هيونداي اكسنت

[MOH_EGYPT77]

السلام عليكم

عربيتي هيونداي اكسنت 2006
عندي مشكلة.... في بداية تشغيلي للعربية واعمل مارشدير ما بيجيش من اول مرة ؟؟؟؟؟؟؟

[moudy2002]

انا عربيتى كدة كمان .. ابقى كارك شوية مع الدبرياج وارجع بالعصايا سنة سنة هيجى ماعاك على طول انشاء الله

[se3da]

انا عندي نفس الموضوع و مش عارف اعمل اي

يا فرحه عمرو فراج فيه :-)

[MOH_EGYPT77]

انا عربيتى كدة كمان .. ابقى كارك شوية مع الدبرياج وارجع بالعصايا سنة سنة هيجى ماعاك على طول انشاء الله

ممكن تقولي يعني إيه اكارك شوية

[moudy2002]

يعنى دوس دبرياج وبعدين سيب وبعدين دوس تانى

[Karim_Monir]

في طريقتين حلوين
اما تعلي الدبرياج شوية عند اي ميكانيكي
او لما تدوس دبرياج تجيب التاني وبعدين تجيب مارشدير هاتلاقيه بيجي معاك على طول ان شاء الله

[se3da]

شكرا علي النصايح الحلوه ده
و ربنا يسهل و تنفع

[MOH_EGYPT77]

يعنى دوس دبرياج وبعدين سيب وبعدين دوس تانى

في طريقتين حلوين
اما تعلي الدبرياج شوية عند اي ميكانيكي
او لما تدوس دبرياج تجيب التاني وبعدين تجيب مارشدير هاتلاقيه بيجي معاك على طول ان شاء الله

هاجرب وحاقولكم النتيجة ان شاء الله

[noureymo]

سلام عليكم
حد فيكم غير زيت الفتيس بتاع الفابريكة
لو غيرتوه يبقى انا ماعرفش الحل ايه
ولو ما اتغيرش زيت الفتيس بتاع الفابريكة يا ريت تغيروه مش تكشفوا عليه وخلاص
حصلت معايا الحكاية دي في عربيتي موديل 2006 وغيرت دسك واسطوانة وبلية (مع انهم فابريكة والعربية ما كانتش عملت 25 الف)
وبعدين الحكاية دي رجعت تاني المهم ابو نورا شار عليا اني اغير الزيت وما اسمعش كلام حد يقولي الزيت تمام المهم يا جماعة غيرت الزيت ومن ساعتها الفتيس تمام
التفسير العلمي ان الزيت بتاع الفابريكة بيحل ويفقد خواصه بعد شوية وقت
ياريت تجربوا وابقوا طمنوني
سلام

[MOH_EGYPT77]

جربت ومفيش فايده
كاركت العربية كمحاولة اولى ................. والمحاولة تانية اخدت الغيار التاني وبعد كدا اخدت المارشيدير

بس هل ممكن من زيت الفتيس الفابريكه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علما ان عربيتي عملها 32000 كم

[noureymo]

الموضوع ده حصل معايا عند عند 24500تقريبا
صدقني جرب وانشاء الله يطلع الموضوع على اد كده
ابتدي بالسهلة
طمني

[ماجد يوسف وهبه]

يوجد نقطتين أول حاجة أن زيت الفتيس له نوعين عالى اللزوجه 140 ومنخفض 85 لما تيجى تغير الزيت حط منخفض مش عالى. العالى هيسبب أن الأول وأحيانا الثانى مش هيجوا معاك الصبح وبالذات فى الشتاء

ثانى حاجة الانترا كانت بتعمل معايا كدة بس مش لما العربية تكون باردة بس احيانا كانت بتعملها وانا بأركن فى الجراج

الحل الأمثل:

لو المارشيدير مجاش معاك خاليك دايس بتحاول تجيبة وسيب الدبريج بالراحة خالص وبشويش هتلاقية دخل فى الحارة بتاعتة مع تخفيف دوسة الدبرياج.

ملحوظه هامه: ماتجيبش مارشيدير والعربية لسه بتتحرك للأمام. غلط كبير. أستنى لما تقف خالص عد 3 ثوانى ثم ابدأ جيب مارشيدير.

أتمنى أن الحل ينفع معاك

[3mr Farrag]

دي حاجه عاديه في الاكسنت...و اللي معايا بتعمل كده برضه
و ذي مال مودي قال ابقي كارك علي الدبرياج

[mohamed ismail]

انا كمان معايا لانوس 2007 وبتعمل كده ولما قلت لهم في التوكيل كل اللي عملوه زيتو الجزء اللي تحت عصاية الفتيس وزي ماهيه انا بروح شايل رجلي من علي الدبرياج ودايس تاني بتتعدل باذن الله
وعلي فكرة كل اللي معاه لانوس جديد بتعمل كده برضه

[noureymo]

خلاص كلكم جربوا تغيروا زيت الفتيس بتاع الفابريكة
مفيش حاجة يا جماعة اسمها ان العربيات كلها بتعمل كده
ده العربية السيات الي كانت معايا ما كانتش بتعمل كده