ادور العربية الصبح بتفضل منورة فترة طويلة حوالي دقيقة كده واحيانا اكتــــــر لحد ماتفصل لكن لو دورت العربية وزودتلها كام سنة بنزين (وانا ممور) اللمبة بتفصل ، الميكانيكي بتاعي لما كنت بعمل عمرة للعربية من فترة كان قالي مادوسش بنزين طول ما لمبة الزيت منورة. المهم سألت ميكانيكي تاني قالي ابقى زودلها بنزين عادي واطلع ما فيش مشكلة.
انا عايز اعرف ايه الصح .. استني لما اللمبة تطفي واطلع ولا ازودلها بنزين واطلع بيها لاني ساعات بعمل كده لما اكون مستعجل. الموضوع دا بيحصل الصبح لكن طول اليوم بتبقى عادي لما ادور اللمبة بتفطي على طول.

اتأكد ان مستوى زيت الموتور مش ناقص شويه... لو ناقص زوده و شوف ايه اللي هيحصل

[eng_mkhalaf]

مستوى الزيت أو الفلتر أو نوع الزيت يكون تقيل

[Falcon]

غير الزيت بنوع كويس و الفلتر و شوف حتعمل معاك ايه؟؟

اتأكد ان مستوى زيت الموتور مش ناقص شويه... لو ناقص زوده و شوف ايه اللي هيحصل

مستوى الزيت أو الفلتر أو نوع الزيت يكون تقيل

شكرا على ردود حضراتكم
بالنسبة للزيت انا بستعمل شيل 1500 كم اللى في عبوة حمراء.
مستوى الزيت عند الماكس ولسة على ميعاد تغيرة أقل من 300 كيلو. وفعلا فلتر الزيت محتاج تغيير لاني بقالي 3 مرات مغيرتوش.
ممكن اعرف هل في خطورة في انى بدوس بنزين عشان اللمبة تطفي؟؟
وشكرا على سعة صدركم.

[hazem_khidr]

ممكن اعرف هل في خطورة في انى بدوس بنزين عشان اللمبة تطفي؟؟
وشكرا على سعة صدركم.

مش خطوره بالدرجه لكن علشان تبقي في الامان سيبها لحد ما تطفي لوحدها لو مستعجل اابقي دوس خفيف بس في اضيق الحدود و هو الفرق كله 5 ثوان او حاجه مش اكتر متهيالي

[ahmedsamir79]

ما فيش خطورة بس أستني أحسن

[memoo305]

ممكن تكون طرمبة الزيت عندك ضعيفة شوية

[ابوشريف]

اما الفلتر مسدود او طرمبة البنزين ضعيفه

او فى تسريب زيت حوالين سبيكة الكرنك او عمود الكامات

المفروض متزودش بنزين خالص الا لما تطفى اللمبه

ولا تتحرك ابدا بالسياره قبل ماتطفى

جرب الاول تغير فلتر الزيت ونشوف ... ..وان شاء الله كله يبقى تمام