مؤشر البنزين مش بيشتغل اعمل اية؟

[mero25]

انهاردة ظهرت مشكلة جديدة عليا ان مؤشر البنزين مش بيشتغل خالص وتحت العلامة الحمرل كأنى مش مدور العربية
يا ترى حد ممكن يفيدنى ايه السبب وممكن اروح لكهربائى ولا ميكانيكى

[caysersosaih]

كهربائي شاطر يشيك الأول علي القيوزات لو سليمة روح لبتاع عدادات

[SAMEH_FOUAD]

شيك الاول على الكهرباء من يكون عيب فيوز او العداد مثلا فية حاجة ,لو لاقهم سلام يبقى هاتضطر تشيك على العوامة فى تنك البنزين

[mero25]

كهربائي شاطر يشيك الأول علي القيوزات لو سليمة روح لبتاع عدادات

شاكر فضله

[mero25]

شيك الاول على الكهرباء من يكون عيب فيوز او العداد مثلا فية حاجة ,لو لاقهم سلام يبقى هاتضطر تشيك على العوامة فى تنك البنزين

اظن ساعتها تبقى مشكلة كبيرة لو افتح تنك البنزين

[SAMEH_FOUAD]

عادى يعنى مش مشكلة ولا حاجة الموضوع بسيط جدا بالعكس دة هيبقى افيدلك عشان تنظف التانك من الرواسب اللى فية ,بس ياريت لو عملت كدة ,تنظف فلتر البنزين ,وطلمبة البنزبن ,عشان كدة يبقى عندك كل حاجة نظيفة ,

[A.Saad]

عادى يعنى مش مشكلة ولا حاجة الموضوع بسيط جدا بالعكس دة هيبقى افيدلك عشان تنظف التانك من الرواسب اللى فية ,بس ياريت لو عملت كدة ,تنظف فلتر البنزين ,وطلمبة البنزبن ,عشان كدة يبقى عندك كل حاجة نظيفة ,

وتاخد بالك ان ميكونش بيدخن ساعتها

[mero25]

الف شكر على الردود
بس في حاجة حصلت جديد انا هاردة فولت تانك البنزين لاقيت المؤشر رجع اشتغل تانى لوحده وبعد ما مشيت بالعربية لاقيت المؤشر نزل لوحدة حتى نصف الامبير يعنى نصف التانك مع انى مشيت 10 كم فقط يبقى ايه العيب؟؟؟؟

[Nader]

المشكلة اللي عندك من عوامة البنزين، خرفت غالباً بسبب قطع في الملف، ومحتاجة تغيير.

هتلاقي المؤشر بيطلع عادي بعد التفويل ولكن بعد شوية من الاستهلاك هيفصل
كهربة وينزل للأخر، طبعاً بيكون في قبلها فترة بيتمرجح فيها المؤشر
مع حركة البنزين في التانك....

ممكن تغيرها بنفسك لو ليك في الشغل بايدك، هتفتح شنطة العربية
وتخرج الفرشة وتفضي الشنطة خالص، هتلاقي جسم اسود دائري وفيه
مسامير، فك المسامير وفك فيشة العوامة وارفعها، حط الجديدة مكانها
واعكس اجراءات الفك.

[tananybasha]

فيوز او سلوك العوامه مفصوله او العوامه علقت
صعب قوى يكون المؤشر باظ

[mero25]

المشكلة اللي عندك من عوامة البنزين، خرفت غالباً بسبب قطع في الملف، ومحتاجة تغيير.

هتلاقي المؤشر بيطلع عادي بعد التفويل ولكن بعد شوية من الاستهلاك هيفصل
كهربة وينزل للأخر، طبعاً بيكون في قبلها فترة بيتمرجح فيها المؤشر
مع حركة البنزين في التانك....

ممكن تغيرها بنفسك لو ليك في الشغل بايدك، هتفتح شنطة العربية
وتخرج الفرشة وتفضي الشنطة خالص، هتلاقي جسم اسود دائري وفيه
مسامير، فك المسامير وفك فيشة العوامة وارفعها، حط الجديدة مكانها
واعكس اجراءات الفك.

الف شكر ليك يا نادر باشا وحشتنا مشاركاتك المفيدة
بالفعل هو كدة
بس لنا العربيى عندى هاتشباك هل النظام هو هو - واذا كان ها كدة انا بعيد عن تنك البنزين ولا دى فتحة لتنك البنزين من فوق لتغير العوامة

وشكرا ليك يا خبير الاكسيل

[ainshouka]

نفس المشكلة دى كانت عندى والمؤشر وقع للصفر وعرفت السبب ان الجزء البلاستيكى اللى فى العوامة كان مخروم فاتملى بنزين فغطس لتحت لقاع التانك بدل ماكان طافى على سطح البنزين وعلشان كده كان الموشر على صفر

روح لكهربائى وخليه يكشفلك عليها ممكن يكون هو دا السبب

[Nader]

الف شكر ليك يا نادر باشا وحشتنا مشاركاتك المفيدة
بالفعل هو كدة
بس لنا العربيى عندى هاتشباك هل النظام هو هو - واذا كان ها كدة انا بعيد عن تنك البنزين ولا دى فتحة لتنك البنزين من فوق لتغير العوامة

وشكرا ليك يا خبير الاكسيل :m_yes[1]:

الشكر لله

مكان تنك البنزين هو هو في السيدان والهاتش باك، والفتحة دي فوق تنك البنزين مخصصة
للعوامة بدون الحاجة لفك التانك نفسة.

[BOOGIE]

المشكلة اللي عندك من عوامة البنزين، خرفت غالباً بسبب قطع في الملف، ومحتاجة تغيير.

هتلاقي المؤشر بيطلع عادي بعد التفويل ولكن بعد شوية من الاستهلاك هيفصل
كهربة وينزل للأخر، طبعاً بيكون في قبلها فترة بيتمرجح فيها المؤشر
مع حركة البنزين في التانك....

ممكن تغيرها بنفسك لو ليك في الشغل بايدك، هتفتح شنطة العربية
وتخرج الفرشة وتفضي الشنطة خالص، هتلاقي جسم اسود دائري وفيه
مسامير، فك المسامير وفك فيشة العوامة وارفعها، حط الجديدة مكانها
واعكس اجراءات الفك.

كلام نادر صح انا كانت عندى المشكلة دى بسبب الملف بتاع العوامة بس خلاص تأقلمت معاها بقيت احط صفيحة كل لما العداد ينزل عن النصف

[mero25]

الشكر لله

مكان تنك البنزين هو هو في السيدان والهاتش باك، والفتحة دي فوق تنك البنزين مخصصة
للعوامة بدون الحاجة لفك التانك نفسة.

شا كر ليك
وجارى المحاولة