العربية دايرة حتى بعد ما شال المفتاح !!!

[Lion_Heart]

العربية دايرة حتى بعد ما شال المفتاح !!!
موقف حصلنا من يومين راجعين من مشوار حوالى 30 كم مع واحد صاحبى بعربية فيات 131 المهم جه يبطلها فضلت دايرة حتى بعد ما شال المفتاح و كانت بتعمل كركرة فبصراحة استغربت , لكنه قالى لأن الكهربا عالية و ده عادى فهل الكلام ده مظبوط ؟؟
و على فكرة بطلت بعدها بحوالى نص دقيقة فهل ده غلط على الموتور و لا ايه ؟؟
وايه السبب فى كده هوه ممكن العربية تعلى من نفسها ؟؟؟

[aymansaad]

طبعا الكهرباء عالية
امبارح كنت عند الميكانيكى لقيت العربية دايرة ولما شال منها المفتاح فضلت دايرة وقالى ان صاحبها عامل واصلة لان الكونتاكت كان بايظ

[Lion_Heart]

لكن صاحبى ماكنش عامل حاجة من كدة و عملت كده من نفسها ؟؟

[samirayad]

أحتمال ده عيب طارىء حدث للكونتاكت

[Egyzizo]

كانت الحكاية دى عندى فى العربية الـ 128 فى وقت من الأوقات بس مش نص دقيقة ، حوالى 5 ثوانى وتبطل بعد قفل مفتاح الكونتاكت، والميكانيكى قال ان (الكهرباء عالية) ، وظبطها وأنا واقف فى وقت قصير.

[جمال]

السب بيكون غالبا من وجود طبقة كربون داخل البساتم ( على وش البستم او احيانا من البوجيهات ) , الكربون ده بيسخن اثناء التشغيل لدرجة الاحمرار وبعد اطفاء السيارة يظل ساخن ويؤدى الى استمرار تشغيل الموتور كما لو ان هناك اشعال داخلى و يستمر لفترة قصيرة الى ان يبرد
الحل هو تنظيف البوجيهات و تنظيف داخل غرف الحريق

[cheetos_ahlawy]

اعتقد ان الكهربا عالية
انا كان عندي المشكلة دي بس العربية بتفضل شغالة مش كتير حوالي 5-10 ثواني بس

[misoalex]

طبعااااااااااااااا الكهربا عاليه وده بيحصل فى العربيات الى فيها اسبراتير عادى مش الكترونى
وعاوز تتأكد اكتر عشق العربيه وشيل رجلك من على الدبرياج اكنك حتطلع بالعربيه
حتلاقيها بطلت فى ساعتها

[mr_sameh]

شفت من كدا كتير مع 128

[Evo]

Internal turbo timer heheheheh

[reamoz]

هي فعلا العربية بتعمل كدة لما يكون السلانيسة عالى بسبب الكهربا أو الكربراتير لو مكانش فيها بك كهرباء، لاكن لو فيها بك كهرباء يبقى بايظ والأفض انو يتغير.

ولو حصل االموقف ده مع اي حد حوه حله فعلا انة يدوس فرامل ويدي العربية غيار عالي (تالت أو رابع) ويشيل رجلة من على الدبرياج هتبطل علطوول