تغطية وصول بورش كايين 2011 للكويت

[horas3000]

السلام عليكم جميعا
النهاردة الصبح صعقت باعلان عن نزول البورش الكايين الجديدة الي توكيلها في الكويت
طبعا في التو و اللحظة اتصلت بصديقي و زميلي في الكفاح محمد باشا كمال عشان نشوف ايه الموضوع و بالمرة نستفسر عن البيجو ال 3008 عشان اسلام باشا زي ما وعدناه و دي هيبقي ليها موضوع لوحدها ان شاء الله
كنت مشغول في الشغل فاتفقنا اننا نتقابل قدام التوكيل و حيث ان شغلي قريب منه وصلت بدري و استنيت محمد باشا لكن لما اتاخر مقدرتش استحمل و قلت ادخل اتفرج علي ما محمد باشا ما يجي و يا رتني ما دخلت
المصممين في بورش عملوا شغل عظييييييييييييييييييييييم
العربية بسم الله ما شاء الله تحفة تحفة تحفة
و الانتريور بالذات رهيييييييييييييييييييييييييييب و ملوش حل
و القعدة ممتازة بوضعية رياضية متديش اي احساس انك راكب SUV
و جودة الخامات و التقفيل احسن من الحالية بكتير خصوصا مع اوبشن الجلد الكامل
العدادات هايلة و خصوصا الشاشة المدمجة و اللي بتبين معلومات مهمة خصوصا الGPS و وفقا لتقاليد بورش ال RPM في المنتصف و مش زي الموديل الحالي
من الاخر عربيتي جنب الجديدة تعتبر نص نقل
طبعا المواصفات التقنية مش عايزة كلام كله موجود علي الانترنت
اسيبكم مع الصور

.
الكايين S

.
الكايين S

.
الكايين تيربو



الكايين تيربو

.
الانتريور الرهيييب


الملتي فنكشن وييل و واضح الشاشة وسط العدادات

.
الكونسول الشيك جدا جدا و في منتهي الجودة و الفخامة

.
الباب الخلفي و اللي عملة ده فناااااااااااااان

.
الانتريور تاني اهئ اهئ

و في النهاية اتمني يكون الموضوع عجبكم
و في انتظار انطباع محمد باشا

[karaktar]

هيه بأه الأموره دى بكام؟

[horas3000]

انهي واحده فيهم ؟؟؟

[newhansol]

انا هابيع ال 28 واشترى الكونسول الى فى النص دة بس واتصور جنبة واحط الصورة فى برواز واعلقها فى الصالون
واكتب جنبها بورش كايين ان شاء الله

اية يا عم دة ودى تتساق ازاى
بس لو فيها اوتو باركينج كنت اشتريتها بس يا خسارة تقريبا مافيهاش

بالمناسبة مش عايز تجيب لفة بقى بالنص نقل بتاعتك
ربنا يحفظهالك

[mido_soliman]

بسم الله ما شاء الله بجد زى ما كانوا بيقولوا زمان لام كلثوم حقولها انا للعربية دى وخصوصا الجملة موجهة للانتريور دة انا مش متخيل كل الزراير دى ( عظمة على عظمة يا ست ) بس انا زعلان منك علشان الصور دى الكونسول دة الواحد يبات فية ويتنازل عن بيتة ومراتة وعيالة كمان :)

[horas3000]

يا جماعة اتكلموا عن اي حاجة الا الانتريور
انا من ساعت ما روحت مش قادر مفكرش فيه
انا متعقد خلقة

[mido_soliman]

يا جماعة اتكلموا عن اي حاجة الا الانتريور
انا من ساعت ما روحت مش قادر مفكرش فيه
انا ابتديت اكره عربيتي بسببة

انا من رائى متقربش ناحية التوكيل دة تانى لان انا بجد حاسس بيك دلوقتى تخيلوا الراجل معاة نفس العربية موديل السنة اللى قبلها واسمها كايين بردوا وكل حاجة ولما يشوف دى يعمل اية ؟
انت عارف لو قربت من بوابة التوكيل دة تانى حعمل فيك اية ؟؟؟

[horas3000]

انا من رائى متقربش ناحية التوكيل دة تانى لان انا بجد حاسس بيك دلوقتى تخيلوا الراجل معاة نفس العربية موديل السنة اللى قبلها واسمها كايين بردوا وكل حاجة ولما يشوف دى يعمل اية ؟
انت عارف لو قربت من بوابة التوكيل دة تانى حعمل فيك اية ؟؟؟

هههههههههههههه
انا رايح بكرة تاني
منها اتفرج تاني و هيتمنولي عربيتي
لعل و عسي ادخلها في الجديدة لو ادوني سعر كويس

[ahmedegypt]

شكرا عالموضوع

[Ahmed Selim]

المقدمة جميلة و الفوانيس الخلفية هايلة

الأنتريور خرافة

شكراً يا باشا

[otefa]

جامدة..........تسلم ايدك............ والوكيل عامل عروض جامدة عليها وخصوصا العادية مش ال الاس ..............عايزين ياكلوا السوق من ال الأكس فايف والطوارق.

[mido_soliman]

هههههههههههههه
انا رايح بكرة تاني
منها اتفرج تاني و هيتمنولي عربيتي
لعل و عسي ادخلها في الجديدة لو ادوني سعر كويس

خلاص لو كدة ماشى حعديها المرة دى :) ربنا يباركلك في عربيتك وفى الجديدة لو ليك نصيب فيها ان شاء الله

[horas3000]

خلاص لو كدة ماشى حعديها المرة دى :) ربنا يباركلك في عربيتك وفى الجديدة لو ليك نصيب فيها ان شاء الله

تسلم يا زعيم
و من بقك لباب السما

[m_kamal]

بورش

Porsche

كلمة حفرت و بعمق فى قلوبنا و عقولنا و عيونا النهاردة

هل يعقل ان السيارة التى كانت حتى سنوات قريبة لا تأتى الا بتصميم أو تصميمين محافظة على التراث و العراقة ...

هل يعقل انها هى اليوم التى تصبح ملكة التصميم؟؟

هل يعقل أن ترفع قدمك اليمنى لأكثر من ثلاثين سنتيمتر لتركب سيارة من فئة SUV و عندما ترفع قدمك الأخرى تجد أنك قد ركبت سيارة سيدان أو رياضية

هل يمكن المزج بين احساس الفخامة و الدفع الرباعى و الاداء الرياضى بتلك الطريقة المثالية و التى تجعل كل السيارات الاخرى من فئة (سيارات النقل,, او سيارات اللعبة)

هل يمكن أن يكون التحسن بتلك الطريقة الخزعبلية ؟؟؟ حتى تشعر أنك تركب سيارة أخرى لا تمت لسابقتها بصلة ؟؟

و لماذا لا ..... انها بورش ... ملكة الاداء الرياضى و الفخامة من قديم الازل.. فليس غريبا عليها أن تصبح الملكة المتوجة فى فئة سيارت ال SUV بلا منازع ولا منافس...

لن أتكلم أكثر من ذلك ففى كل صورة ألف كلمة و كلمة فانظروا الى الصور و اكتشفوا ما من الله على الانسان من علم و فن و ذوق مسخرين للرفاهية المطلقة

و استشعر انكم تستشعرون أنه عندما يستثار الشعر من غير الشعراء فما من شعائر تكفى لوصف المشاعر

و الى اللقاء فى الجولة القادمة
_________________

[الغزالى]

هههههههههههههه
انا رايح بكرة تاني
منها اتفرج تاني و هيتمنولي عربيتي
لعل و عسي ادخلها في الجديدة لو ادوني سعر كويس

عمو عمو ممكن تاخدنى معاك بكرة