السيارة بتميل جامد في الملفات

[أبو_يوسف]

السلام عليكم
السيارة سيراتو 2006
بلاحظ انها في الملفات يعني بدخل من شارع لشارع مش على السريع ولا حاجة وممكن اكون ماشي على 40 مثلا بلاقي ان العربية بتميل اوي لدرجة ان اللي جالس جنبي بيمسك في الشباك زي مايكون هايقع علي.....ياترى ايه السبب؟

[fahd_628]

حضرتك بتدخل على ملف حاد يعنى على 40 ولا ملف اية !

و هل العربيات العادية الى وراك و قدامك بيدخلو بنفس سرعتك ؟

[أبو_يوسف]

ملف نزلة كوبري مثلا
او يو ترن بس طبعا على اقل من سرعة 40
او شارع متعامد مع الشارع اللي انا ماشي فيه..

[samirayad]

الكلام ده بيحصل سواء بتلف يمين أو شمال
ولا فى أتجاه واحد فقط

ومن كلامك المفروض بيحصل وأنت بتلف شمال فقط

[أبو_يوسف]

الكلام ده بيحصل سواء بتلف يمين أو شمال
ولا فى أتجاه واحد فقط

ومن كلامك المفروض بيحصل وأنت بتلف شمال فقط

مظبوط الكلام دا.. وانا بلف شمال بحس يه اوي علشان بشوف اللي جنبي بيتأثر ..
نسيت اقول المعلومة دي :)
بس عموما في الاتجاهين الاحساس موجود
ممكن تكون مشكلة مساعدين ولا ايه؟

[samirayad]

ممكن تكون مشكلة مساعدين ولا ايه؟

[Eng.Geo]

ايه نوع العربية و عاملة كام كيلو وعامل اي حاجة في العفشة ومن امتي؟
اسئلة مهمة

[أبو_يوسف]

شكرا جزيلا لردود حضراتكم
السيارة سيراتو 2006 عاملة 70 الف وبالتالي المساعدين الأصليين بتوعها..
مش عامل اي حاجة في العفشة غير تغيير بطاحتين من 20 الف كم
وفعلا لقيت المساعدين اللي ورا خفاف اوي .. يعني بالضغط على العربية من الخلف بتنزل وتطلع زي الملبن ..
المساعد لما بيخف بيتعمل له صيانة ولا تغيير على طول؟

[samirayad]

بيتغير على طول

[Eng.Geo]

بيتغير على طول

+111111111111111111
علي طوووووووول

[mr_sameh]

عليك وعلي مساعدين جداد

[reamoz]

مظبوط لازم مساعدين جداد وبص على اللي قدام برضة لأن صعب مساعدين ورا بس تخلى العربية تميل كدة