صوت طقة مع الضغط على دواسة الدبرياج

[thedeveloper87]

ساعات بسمع صوت طقة خفيفة مع الضغط على دواسة الدبرياج في الغيار الأول بالذات وساعات الثاني ونادرا الثالث.

[samirayad]

قد يكون عيب فى بلية الدبرياج وقد يكون عيب فى الديسك
أو وجه الفلام

[toto_sh]

ممكن تكون طقم اصلاح او جلبة ....تابع عملية الدواسه من خلال واير الدبرياج داخل الكبوت
اضغط واحدة واحدة وتابع الطقطقة فين

[thedeveloper87]

الطقة بتحصل وأنا ماشي فقط

[samirayad]

يبقى كده الدبرياج برىء
ورحنا جهة الفتيس

[thedeveloper87]

فيه حاجة كمان يابشمهندس لما برجع مارش. بسمع صوت طقطقات خفيفة ومستمرة.

[samirayad]

طيب فيه سؤال
العربيه سحبها كويس معاك
والعيوب دى ظهرت من قد أيه تقريبا

ونصيحه قبل أى حاجه

أعمل ترصيص لكل العجل على جهاز الأتزان المسمى بالموتوسيكل
علشان تطمن على حالة بلى العجل
ممكن يكون العيب منه

[thedeveloper87]

سحب العربية عشرة على عشرة بس الغيار الرابع سحبه مش حلو خالص.
بس فيه مشكلة مضايقاني لما بنقل من الأول للتاني وبشيل رجلي من على الدبرياج براحة بحس ان العربية بتنتش مني. وكذلك من التاني للتالت

[thedeveloper87]

العيوب دي ظهرت تقريبا بعد ما ظبط زوايا من حوالي أربع شهور

[samirayad]

العيوب دي ظهرت تقريبا بعد ما ظبط زوايا من حوالي أربع شهور

لو قصدك على عيوب الطقات
يبقى أن شاء الله الفتيس تمام برضه
وهتكون محتاج تراجع على صواميل نهاية رجلاش بارات الطرف بتاعة الزوايا

العيب عندك فى الجزئيه دى بنسبه كبيره

[thedeveloper87]

بتاع الزوايا اللي بيظبطهالي؟

[samirayad]

نعم وخليه يكشف على بارات الطرف بالمره

[thedeveloper87]

معلش أنا آسف إيه بارات الطرف دي شاكرا لأفضالك يا باشمهندس.

[samirayad]

بارات الطرف بتبقى راكبه فى بيض الدركسيون لتوصيل حركة التوجيه من الأسكترا الى العجل

كما بالشكل



وححاول أشوف رسمه أوضح وأرفعهالك أن شاء الله

[thedeveloper87]

جزاك الله خيرا وشكرا على تعبك ومجهودك العظيم ده.