مشكلة في الهيونداي إكسل

[Falcon]

السلام عليكم
صديق لي معه هيونداي اكسل 1500 - 95 - خليجي.
المشكلة انه لما بيجي يدور الصبح الموتور بيرعش (لما بيكون بارد) لكن بعد كده طول اليوم الرعشة دي مابتحصلش. يعني بيبطل ويدور من غير الرعشة ماتحصل.
ما تفسيركم؟ وبالمناسبة في ميكانيكي افتي ان كل الاكسل كدا :roll: :roll: :roll: ؟؟؟
وشكرا

[hazem_khidr]

عليكم السلام.
خلي صاحبك يروح يضبط الهوا و ان شاء الله حتبقي تمام.
و بعدين الموتور لما يبقي بارد بيبقي في رعشه طبيعيه كده انما لو الرعشه دي زياده خليه يضبط الهوا.
دا في حاله لو كانت قواعد الموتور سليمه و مش بيشتكي منها

[thegreatnileman]

صاحبك يروح يضبط الهوا و ان شاء الله حتبقي تمام.
و بعدين الموتور لما يبقي بارد بيبقي في رعشه طبيعيه كده انما لو الرعشه دي زياده خليه يضبط الهوا.
دا في حاله لو كانت قواعد الموتور سليمه و مش بيشتكي منها

واضيف اته لو الهواء مضبوط بيكون الاكسيلاتير متوطى على الاخر ممكن نزوده شوية وخلاص طالما لما بتسخن بتمنع الحركه دى وتغيير القواعد مهم جدا

[Falcon]

Thanks ya shabab

[mohamed farouk abo ala]

السلام عليكم
انا معايا اكسيل 97 وكان عندى نفس المشكلة بظبط حل المشكلة الرعشة اول لما بتكون العربية باردة هى قواعد الموتور :
قاعدة موتور امامى ألى بتكون ماسكة الموتور ناحية غطاء الكاتينة و قنطرة موتور الخلفى دية نتكون ناحية الفتيس قاصدى الجانب التانى
المهم حكاية الرعشة دية بتكون من كوتش القاعدة الموتور الكوتش بيكون ناشف فابيسبب موضوع الرعشة دية بس لما بتكون العربية ليسة باردة وبعد ماالعربية بتسخن الرعشة دية بتروح لان الكوتش القاعدة الموتور بيكون طرى من السخنية الموتور
اماتقلقش الموضوع بسيط انشاء الله خليى الميكانيكى يبصلك على القواعد . وانشاء الله خير

[BASHAR]

دي معلومة جديدة وكويس انك قولت عشان كنت بفكر اشتري اكسيل ممكن تكون بسيطة بس اكيد لازم نستفسر

شكرا يا جميل ;)

[Falcon]

السلام عليكم
انا معايا اكسيل 97 وكان عندى نفس المشكلة بظبط حل المشكلة الرعشة اول لما بتكون العربية باردة هى قواعد الموتور :
قاعدة موتور امامى ألى بتكون ماسكة الموتور ناحية غطاء الكاتينة و قنطرة موتور الخلفى دية نتكون ناحية الفتيس قاصدى الجانب التانى
المهم حكاية الرعشة دية بتكون من كوتش القاعدة الموتور الكوتش بيكون ناشف فابيسبب موضوع الرعشة دية بس لما بتكون العربية ليسة باردة وبعد ماالعربية بتسخن الرعشة دية بتروح لان الكوتش القاعدة الموتور بيكون طرى من السخنية الموتور
اماتقلقش الموضوع بسيط انشاء الله خليى الميكانيكى يبصلك على القواعد . وانشاء الله خير

Special thanks 2 u

[thegreatnileman]

وتغيير القواعد مهم جدا