موضوع مهم برجاء التعليق من كل الخبراء

[HNaga]

انا بتصفح مواقع أجنبية كتير خاصة الأوبل

بصوا بقى على الكلمتين دول

Letting an engine idle from cold to warm it up is one of the worst things you can do - the oil is at its tickest, the pressure from the pump is at its lowest, and pressure on the valve train components is at it's highest when cold/idling. Plus it will take much longer to reach optimum working temp

The best thing is to start it up and drive off immediately, but don't rag it

Plus check with your insurance before (if) you fit on, as most don't like remote starter
__________________

هل ده معناه اننا كلنا فاهمين غلط؟ والا الكلام ده على اوبل بس؟

يعنى محتاجين شرح تفصيلى الكلام ده صح والا غلط

[tutankhamoun]

و الله يا أستاذ هشام أنا طول عمري أعرف عكس الكلام ده
تدور العربية و تستنى عليها دقيقة أو 1/2 دقيقة و بعدين تطلع
و فعلا بحس بفرق لو طلعت بيها على طول و هي باردة و بحس أن سحبها ضعيف !!!!!!!!!

[sokasoon]

و الله يا أستاذ هشام أنا طول عمري أعرف عكس الكلام ده
تدور العربية و تستنى عليها دقيقة أو 1/2 دقيقة و بعدين تطلع
و فعلا بحس بفرق لو طلعت بيها على طول و هي باردة و بحس أن سحبها ضعيف !!!!!!!!!

• +1000000 بالظبط لما اطلع من غير ما اسخن العربية بحس ان سحبها ضعيف

[modux]

انا عندي بدور و اطلع علي طول

بس ممكن مهندسين السيارات يقولونا نعمل ايه

[OsKaR]

الله يا أستاذ هشام أنا طول عمري أعرف عكس الكلام ده
تدور العربية و تستنى عليها دقيقة أو 1/2 دقيقة و بعدين تطلع
و فعلا بحس بفرق لو طلعت بيها على طول و هي باردة و بحس أن سحبها ضعيف !!!!!!!!!

+million

[ahmed1981]

السيارات الحديثة بها أنظمة تسخين آلي
ولذلك تستطيع أن تدير المحرك وتنطلق بها فورا حتى وهي باردة لأنها ستقوم آليا بالتسخيين على الماشي
المهم ألا ترفع ال RPM عاليا في بداية السير بمعنى أن تقود بطريقة هادئة في البداية لمدة دقيقة مثلا
وبعد ذلك خذ راحتك في رفع عدد لفات الموتور ال RPM

وشيء طبيعي أن تجد السحب ضعيف بعض الشيء في البداية المهم متقرصش على العربية وخليك هادي وشوية وهتلاقيها بقت عادية جداً معاك

وتخيل أن سيارة مثل الجولف 2 بها نظام سخان هواء كهربائي يقوم بتسخين مدخل الهواء إلى الموتور
وهناك أنظمة أخرى كثيرة في سيارات أخرى وتشترك كل هذه الأنظمة في رفع سرعة الموتور عند حد معين خلال فترة معينة حتى أثناء السير وخلالها يتم تسخين الهواء الداخل للموتور بعدة طرق أو حقن بعض العادم مع الهواء الداخل أو طرق أخرى كثيرة

وهذا الموضوع أظن أن به بعض التوضيح:
http://www.nilemotors.net/Forum/viewtopic.php?t=6874

[ahmedsrs]

+1000000 بالظبط لما اطلع من غير ما اسخن العربية بحس ان سحبها ضعيف

[abo3bdolrahman]

ممكن تراجع مانيوال السيارة و إتبع التعليمات الموجودة فيه و زى ما قال أحمد 1981 العربيات الحديثة كلها لا تحتاج إلى تسخين و يمكنك أن تدير المحرك و تنطلق مباشرة بشرط ألا تقوم بالضغط على المحرك حتى تصل لدرجة حرارة التشغيل الطبيعية.

[gade2]

مفبش كلام بعد لكلام الحلو ده كله

[Adham]

هو دة الفرق بين ال Cold Runing و العادي

دة بتمشي بية من غير تسخين و دة لأ

و بيتسخن وانت ماشي عن طريق انة بيقفل ثرموستات الكوعه بتاع المياة و ياخد هواء سخن من على منافول الشكمان لحريق العربية

[MMamdouh]

و كمان الكمبيوتر بيرفع لفات السلانسية و يخلى الخليط غنى عشان يساعد على عملية التسخين (زى الشفاط)

فى الBMW E39 M5 كان الRPM بيغير الred zone حسب حرارة الموتور يعنى اول ما تدور العربية الred zone بتبقى على 4500 فقط و تزيد مع زيادة الحرارة لحد ما توصل للحد الطبيعى عند 7000 لفة

نصيحة: اوعى تقرص على موتور بارد

MMamdouh

[modux]

و كمان الكمبيوتر بيرفع لفات السلانسية و يخلى الخليط غنى عشان يساعد على عملية التسخين (زى الشفاط)

فى الBMW E39 M5 كان الRPM بيغير الred zone حسب حرارة الموتور يعنى اول ما تدور العربية الred zone بتبقى على 4500 فقط و تزيد مع زيادة الحرارة لحد ما توصل للحد الطبيعى عند 7000 لفة

نصيحة: اوعى تقرص على موتور بارد

MMamdouh

[BASHAR]

ممكن تراجع مانيوال السيارة و إتبع التعليمات الموجودة فيه و زى ما قال أحمد 1981 العربيات الحديثة كلها لا تحتاج إلى تسخين و يمكنك أن تدير المحرك و تنطلق مباشرة بشرط ألا تقوم بالضغط على المحرك حتى تصل لدرجة حرارة التشغيل الطبيعية.

+100 ;)

[sab3aawy]

تسمحولى ادلق بجردلى (قصدى ادلى بدلوى ) فى الموضوع ده

هسألكم سؤال بديهى:

لو انت بتسخن مية على البوتاجاز علشان تعمل كباية شاى، بتاخدلها بتاع خمس دقايق

لو انت عندك سخان كاتل كهربا سوبر مرعب من اللى بيسخن المية اسرع من الريح، بتاخدلها دقيقتين او دقيقة ونص على ماتسخن

لكن مفيش اختراع تحط فيه المية تلاقيها بتغلى لحظيا

برضه نفس الكلام بالنسبة للمحركات ، المحرك مصمم اساسا للعمل باقصى كفاءة واقل تآكل عند درجة حرارة وضغط زيت لا يصل اليهم لحظيا حتى لو بنتكلم على محرك مايباخ او كاديلاك، لازم فترة يصل فيها المحرك لدرجة الحرارة التى تكون فيها خلوصاته محكومة والزيت يملأها وكذلك يكون الزيت فى حالته المثلى

تمت اضافة افكار كثيرة جدا للسيارات لتسريع التسخين وتجنب اثار الدوران البارد، منها:

1- خانق الهواء الموجود فى الكاربراتير (الشفاط) الذى يعمل يدويا او اوتوماتيكا ويقوم بدفع كمية كبيرة من البنزين والمحرك بارد تعمل على رفع درجة حرارة المحرك بسرعة ، تحول هذا الخانق فى عصر الحقن الإلكترونى الى جزء من سوفتوير الحقن يقوم بحقن كمية بنزين كبيرة والمحرك بارد

2- ثرموستات كوعة المياه والذى لا يسمح بخروج مياه المحرك الى الردياتير طالما هى باردة، حتى تصل لدرجة حرارة التشغيل بسرعة ومن ثم يسمح لها بالخروج

3-تحسين الخامات المستخدمة فى الجلب والصبابات لتقليل تمددها وانكماشها وكذلك تقليل معدل التآكل

4-تطوير مسارات الزيت فى لمحركات بحيث يستغرق اقل مدة للوصول الى الجلب والمفصلات ، وكذلك خلق نقط تخرين للزيت قرب الجلب والمفصلات حتى يكون متوافر قليل من الزيت للجلب فى لحظة التدوير لحين وصول امداد الزيت

6- تطوير الزيوت بحيث تكون لزوجتها اقل ما يمكن فى لحطة التدوير، ولزوجة مناسبة فى ظروف التشغيل(الزيوت التخليقية) حتى تصل الى الجلب مباشرة

كل هذا ادى الى ان المحرك يصل لظروف تشغيله المعتادة فى مدى زمنى قصير(دقيقتين مثلا) بدلا من 5 دقائق او 10 فى السيارات القديمة

لكنه بالتأكيد لا يصل لحظيا

والآن نعود الى المداخلة الاولى التى اراها تناقض نفسها

فالمداخلة تقول ما ملخصه ان المحرك فى لحظة بداية التشغيل يكون فى اوهن حالاته من حيث لزوجة الزيت وضغط الطلمبة، وبالتالى فيجب اننا نديله على قلبه ونروح محملين عليه حمل تحريك السيارة مباشرة وهو مازال بدون زيت فى الجلب..................فهل هذا منطق؟

انا مقتنع بإن المنطقى هو اننا نستفيد بمنجزات العلم والتكنولوجيا فى انها سرعت تسخين المحرك ونبدا الحركة بعد فترة وجيزة ولتكن 30 ثانية الى دقيقة واحدة ولا داعى للإنتظار 10 دقائق مثلما كان اباؤنا يفعلون فى سياراتهم الفيات

وهذة ال ثوانى ال 30 تضمن وصول الزيت الى كل الجلب والمفصلات، كما تضمن درجة دفئ بسيطة للمحرك تسمح بان تكون الصبابات محكومة على قواعدها وبالتالى يتحسن سحب السيارة، بعد الثوانى ال 30 ينصح بعدم القرص على السيارة(كأنها سواقة تليين يعنى)، لأول 2 كيلومتر، حتى نصل لحرارة التشغيل القياسية، بعد كدة معاك ربنا ويكفيك شر الطريق

[Hisham_ElFeky]

بجد انت بتبهرني بتحليلاتك اللي مالهاش حل

وانا فعلا اول ما بدور العربية مبتكملش ٣٠ ثانية واجد اول شرطة في السخونه ظهرت