فيات لينيا ديزل

[joker304]

انا جبت فيات لينيا 2010 ملاكي ديزل تربو 1300 عندي شوية أسئله:
1)ازاي احافظ علي الموتور الديزل؟
2)أغير الزيت علي كام مع ان اول صيانه ع الخمس ألاف وأيه أحسن نوع زيت ديزل ليها؟
3)التوكيل قاللي قطع غيار الموتور موجوده لان عندهم عربيه نص نقل ديزل نفس الموتور هل ده كلام سليم؟
4)فلتر الزيت التربو لقيته ف التوكيل ب 100 جنيه ده سعر كويس؟
5)هل دي خطوه كويسه مني ولا غلطت اني جبتها لان ناس كتير بتتريق ع موضوع الديزل ده مع انها عربيه رائعه وصوتها مش عالي اوي؟
6)الرخصه غلطوا في المرور وكتبوا بنزين رحت مره للمهندس قلتله قالي مافيش مشكله هتها ابص عليها واغيرلك لسولار بس لازم ابص عشان الافراج مش متحدد فيه نوع الوقود وعموما في الملاكي سعر ترخيص السولار زي البنزين مش مشكله يعني وسألت في الجمرك قاللي برده مش بنكتب في الافراج ديزل ولا بنزين لان سعر الجمارك ما بيفرقش في الملاكي بين الاتنين؟
وشكرا لاعضاء المنتدي

[abo_kanze]

السلام عليكم ورحمة الله وبركاته...

مبروك السياره وان شاء الله تتهني فيها وربنا يديك خيرها ويكفيك شرها...اللهم امين ..

بالنسبه للاسئله ان شاء الله تلاقي حد من الاخوه يفيدوك.

تحياتي لك

[Gelgel2004]

انا جبت فيات لينيا 2010 ملاكي ديزل تربو 1300 عندي شوية أسئله:
1)ازاي احافظ علي الموتور الديزل؟
2)أغير الزيت علي كام مع ان اول صيانه ع الخمس ألاف وأيه أحسن نوع زيت ديزل ليها؟
3)التوكيل قاللي قطع غيار الموتور موجوده لان عندهم عربيه نص نقل ديزل نفس الموتور هل ده كلام سليم؟
4)فلتر الزيت التربو لقيته ف التوكيل ب 100 جنيه ده سعر كويس؟
5)هل دي خطوه كويسه مني ولا غلطت اني جبتها لان ناس كتير بتتريق ع موضوع الديزل ده مع انها عربيه رائعه وصوتها مش عالي اوي؟
6)الرخصه غلطوا في المرور وكتبوا بنزين رحت مره للمهندس قلتله قالي مافيش مشكله هتها ابص عليها واغيرلك لسولار بس لازم ابص عشان الافراج مش متحدد فيه نوع الوقود وعموما في الملاكي سعر ترخيص السولار زي البنزين مش مشكله يعني وسألت في الجمرك قاللي برده مش بنكتب في الافراج ديزل ولا بنزين لان سعر الجمارك ما بيفرقش في الملاكي بين الاتنين؟
وشكرا لاعضاء المنتدي

السلام عليكم و الف مبروك و ان شاء الله ربنا يديك خيرها و يكفيك شرها

روح الموتور الديزل فى حاجتين
1 الزيت
2 الفلاتر

و الاول الزيت هتراجع مواصفات المصنع علشان تشوف درجه اللزوجه الموصى بيها و طبعا اعتمد على انواع ذات سمعه طيبه ز غيرها فى المواعيد المنصوص عليها او قبله ب 500 كلم على اعتبار ان مسافات الوقوف و الاشارات فى مصر كثيره .
الثانى الفلاتر اسال عند الكيلانى الاول (2578439 / 25799069 ) و مصر 2000 (25787533 ) و اتاكد من الفلتر صناعه اوروبيه مثلا - علشان مواصفات الجوده - .


اخير مون من محطات معتمده و نظيفه و استخدم منظفات الدوره كل 25000 كلم و دى بتحافظ على دوره التشغيل ( بس ضرورى تشوف العبوه بتتحط على كام لتر سولار - علشان العبوات دى بتتحط للعربيات الامريكى و عندهم بالجالون - خزانتهم كبيره عننا - الجالون 3.7 لتر تقريبا .

دمت بود

[ASSASSIN]

الف مبروك
ربنا يباركلك فيها
و هي خطوة كويسة جداً

معلش سؤال برى الموضوع ، إنت جبتها منين و بكم و مواصفاتها إيه ؟

[joker304]

الف شكر علي الردود يا جماعه انا جبتها من واحد صاحبي جابها من التوكيل أشتريتها 75 الف كامله مانيوال موتور سولا ر تربو

[mmffor]

السولار في الترخيص بتيبقى ترخيصها اغلى بحوالي 50 جنيه رسوم بيئة

[joker304]

علي فكره انا سألت في المرور قالوا الملاكي مافيش فرق في الترخيص بين السولار والبنزين الفرق بس في النقل ده صح ولا لا

[eng.m7md.ali]

ممكن مواصفات العربية ايه بالظبط؟؟ لاني اول مرة اسمع عن لينيا تيربو

[abdalah_hashem]

هو كان الكلام اللى انا فهمتة من المنتدى هنا ان العربيات الملاكى مبتنزلش ديزل فى مصر عشان السولار علية دعم اكبر من البنزين ؟؟
فمش بيرضوا يرخصوا سولار ملاكى وللا انا فاهم غلط ؟؟؟؟

[ahmedesmat1987]

مبروك ياباشا.... متهيالى انا اكتر واحد ممكن افيدك فى الموضوع دا لاننا معانا عربيتين ديزل.......... احب اقولك ان انا بموت فى حاجه اسمها ديزل ولما العشرة تحكم هتحس بان كلامى دا صح... بمعنى ان العربيه الديزل تعتبر عربيه ما بتبوظش لانها بتبقى اعتماديه الى ابعد الحدود...مكونات الموتور بتبقى قويه جدا اقوى باضعاف من المحركات البنزيت لان الجاز مش بيعتمد على نظام اشعال الجاز زاتى الاشعال بيعتد كخطوة اولى على التسخين(السخانات ) وكخطوة تانيه الضغط الزائد للموتور وتفريغ الهواء من البساتن ومن ثما الاشعال تلقائى..يعنى الموتور الديذل لا يوجد به اسبراتير ولا بوبينه ولا كتينه لا يوجد نظام كهرباء فى الموتور يعنى لو قفلت الدينمو وشيلت البطاريه والعربيه شغاله هتفضل شغاله وتمشى عادى ولا اكن فيه حاجه ودى عن تجربه شخصيه....... ودا بيخلى الجاز فى المرتبه الاولى حمال اسيه.....ثانيا عزم مواتير الجاز فى المطالع والمنحنيات جبار وخصوصا لو الجاز سخن معاك فى الموتور خد احلى هطل وهبل سرعات وبهدل البنزين يا معلم.... بس ليا نصايح ليك عشان يعيش معاك الموتور..... التسخين الجيد للعربيه الصبح قبل ما تطلع ..متابعه الفلاتر الجاز والزيت والهواء وتغيرهم بصفه دوريه المحافضه على السخانات وتغيرهم بصفه دوريه عشان متقرفكش فى الدواراه الصبح ...اشترى بطاريه تكون ازيد من 60 امبير لان المارش بتاع الجاز قوى وبتعتمد عليه العربيه بشكل كلى فى التدوير هى والسخانات فلازم تكون البطاريه محمله جامد عشان تقوم العربيه...... واحب اقول فى الاخر ان استهلاك الجاز للعربيه اقل كتير من استهلاك البنزين نظرا لان الجاز طبعته زيتيه ومبيطرش عكس البنزين وعلى فكره مقدار حريق لتر الجاز يساوى مقدار حريق لتر ونص بنزين...........وشكرا

[joker304]

شكرا ليك جداجداجدا بس سؤال الفلاتر تتغير علي كام كيلو الزيت والهواء والسولار مع العلم ان عربيتي لسه ماكملتش 2000 كيلو وهل فعلا زي الصديق ما بيقول مابتترخصشي سولار في مصر عشان انا علي الرغم انها ديزل في المرور كتبوها في الرخصه بنزين واعتقد ان في عربيات كتير في مصر ملاكي ديزل زي المرسيدس والستروين والبيجو هل فعلا في مشكله في ترخيص الديزل ملاكي في مصر ولا لا عادي وشكراااااا لسيادتك
ولللمعلومه مهندس المرور قالي معلش حصلت غلطه هاتلي العربيه واصلحلك الرخصه اعتقد ده دليل ان موضوع ترخيص الديزل عادي جدا ده حتي قاللي في الملاكي مافيش فرق في الرسوم بين الديزل والبنزين

[mmffor]

اللي اعرفه ان بتدفع رسوم بيئة لو عربيتك ديزل - 50 جنيه على ما اذكر

[A.Saad]

اعتقد الضريبة بس اغلى

[ahmedesmat1987]

شكرا ليك جداجداجدا بس سؤال الفلاتر تتغير علي كام كيلو الزيت والهواء والسولار مع العلم ان عربيتي لسه ماكملتش 2000 كيلو وهل فعلا زي الصديق ما بيقول مابتترخصشي سولار في مصر عشان انا علي الرغم انها ديزل في المرور كتبوها في الرخصه بنزين واعتقد ان في عربيات كتير في مصر ملاكي ديزل زي المرسيدس والستروين والبيجو هل فعلا في مشكله في ترخيص الديزل ملاكي في مصر ولا لا عادي وشكراااااا لسيادتك
ولللمعلومه مهندس المرور قالي معلش حصلت غلطه هاتلي العربيه واصلحلك الرخصه اعتقد ده دليل ان موضوع ترخيص الديزل عادي جدا ده حتي قاللي في الملاكي مافيش فرق في الرسوم بين الديزل والبنزين

العفو على ايه..........فلاتر الجاز والزيت بالذات تتغير مع كل تغيره زيت ويكونو الاوريجنال مش اى كلام عشان متقعدش يومين وتتسد عشان زى مانت عارف سولار مصر زى الفل ولا غبار عليه فى بوظان العربيات...الهواء على حسب حالته لاقيتو شغال سيبه حسيت انو خانق العربيه ولونه اتغير غيرو......بالنسبه للترخيص الملاكى جاز او بنزين واحد مفيش مشكله بس تقريبا فى رسوم بسيطه اعلى من البنزين بفرق لايذكر.........واى خدمه ياباشا

[joker304]

الف الف شكر علي ردك ونصائحك الغاليه دي يا باشا