المساعدين الايطالي ام الالماني

[yasserhussien]

انا عندي عربية نصر 127 ومحتار اجيب مساعدين امامي ايطالي ام الالماني
الايطالي 345 ج
الالماني 410ج

ياريت اعرف رايكم

[ahmed2y]

ايطالى ولا المانى الاثنين كويسيين المهم الايطالى يكون ايطالى والالمانى يكون المانى اتاكد من الى بتشترية وربنا يوفئك

[aymansaad]

الالمانى افضل

[ofaashash]

من تاجر قطع غيار معرفه اكد لى ان الصينى عليه سحب جامد جدا وعامل كفائه شغل كويسه وسعر الاثنين 250جنيه

[michohat]

الالمانى لو اسمه ماريلى عن نفسى اتأكدت انه مضروب لانى كنت ركبت الالمانى الماريلى عندى فى شهر فبراير 2009 و باظوا فى شهر يونيو 2009 فنصيحتى ليك ايطالى او اسبانى(لو فيه اسبانى لل 127)

[Rembrandt]

بدون نقاش الالمانى طبعا

[michohat]

الحقيقة انى اشك ان فى المانى اصلى فى السوق و كحل مؤقت جبت مساعدين استيراد وللحظ يطلعوا ميريللى المانى فقارنت المساعد الالمانى المايرللي (ركبته فبراير 2009 وباظ يونيو 2009) بالمساعد الاستيراد ولاحظت فروق كتيرة فى التصميم وفى اللوجو كمان

[HATEMHANY]

فيه ماركات عالمية فى عالم المساعدين و لو فعلا وجدتها فى السوق غير مقلده تبقى صفقة العمر
امثال
المايرللى .... البوجى و الاثنين دول صناعة المانية
المونرو و ده صناعه اسبانية
البومه و ده صناعه ايطالية
اما الصينى فانا اقولك جرب بس ماتزعلش لما العربية تفتح فخده و لا تشق فى الشاسيه او حتى علب الموتور تنكسر

[semsem_uno]

في الماني اسمه مايلي و ده ممتاز فعلا و موجود عند الكيلاني

[michohat]

في الماني اسمه مايلي و ده ممتاز فعلا و موجود عند الكيلاني

انا اشتريت مايلى المانى بس مش كان من عند الكيلانى ومش كمل معايا 6 شهور وباظوا من غير ولا مطب ولا حفرة
مع انى كنت بسمع ان المايلى ده كويس بس ليه معمرش معايا عرفت السبب لما جيت اركب مساعدين استيراد بالصدفه طلعوا مايللى و قارنت المساعدين اللى عندى بالاستيراد طلع فى فروق كتيرة اهمها اختلاف فى لوجو مايللى

[Eng_Mostafa_89]

والله والايطالى برضة مضروب المقصات الايطالى مكملوش معايا 3 شهور

[Ashraf_Ashraf]

ياجماعه والله 99% من القطع الغيار مضروبه وكلها من الصين وتايوانى ومكتوب عليها المانى وايطالى واسبانى
للاسف الشديد المستوردين همهم اكبر مكسب وبدون النظر الناس بيتعمل ايه علشان تقدر توفر فلوس اصلاح لعربيتهم
حسبنا الله ونعم الوكيل

[ahmed2y]

فعلا 99% مضروب

[HATEMHANY]

المشكله دى لها حل
نبيع العربيه و نتمشى افرنجى

[sameh127]

كل تجار قطع الغيار عاوزين الحرق بجاز .......
انا عايز اقولكم ان اللى قلتوه دا كله مضروب ماركةMeyle
ماركة الماني وMagneti Marelli دي ماركة ايطالي و مكان المصنع موجود في ميلان وملهاش علاقة خالص بألمانيا ومنتجاتها بتخش المانيا و تتسوق زي ما بتخش مصر بس التجار هما اللي بيجيبوا المضروب والصيني و مكتوب عليه بلد المنشأ اي تأليف و ما فيش ضمير