انا حزين جدا

[HAWARY]

السلام عليكم ورحمة الله وبركاته
اخواني اخواتي رفقاء المنتدي الكرام
سبب حزني الشديد بالرغم من ان الله عز وجل اكرمني بتحفه اسمها بيجو 405 برستيج 1800 cc مانيوال اوبشن انجكشن مو 1996 منذ شهر تقريبا ، عملتلها استميشن وكانت الحالة اكثر من ممتاذه والموتور حالته فوق 80% ونظرا لاقامتي بمحافظة قنــا ( الصعيد الجواني 9ساعات سفر 650 كيلو متر ) كنت شايل هم الصيانه علشان بالعربي معندناش مراكز صيانة بيجو ولا صنايعيه بتفهم حتي في العجل الصيني ( مع احترامي للماركه ) والي خفت منه حصل لاحظت ما يلي :-
1- ان هناك صوت في الموتور عند الضغط علي بدال البنزين اثناء السير ( صوت تسقيفه ناعمه ) يعلي مع زيادة الضغط علي بدال البنزين .
2- ( معدل التسارع ضعيف ) بمعني وجود ضعف في الانتقال من حاله سرعه الي حاله سرعه اعلي لا يتناسب مع امكانات العربية الكبيرة .
علما بأني عملتلها الاسعافات الاوليه وهي تغيير البوجيهات الالكتروني الاصلي ، فلتر البنزين ، تغيير البنزين لشكي في نقائه .
افيدوني افادكم الله علي وجه السرعه .
عمر الهواري

[sab3aawy]

جرب تستعمل منظف رشاشات مرة واحدة وبعد كدة استعمل بنزين 92

[HAWARY]

سبعاوي باشا اشكرك علي الاهتمام والرد
اغلب الصعيد ما فيهوش بنزين 92 والبديل الوحيد 90 , ايه العمل :?:
برجاء معرفة افضل انواع منظف الرشاشات وكيفية استخدامه و كميته و سعره تقريبا ان امكن.
اتمني تفاعل اكثر من زملاء المنتدي
وشكرا

[ahmedsrs]

فيه منظف رشاشات abro وده امريكى وسعره 12 جنيه
وفيه منظف موبيل postive power وده سعره 15 جنيه
وفى انواع تانيه بس دول الى فى بالى وبيستخدم عن طريق ملو نصف التانك وبعدين حط المنظف وبعدين كمل ملو بقيت التانك وخليك متفولش لغاية لما التانك يقرب يفضى

[tutankhamoun]

الأخ هواري ......... أهلا بك معنا
بالنسبة لمنظف الرشاشات أنا أستخدمت نوع مصري في علبة سوداء و أسمه
petrol injector cleaner
يعني بالعربي الفصيح ......... منظف رشاشات البنزين
و ثمنه حوالي 12 جنيه مصري و هو من إنتاج شركة الأسكندرية للكيماويات و يتم تصنيعه بمشاركه شركة إنجليزية
و هنا أنواع أخرى مصنوعة عند بلاد الصهاينة ........ أمريكي
و هي أنواع جيدة و غالية شوية يعني بيوصل ثمن العلبة إلى 25 جنيه و 30 جنيه حسب النوع
و لكن النوع المصري ممتاز و شعرت بفارق كبير عند إستخدامه فأصبحت السيارة ذات تسارع أعلى و شد في السحب و توفير في البنزين
و كل ما عليك أنك تنتظر حتى يصل مؤشر البنزين إلى الربع و تذهب إلى البنزينة و قبل ما تفول تفرغ محتويات العلبة في التانك و ثم تفول التانك و بعدين بعد حوالي 10 أو 15 كم ستشعر بفرق بسيط و بعد ما تخلص التناك ستشعر بفرق كبير و ستجد أن حالة الموتور أفضل و توفيره للوقود أعلى
و لكن هذا إذا كانت مشكلتك أصلا مع نظافة الرشاشات ........... و لكن أعتقد بما أنك دائما لا تجد إلا بنزين 90 فعليك استخدامه كل 1000 كم مثلا
و هناك رافع الأوكتان و لكنه غالي و لكنه يرفع جودة البنزين من 90 إلى 95 و العلبة بتعمل حوالي 27 جنيه و هو مصنوع في أمريكا أيضا
و هذا تكلفة كبيرة عليك و لكن إذا كنت ترى أنها ليست تكلفة فيمكنك رفع جودة البنزين بهذه الطريقة لتعويض البنزين 90 الموجود عندك في قنا

[HAWARY]

:lol: ahmedsrs & tutankhamoun :lol:
[size=6][color=green]الف الف مليون شكر علي مساعدتكم بهذا الاخلاص الذي جعلني اشعر بأني اتحاور مع اسرتي وعلشان كده اقترح علي الساده المشرفين اعادة تسمية المنتدي بأسم منتدي الاسرة .
وبالرغم من انني لم ابداء بعد في تنفيذ نصائحكم الا انني احب اقول :-) لم أعد حزين بل انا سعيد :-)

[Ahmed Hassan]

طبعا البنزين الـ 92 افضل بس مظنش ان البنزين الـ 90 يسبب مشكله للعربيه لأن هيا لنا نزلت عندنا مصر مكانش فيه 92 اصلا. المهم تحط من محطه بنزين نضيفه (جرب اكتر من واحده و اثبت على اللي تحس ان العربيه مظبوطه معاها).

طبعا كل ده بعد م تجرب منظف الرشاشات... على فكره احسن نوع اسمه STP و ده امريكي و ماركه معروفه جدا.

[محمدايهاب]

يا ترى يا tutankhamoun أنت بتجيب المصري علشان بتشجع الصناعة المصرية ( ذي ما قلت ) و لا إنت مقتنع بيه

أنا بستخدم موبيل هو مش ب15 هو ب17.5 بالطبط

[tutankhamoun]

يا ترى يا tutankhamoun أنت بتجيب المصري علشان بتشجع الصناعة المصرية ( ذي ما قلت ) و لا إنت مقتنع بيه

أنا بستخدم موبيل هو مش ب15 هو ب17.5 بالطبط

أستاذ محمد أهلا بك
أنا لي سياسة في موضوع المصري
لا أشتري منتج سئ حتى لو كان مصري .................. و لكني أبحث أولا عن المصري الجيد و إذا وجدته أشتريه على طول و بدون تردد
و أنا معظم منتجاتي كما قلت في موضوع سابق من التي يقال عليها -- صنع في مصر --
و على فكرة أريد أن أوضح شئ مهم و هو الحالة النفسية للمشترين ............. فمعظم الناس لديه شعور مسبق بأن الصناعة المصرية زفت و لما يروح يشتري أي حاجة مصري يستنى أي غلطة ......... أي هفوة ............ حتى و لو كانت بتحصل في أي منتج
فمثلا لي ابن عم و هو من رابطة --عقدة الخواجة -- اشترى تليفزيون سوني و محفور عليه صنع بباليابان و بعد حوالي أسبوع مبقاش راضي يجيب أي قناة بدون اريال خارجي مع إني كان عندي واحد جولدي و كان شغال زي الفل و في نفس العمارة بل و الدور اللي أسفل ابن عمي
و بعدين بعدها بحوالي شهر الألوان ضربت و ساحت على بعض .......... المهم
قلت له شوفت أهو التليفزيون مطلعش زي الكتاب ما بيقول ............. فرد و قال يا عم عادي دي أخطاء بتحصل يعني مش مشكلة .
تخيل بقى لو التليفزيون ده كان مصري ................... كان قعد يسب و يلعن في المصنع اللي عمله و كان يقعد يقول مش مشتري مصري تاني و الكلام اللي إحنا عارفينه ده
و نفس الشئ في السيارات ........... فأنا مثلا رأيت بأم عيني في أوروبا نزل موديل لفورد بس بصراحة مش فاكر الموديل و الكلام ده كان من عدة سنوات ........... و كان في عيب في التصميم و سحبت الشركة الاف السيارات من السوق لوجود العيب --- كل البشر بتغلط -- و أنا معاك إن في دول مشهورة بالجودة و الشهرة تشفع لها أي شئ
و لكن منتج بلدنا لما إحنا المصريين نرفضه .............. طيب بالله عليك مين اللي هايشتريه ؟؟؟؟؟؟؟؟؟؟؟؟؟؟؟؟؟؟؟
يبقى أحنا بنضعف نفسنا بنفسنا و نشتري منتج أجنبي يصنعه أناس لا يريدون لنا الخير مثل أمريكا
و أنا لا أشترى أي منتج إلا لما بكون مقتنع بيه بالإضافة لكونه مصري مصري مصري مصري
و في النهاية أشكرك لإهتمامك و السؤال عن تلك الجزئية

[HAWARY]

;) ;) تحيا مصر يا عم ;) ;)

[MMamdouh]

هى تاكيهات العربية دى هيدروليك؟ لو لا يبقى ممكن محتاجة ضبط تاكيهات

MMamdouh

[HAWARY]

تاكيهات العربية هيدروليك

[tutankhamoun]

أستاذ هواري .............. حضرتك ممكن تراجع الموضوع ده عن تنظيف الرشاشات
و إليك تحياتي

http://www.nilemotors.net/Forum/viewtopic.php?p=106134&highlight=#106134

[HAWARY]

tutankhamoun الف مليون شكر علي مساعدتك

عمر إلهواري

[Dr Ahmed]

و أنا معاك إن في دول مشهورة بالجودة و الشهرة تشفع لها أي شئ
و لكن منتج بلدنا لما إحنا المصريين نرفضه .............. طيب بالله عليك مين اللي هايشتريه ؟؟؟؟؟؟؟؟؟؟؟؟؟؟؟؟؟؟؟
يبقى أحنا بنضعف نفسنا بنفسنا و نشتري منتج أجنبي يصنعه أناس لا يريدون لنا الخير مثل أمريكا

الله ينور عليك
تسلم