مشيت على سرعة 120 كم بس على التالت

[mody_van]

مشيت على سرعة 120 كم بس على التالت وكنت فاكره الخامس لمدة 30 دقيقة
نوع عربيتى سكودا فانتازيا الجديدة ووبعد كده عرفت انه التالت والعربية دلوقتى ماشية معايا عادى دى ممكن يكون أثر على حاجة فى الماتور او الزيت واعرف ازاى ان فى حاجة حصلت فى الماتور
ياريت حد عنده خبرة ينصحنى اعمل اية

[menamakram2003]

طالما الار بى ام ما عداش الاحمر يبقى مفيش مشاكل و مستحيل يكون عدا الاحمر على 120

[Maged_Samy]

عادى جداً مفيهاش اى قلق ممكن بس تكون سخنت العربيه شويه معاك وكان صوتها عالى

[mody_van]

يعنى مفيش اى ضرر حصل للعربية كده

الار بى ام دى فين

[pro_samir]

العداد التاني اللى بيكون جنب السرعة ، معرفش شكلة اية عندك بس بيكون زي كدة



والمفروض انة لو دخلت فى مرحلة الخطر العربية بتفصل لوحدها لأن حتي الانوس كانت بتعمل كدة

[mody_van]

انا لم انظر اليه

يعنى كده مروحش اكشف على اى حاجة فى العربية واغير الزيت عادى بعد 5000 كم

[Youssef.Awad]

الار بى ام دى فين

rpm ده عدد لفات الموتور فى الدقيقة
وله فايدة هامة جدا ومش موجود فى التابلوه منظر ولا وجاهة جنب عداد السرعة
والمفروض انك تخلى بالك وانت سايق وتزبط النقلات عليه لو سايق مانيوال او ستيبترونيك بحيث لا يتجاوز 3000 لفة فى الدقيقة

لكن الواضح انك مش واخد بالك من الحاجات دى فياريت تاخد بالك وانت سايق من النقلات وتوقيت النقل بين التروس عشان تحافظ على محرك وفتيس عربيتك وتطول عمرها على قد اما تقدر ويخفيك شرها

يا إما الحل التانى انك تجيب عربية اوتوماتيك وتريح دماغك من الحدوتة دى

[mody_van]

الف شكر على الردود

الف شكر على الردود

[zocor742]

انت تعتبر قرصت بالعربية او حرقت على الغيار
بس حضرتك كنت جايب 120وثابت على السرعة ولا كنت بتجمع وهتنقل لقيت نفسك على التالت بدل الخامس
لو على الوضع الاول انك قرصت او حرقت على الغيار مفيش مشاكل ومتعملهاش كتير
انما لو على الوضع التانى اظن غلط واجهاد على المكنة

[ahmad--ezzat]

هو حضرتك...مسمعتش صوت الماتور خالص وحسيت انه عالى

[totaman]

هو حضرتك...مسمعتش صوت الماتور خالص وحسيت انه عالى

ما هوة ده اللى انا مستغرب منه

يا اما بقى نفهم من كدة ان العزل ماشاء الله جااااااااااااامد جداااا

[E30power]

طالما الار بى ام ما عداش الاحمر يبقى مفيش مشاكل و مستحيل يكون عدا الاحمر على 120

+111111111111