اجعل سيارتك نص اوتوماتيك

[ofaashash]

السلام عليكم ورحمة الله وبركاته

الاخوه الكرام
فى فكرة بتراودنى وصلت لحلول لها حتى 80% على رسومات حتى الان.

الفكره

بفكر اعمل رافعه تعمل بين الدبرياج والبنزين بحيث عند تحريك السيارة لا تحتاج منى غير رفع قدمى من على الدبرياج بدون ضغط سنة البنزين المعتاده
الرافعة هى التى ستقوم بتزويد البنزين بدرجه تسمح بتحريك السياره .
من اهم مميزات هذه الطريق
1- انها تعفى المتعلمين الجدد للقياده من المحاولات المضنية للتوفيق بين البنزين والدبرياج .
2- تنفيذ هذه الطريقه يسهل عملية القياده بدرجه كبيرة .
3- الفكرة على الورق وضحت انها غير مكلفة نهائيا .
4- فضلت انى اقف عند هذا الحد من التفكير و التصميم حتى نسمع المشاركات والتعديلات التى ستعمل على تطوير الفكرة للافضل .
اتمنى ان تحوز الفكرة على اعجابكم
م . أشرف محمد

[tabeb]

ربنا يوفقك وتطلع فكرة ناجحة_عايزين تفاصيل اكتر عن الفكرة وتكلفتها وهل ليها أثر علي استهلاك البنزين؟

[bishoy02010]

متابع

[ahmed_h_g]

موضوع شديد الله ينور عليك
الموضوع ده مشابه للتعديل بتاع الدايو لانوس انى لما أدوس بنزين وأرفع رجلى مره واحده عدد لفات الموتور بيقل على فترات مش مره واحده زى الميتسوبيشى مثلا" علشان يقلل من النتشه اللى بين كل غيار اللى متعودين عليها
أنا معاك فى الموضوع ده كمل للأخر ...

[sobhysm]

فيه تعديلات على سيارات المعاقين فيها حاجة زى كدة بس كلها فى الدركسيون وبيشغلها بأيده مش برجله حاول تشوف سيارة معاقين ممكن توصل لحاجة مهمة فى الموضوع بتاعك وربنا يوفقك على الفكرة الجميلة ديه

[hamedo0]

متابع

[Eng_Mostafa_89]

متابع

[bishoy02010]

هوة ممكن الفكرة تكون اجمل واحسن بكتير لو خليت مثلا فيه زرار للرافعة ديه كل اللى عليك تعملة تدوس علية وتجيب الغيار وتزود بنزين وهوة يتعامل بقى دبرياج وبنزين ويظبط كل حاجة كده هيبقى نص اوتوماتيك لكن انه يدون بنزين مع تزبيط الدبرياج وانا ادوس دبرياج فملهوش لزمة

[hyoussef]

أنا شايف أنة ربط الدبرياج بالبنزين ده خطر جدا عشان ممكن لو حصل خلل البنزين يعلق و تفقد سيطرة على العربية

[د.محمود صلاح]

بس احيانا بحتاج اكبس زيادة فى دواسة البنزين عن الكبسة العادية وده مش هيتوفر لو عملت ذلك التعديل , بس فكرة حلوة

[giuoshe]

هوة ممكن الفكرة تكون اجمل واحسن بكتير لو خليت مثلا فيه زرار للرافعة ديه كل اللى عليك تعملة تدوس علية وتجيب الغيار وتزود بنزين وهوة يتعامل بقى دبرياج وبنزين ويظبط كل حاجة كده هيبقى نص اوتوماتيك لكن انه يدون بنزين مع تزبيط الدبرياج وانا ادوس دبرياج فملهوش لزمة

دة كلام مزبوط المشكلة فى الدبرياج مش البنزين ماهو الانجكشن بتطلع بالدبرياج منغير بنزين

[bishoy02010]

دة كلام مزبوط المشكلة فى الدبرياج مش البنزين ماهو الانجكشن بتطلع بالدبرياج منغير بنزين

الله ينور عليك هوة ده اللى انا اقصدة بالظبط

بس فعلا لو الرافعة ديه اتنفزت وكانت ليها علاقة بالأر بى ام كمان تبقى وهمية وفعلا نص اوتوكاتيك يعنى قصدى تحس العربية كده على مطلع فمحتاجة بنزين اكتر او منزل مش محتاجة بنزين تبقى تمااااااااااام التمام وتقلب الدنيا

[tito29]

أتعملت قبل كده و في سيات

الفكرة دي أنا شفتها بعيني قبل كده معمولة في سيات 133 و كان عملها ميكانيكي من المعادي.
الفكرة كانت أنه عمل زي بلية تأخذ من خرطوم شفط الهواء و تشغل حاجة زي رافعة هيدروليك تضغط علي بلية الدبرياج لمل ترفع رجلك من دواسة البنزين. يعني لما تدوس بنزين يخف الضغط من علي بلية الدبرياج (كأنك رفعت رجلك من علي دواسة الدبرياج) و بالعكس لما تخفف دواسة البنزين يزيد الضغط علي الدبرياج.
الفكرة كانت ناجحة و شغالة زي الفل بس مع الوقت حصلت بعض المشاكل. أول حاجة حضلت أن بلية الدبرياج أتكلت في زمن قياسي حوالي 15 يوم و بعدها بشوية مش كتير باقي طقم الدبرياج. علشان كده الفكرة ماتت. بس ممكن بشوية صبر توصل لحل أفضل. و لو عايز أدلك علي هذا الميكانيكي أنا تحت أمرك.

[ofaashash]

الف شكر يا جماعه على المشاركات القيمة الى غيرت كتير من حساباتى للافضل وياريت تليفون الميكانيكى الى عملها نشوف وصل لفين ونكمل وبالنسبه للمطالع ممكن تزود البنزين عادى من دواسة البنزين الفكره كلهاان السيارة تتحرك فى وضعيتها العاديه بالدبرياج فقط وهوه المسئول عن زيادة البنزين بالقدر الكافى للتحرك فقط زى بالضبط لما بشيل رجلى من على فرامل العربيات الاوتوماتيك .
شاكر لكم جدا ومتابع معاكم وشغال فى التعديلات
م / أشرف محمد

[Mi3d3]

فكرة جميلة جداااااااا