العربية بترقص مني!!!!!!!!!

[thedeveloper87]

السلام عليكم ورحمة الله وبركاته
كنت عند العفشجي علشان يعملي حشو لعلبة الدركسيون.
عملي حشو وغيرلي بارة كانت بايظة وعدللي الطارة وظبطلي زوايا (بطريقة بدائية عن طريق حبل علشان يقيس مستوى العجل). المهم وانا مروح من عنده وانا حاسس إن العربية مش مظبوطة ، لما بعدي ال 60 بحس إن العربية بترقص مني (مش بتعوم) يعني مثلا أجي على أرض مش مستوية ألاقي العربية راحت يمين سنة ورجعت مكانها تاني علطول.
وساعات بحس إن العربية بتبقى ثابتة من قدام بس بتدي رقصة كده من ورا :10d5c8~1107:
(طبعا كل ده بيحصل وانا ماشي على أرض مش مستوية)

[SAMEH_FOUAD]

ممكن تكون عايزة جلب مقصات ورا ,واكشف على المقصات الامامية ,وكاوتش الميزان لان دول سبب اهتزاز السيارة جامد لما بيكونوا بايظين

[jojooo]

مدام عمل شغل فى علبة الدركسيون لازم تظبط زوايا
ولو فى حاجة مش تمام فى العفشة حايقولك

[uhlphp]

سبب المشكلة هو جلب المقصات الخلفية وكانت حصلت معايا فى عربيتى واشتريت مقصات خلفية بـ 220 جنية من عند ابو زيزو ( تايونى لان مفيش يابانى بينزل خالص ) .

اما سبب تغير المقصات كلها لان الجلب المصرى بـ 30 جنية ووحشة جداً والجلب التيلاندى بـ 90 جنية ونوعيتهم جيدة ( الطقم 8 قطع للمقصين ) يعنى تقريبا نصف ثمن المقصات .
بجانب حالة المقص هل مخبوط او معوج لان فى الحالات دية كبس الجلب لن يحل المشكلة كلها .
ولذلك اذا كانت المقصات عندك حالتها كويسة غيرلها الجلب ياما تريح دماغك وتشترى مقصين جداد .

[thedeveloper87]

أنا رحت لبتاع الزوايا النهاردة علشان أظبط زوايا. بيقوللي العجلتين اللي قدام عايزين يتقدموا شوية (زارجينا) وكشفلي على كاوتش الميزان وقال لي كويس.
طبعا أجلت موضوع الزارجينة ده علشان اعرف من المنتدى ده عبارة عن ايه.

[jojooo]

مدام عمل شغل فى علبة الدركسيون لازم تظبط زوايا
ولو فى حاجة مش تمام فى العفشة حايقولك

[QUOTE=thedeveloper87;3872048161]أنا رحت لبتاع الزوايا النهاردة علشان أظبط زوايا. بيقوللي العجلتين اللي قدام عايزين يتقدموا شوية (زارجينا) وكشفلي على كاوتش الميزان وقال لي كويس.
طبعا أجلت موضوع الزارجينة ده علشان اعرف من المنتدى ده عبارة عن ايه.[/QUOT

الزارجينا عبارة عن جهاز شد بيشد بية الجزء المراد تحريكة من الشاسية او الكرتيرة علشان يظبط زوايا بنسبة 100*100 ومفيهاش مشكلة بس لازم تتعمل عند حد بتاع زوايا محترم ومضمون
واى استفسار انا تحت امرك

[thedeveloper87]

جزاك الله خيرا. طب ممكن تدلني على واحد بتاع زوايا محترم؟
أنا ظبط زوايا في بنزينة وطنية اللي في الحي العاشر مدينة نصر ، ده كويس ولا ايه نظامه؟

[jojooo]

انا حادلك على اكتر واحد كويس انا اعرفة بس مشعارف هيكون بعيد عليك ولا اية
بص حاتطلع الدائرى فى اتجاة الهرم (رايح الهرم) حاتنزل نزلة المريوطية وبعدين انت بتلف شمال علشان تدخل الانفاق وشارع الهرم او فيصل
هو اول ماتلف شمال هايكون على ايدك اليمين اسمة علاء الدين
ورشة كبيرة تسمح بدخول 4 عربيات فى وقت واحد

[SAMEH_FOUAD]

على فكرة زراجين فى حالة ان العجلة ماخرة دية مش بتحتاج زراجين ,وبتتعمل بسهولة جدا ,لانة بس بيفك بارات العجلة وبيبدأ يشتغل على الجهاز ,اللى بيحتاج زراجين لما بتكون العجلة مقلوبة يعنى لائما داخلة لجوة او لبرة وممكن كمان مايطلعش عيب زراجين ومممكن يبقى من الشمعدان بتاع العربية ,غير كدة لا

[kasten]

نفس المشكله حصلت لواحد صاحبى كان كل لما يشغل اغانى العربيه كانت بترقص منه
سورى اصل العربيه بتاعتو مايصه جدا

[thedeveloper87]

هههههههههههههههههه. والله انت راجل زي العسل.

[agwaa]

مدام عمل شغل فى علبة الدركسيون لازم تظبط زوايا
ولو فى حاجة مش تمام فى العفشة حايقولك

أي شغل في العفشة ولو حتى فك مسمار وربطه تاني لازم تظبط بعدها الزوايا ..
وبعدين طالما عربيتك مازدا 323 إدخل على اللينك دة

http://www.nilemotors.net/Nile/93075-323-82-a.html

[kasten]

هههههههههههههههههه. والله انت راجل زي العسل.

والله انت اللى زى العسل
طمنا عملت ايه فى المشكله دى
ان شاء الله تتحل على خير

[thedeveloper87]

لا العربية بقت مستقيمة اليومين دول وبطلت مياصة
بطلت رقص اليومين دول. ربنا يهديها.

[kasten]

لا العربية بقت مستقيمة اليومين دول وبطلت مياصة
بطلت رقص اليومين دول. ربنا يهديها.

طب احمد ربنا بقى