ظبط الكاربراتير و الكهرباء بالكمبيوتر

[ahmed_k_s]

30 جنية أنا عمله أبل كدة من سنتين ب 20 أول فرق التوقيت هههههههههههههه

[El.Hossieny]

طيب فين يا جماعة الموضوع ده بيتعمل ... و هل ينفع يتعمل علي العربيات القديمة زي البيتل ؟؟

[H.ibrahim]

ياريت توصف ازاى ممكن نوصل للمكان بتاع البنزينة ديه علشان انا ما اعرفش حاجة فى المنطقة اللى انت قولت عليها و اشكرك جدا على اهتمامك بالرد

[aYaBooY]

اعتقد 50 جنيه بس عاوز اعرف هل ممكن يتعمل لعربية انجكشن ولا لا
و لو معاك رقم الناس بتوع البنزينة يا ريت تحطة و شكرا

[ZALABANY]

رجاء إلى صاحب الموضوع انت قلبت الموضوع فوازير ولا بتقولنا المعلومه عشان كلنا نستفاد ارجو اخذ الامر على محمل الجد

[elsherif_2000]

الموضوع دة اتكلف 25 جنية
ومكان البنزينة في شارع الهرم جنب خزان المياة لل وانا معايا نمرة التليفون لو حد عايز يكلمهم
بس لو حد راح يكتبلنا العربية حاسس بيها فرقت ولا لأ ويحكيلنا

[ZALABANY]

تسلم يا باشا ربنا يباركلك

[El.Hossieny]

يا جماعة محدش رد عليا اذا كان الموضوع ده ينفع مع عربية قديمة زي البيتل ؟؟؟

[ZALABANY]

بص يا باشا في تخميني والله أعلم هو بالشكل اللي الأخ صاحب الموضوع ده ينفع مع اي عربيه قديمه كاربيراتير لأنه مش بيستخدم كمبيوتر بيتوصل مع كمبيوتر العربية لا
ده هو بيوصل توصيلات على البوجيهات والشكمان الإسبراتير بيقيس بيها الحرق والكهربا ويظبط الكاربيراتير بإيده بناء على القرايات اللي بتظهرله عشان كده بيظبطها صح لكن هو مش بيخلي الكمبيوتر اللي يظبطها الكلام ده بيبقى في العربيات الانجيكشن عشان فيها حساسات لكل حاجه

[El.Hossieny]

بص يا باشا في تخميني والله أعلم هو بالشكل اللي الأخ صاحب الموضوع ده ينفع مع اي عربيه قديمه كاربيراتير لأنه مش بيستخدم كمبيوتر بيتوصل مع كمبيوتر العربية لا
ده هو بيوصل توصيلات على البوجيهات والشكمان الإسبراتير بيقيس بيها الحرق والكهربا ويظبط الكاربيراتير بإيده بناء على القرايات اللي بتظهرله عشان كده بيظبطها صح لكن هو مش بيخلي الكمبيوتر اللي يظبطها الكلام ده بيبقى في العربيات الانجيكشن عشان فيها حساسات لكل حاجه

الف شكر ليك يا زلباني باشا .... بس يا تري ممكن يكون في حد بيعمل الموضوع ده قريب من مصر الجديدة او مدينة نصر .؟؟؟؟

[elsherif_2000]

بص يا باشا في تخميني والله أعلم هو بالشكل اللي الأخ صاحب الموضوع ده ينفع مع اي عربيه قديمه كاربيراتير لأنه مش بيستخدم كمبيوتر بيتوصل مع كمبيوتر العربية لا
ده هو بيوصل توصيلات على البوجيهات والشكمان الإسبراتير بيقيس بيها الحرق والكهربا ويظبط الكاربيراتير بإيده بناء على القرايات اللي بتظهرله عشان كده بيظبطها صح لكن هو مش بيخلي الكمبيوتر اللي يظبطها الكلام ده بيبقى في العربيات الانجيكشن عشان فيها حساسات لكل حاجه

كلامك صح 100 100

[reamoz]

كلامك صح 100 100

مظبوط 100%
انا لسة كنت عايز اعدي على بتاع الكربراتير يظبطلي الهوا بس الموضوع ده جه في وقتة
انا هاروح أجرب

[ZALABANY]

الف شكر ليك يا زلباني باشا .... بس يا تري ممكن يكون في حد بيعمل الموضوع ده قريب من مصر الجديدة او مدينة نصر .؟؟؟؟

إسأل في بنزينات شل أو موبيل ممكن يكون عندهم الجهاز

[elsherif_2000]

رقم تلفون البنزينة 37804018

[H.ibrahim]

انا روحت يوم الجمعة بعد الصلاة الى محطة البنزين شل المذكورة فى الموضوع بجانب الخزان فى شارع الهرم و حدث الاتى : -
v نو ع عربيتك ايه ؟ - لادا موديل 1994 .
v طيب اتفضل لغاية لما العربية اللى قدامك تخلص شكرا .
v بعد ½ ساعة دخل العربية و فتح الكبوت – عايز تعمل ايه ؟ اظبط العربية على الكمبيوتر .
v ركب سلك كده فيه فلتر فى الشكمان وقعد يلعب فى الكربراتير و يبص على الكمبيوتر والارقام .
v الكربراتير ده تعبان قوى و الكهربا عالية جدا و راح فاكك الاسبراتير ولف الكهرباء لغاية لما بقيت واطية .
v فاك ½ الكربراتير العلوى و البيكات و قعد ينظف فيهم بالبنزين و بعدين نظفهم بالهواء .
v جاب منظف الكربراتير وقعد يرش على البيكات واماكن تركيبها و كل الكربراتير .
v ركب البيكات كلها وطلب ان ادور الموتور .
v بالفعل دورت الموتور وقعد يرش المنظف جوه الكربراتير والموتور داير لغاية لما فضيت العلبة .
v قعد يدوس بنزين زى لما بنسخن العربية فى الشتاء و كان فى دخان خارج من الشكمان .
v فك بيك الهواء و دخل فيه سلك شعر من بتاع الكهرباء النحاس ولقيه بيركب البيك فى مكانه .
v سالته ليه قالى اصل البيك ده 50 و مشا راضى يظبط العربية معى و هى بيكها 40 فضيقته شوية !
v وقعد يظبط فى الكربراتير لغاية لما الموتور بطل يرعش و قالى هى كده اتظبطت .
v وبسرعة شال السلك اللى فى الشكمان و ركب العمة ولو سمحت خرج العربية علشان فى غيرها .
v كم الحساب ياسطى محمود ( 25ج ظبط الكمبيوتر بتوع البنزينة – 35ج تنظيف الكربراتير بس علشان خاطرك نمشيها 20ج علشان ديه اول مرة – 25ج علبة منظف الكربراتير – 2 ج لتر بنزين للتنظيف ).
v يبقى الحساب (25+20+25+2 )=72 جنيها – اديته 75 ج بالتيبس .
v وانا خارج من المحطة الصنيعية بيجروا عليا واطفى الموتور بسرعة ( وقفت فورا وطفيت الموتور )!!!
v الباشا نسى يربط خرطوم البنزين اللى داخل للكربراتير و طبعا كان بينزل بنزين على الموتور يعنى العربية كانت ممكن تولع لولا ستر ربنا !
انطباعى الشخصى عن السيارة بعد الموضوع ده لم احس باى فارق يذكر عن الميكانيكى الخاص بى فى تنظيف الكربراتير الذى اقوم به دوريا كل 4 او 5 شهور بل بدا الموتور يرعش من جديد و محتاج لظبط تانى فى اقل من اسبوع .
انطباعى الشخصى عن الاسطى انه حرامى ! (علبة المنظف لم يقم بشرائها من اجل سيارتى بل كانت مستخدمة لديهم و عندما افرغها حاسبنى عليها لانه من المستحيل ان يفرغ 450 مللى من المنظف فى الكربراتير فى مرة واحدة – ثانيا حاسبنى على لتر البنزين مع انه كان موجودا لديه من قبل واستخدمه سابقا ) !
اعتقدى الشخصى اننى كان ممكن ادفع 20 ج فقط عند الميكانيكى و يقوم بكل هذا بدون الكمبيوتر و لا اخسر الوقت والفلوس الزائدة التى قمت بدفعها على اساس اننى سوف اقوم بظبط الموتور بالكمبيوتر ( افضل من الميكانيكى يدويا ).