يا جماعة باور سينا تعبنى ارجو المساعدة

[hoda9999]

بصو يا جماعة انا معايا سينا 2002
1400
العربية ما شاء اللة ماتورها ملوش صوت بس الترونبا بتاعة الباور صوتها عالى بتعمل همهمة جامدة اوى واهتزاز شبية بفيبراشن الوبايل لما بدوس بنزين والهمهمة دية بتزيد اول لما اللف التارة
والباور ساعات بيبقى خفيف خاصتا بعد تسخين العربية وساعات بيتأل مع نفسة بس صوت الترونبا باين وطبعا بيعلى جامد لما اكون لافف التارة على الخر وبدوس بنزين مش عارف استمتع بعزل العربية بسبب الماوضوع دة, التوكيل قال لى الباور ملوش حل غير تغيير الترونبة وتمنها 1800 جنية
والميكانيكى اللى افكها ونوديها لبتاع الباور نحشيها وانا مش مقتنع و ميكانيكى تانى قال لى غير الزيت غيرتة والوضع هوا هوا قولو لى يا جماعة اعمل اية

[samirayad]

حاول تطلع الهواء اللى فى دايرة الباور

[hoda9999]

يعنى اية وازاى

[samirayad]

عملت الموضوع ده حالا فى التعليمى علشان حضرتك

دوس هنا

[hoda9999]

عملت كدا ومفيشحاجة وتانى حاجةانا معملتش اى صيانة من النواع الىانتا الوتها اعمل اية يا جماعةةةةةةةةةةةةةةةةةةةةة
مش عايز الميكانيكيا يلعبوا بيا كورة

[samirayad]

و ميكانيكى تانى قال لى غير الزيت غيرتة والوضع هوا هوا قولو لى يا جماعة اعمل اية

طيب قوللى غيرت الزيت أزاى

ونوع الزيت اللى غيرته أيه بالظبط
وأنت أخدت الهواء بالطريقه المشروحه فى الموضوع

[hoda9999]

روحت على الوطنية شفطناة بمكنة كدا وخرطوم وبعد كدا حطينا زيت التوماتيك موبيل كنضافة كدا وبعد كدا غيرناة بواحد نوعة جانك بتاع باور والوضع هوا هوا وموضوع الهوا دة عملهولى انهاردا الراجل بتاع المحطة وال موضوع هوة هوة بس الغريبة انى لما بسخن العربية يعنى اسيبها تسخن تلات دقائق مثلا بلاقىالباور مية لكن بعد لما امشى شوية يتقل مع نفسة خاصتا لو حبيت تاخد غرز من مرحلة سكون معرفش لية

[samirayad]

شوف أنت حتراجع كمان على كفاءة تثبيت الطلمبه على المكنه
يعنى حتعيد الرباطات
وتجرب ....لو الأمور بأت تمام يبقى خير وبركه
لو لسه العمليه زى ماهيه ....يبقى حتغير الطلمبه

[hoda9999]

انا مش فاهمك اوى وكمان لو هغيرها هل فعلا بتكلف التمن دة وه ل الميكانيكى الى قال لى انها بتتحشى بيفتى ارجو المساعدة والتوضيح

[hoda9999]

شوف أنت حتراجع كمان على كفاءة تثبيت الطلمبه على المكنه
يعنى حتعيد الرباطات
مش فاهم انت بتقول اية وهل اصدق تربيط العفشة انا مربط العفشة كويس ولا اصدق اية واعمل اية وفين

[samirayad]

الطلمبه راكبه فين ....على المكنه بمسامير
هى دى اللى عاوزين نراجع عليها (المسامير يعنى )
وملناش دعوه بالعفشه

وعملية الحشو دى أى كلام فى طلمبات الهيدروليك (زى طلمبة الباور )
كل دى أختراعات مصريه

[hoda9999]

بالك هل ترونبة الباور السعر الغالى دة زولى دى سرقة من التوكيل وهل لو سرقة وكانت برة ارخص هل هتكون ايطالى اصلى نضيف علشان تعمر وهل بعد التغيير هحس بفرق فى الباور والصوت واية الحصل فى الباور بتاعى ادى بة الى هذة الحالة وهل تغيير الترنبة تتطلب ميكانيكى ولا توكيل ولا مركز خدمةولا ميكانيكى محطة بنزين اى هل الموضوع معقد ومحتاج مهارة لحسن انا متعقد من الميكانيكيا عندى فى مدينة نصر كلو حرامى وناس معاة يدوب اعدادية بتدرب فى العربيات وبتاعت افتاءات واديك شوفت رأى واحد فيهم وكان عايز ياخد فى الحشو 250 جنية ارجو الرد فى اسرع وقت لحل المشكلة

[samirayad]

أسأل بره التوكيل عن تمن الطلمبه
وسيبك من التوكيل
لأنهم شوية أستغلاليين
وشوف ميكانيكى كويس
يروح معاك ويشتريلك الطلمبه ويركبها
وروقه شويه ( أديله 50 ج مثلا ) على تعبه معاك

[Ahmed Hamdy]

أنا معايا سيينا 1600 وحصلتلى نفس المشكلة ولسه مش عارف أحلها ..
كان عندى خرطوم الباور اللى نازل من العلبة بيرشح .. كنت فى مركز اسمه روكسان فى المطار متخصص فى صيانة الفيات .. شاف الترشيح وغير الأفيز بتاع الخرطوم .. والزيت كان ناقص جاب علبة زيت وزوده وقالى دى مش بيتحطلها أى زيت .. مش عارف 5 ولا 50 .. مش متأكد من الرقم اللى قاله .. بس هو جاب إزازة زيت كده مش نوع معروف يعنى ومكتوب عليها معبأ فى الإمارات ..
المهم لقيت الزيت برضه بيرشح .. رحت لميكانيكى تانى بيشتغل فى السيينا قطع حتة من الخرطوم من فوق وقالى جرب .. لو رشح تانى حنغير الخرطوم وأنا عندى الخرطوم استيرا د .. لقيته برضه بيرشح .. رجعتله قالى لأ الخرطوم طلع مش هو .. روح على شارع شامبليون ..
رحت شارع شامبليون ورحت لورشة باور .. بص على الخرطوم وقالى حنغيره .. فك الخرطوم وهو عبارة عن خرطوم داخل على ماسورة وبعدين خرطوم تانى وبعدين ماسورة وبعدين خرطوم ..
الأولانى هو اللى بايظ .. بس الخرطوم تقريبا متبرشم فى الماسورة .. قالى احنا بنقطعه وبنركب خرطوم باتنين أفيز وكده أحسن وأى عربية سيينا بتجيلى بعملها كده والتانى بيعمل مشاكل وده حتنساه أربع خمس سنين واشتغالات للصبح .. قلت ماشى لانه قالى 120 بالتركيب .. وأنا كنت سائل على الخرطوم الأصلى سعره 180 .. قلت يعنى حيبقى بالتركيب 220 مثلا .. وقلت ده خرطوم يعنى مش قصة ..
قلتله طيب دى المفروض بيتحطلها نوع زيت معين .. قالى مين قالك كده .. قلتله مركز خدمة .. قالى لأ مين قال كده .. الكلام ده فى المرسيدس والبى ام انما العربيات دى بيتحطلها أى زيت باور عادى ..
المهم مشيت من عنده ومشيت يومين كويس وبعدين لقيت صوت ظهر من الباور زى الموصوف فى أول مشاركة ..
كمان لقيت البيه حاطط الزيت فوق علامة الـ max فى العلبة ..
كمان فى حاجة ان الزيت فى العلبة بيتقلب زى المية فى الغسالة كده .. بس أنا بيتهيألى الزيت الأولانى مكانش بيعمل كده .. رحت لميكانيكى سألته قالى طبعا ده عادى وده الطبيعى ..
أنا مش عارف المشكلة من الخرطوم اللى حطه اللى مش أصلى ولا الزيت مش مناسب ولا عشان زود الزيت فوق العلامة ..
المهم أنا دلوقتى متضايق جدا من الموضوع ده وخايف تكون الطرمبة باظت بسبب الصنايعية الزفت الكفتجية دول ..