طلب مساعدة فى صيانة التويوتا الميكروباص

[ahmed2y]

لو سمحتو يا شباب كنت بسال لو فى مركز خدمة او مكانيكى وكهربائى متخصصين فى تصليح الميكروباص التويوتا هى العربية 2009 وكنا بنوديها التوكيل بس للاسف بتروح وترجع بالعيب الى فيها واسعارهم نار

ولكم جزيل الشكر

[Karim_Monir]

عليك وعلى زميلنا مينا

[ahmed2y]

عليك وعلى زميلنا مينا

ستاذ كريم اشكرك على الرد ولو ممكن تلفون الاخ مينا لانى معرفوش خالص وهل عندة مركز صيانة ولا اية وشكرا

[Karim_Monir]

استاذ مينا هاتلاقيه في قسم جيب وهو زميل لينا مش نشاط تجاري

[ahmed2y]

الف شكر يا استاذ كريم وطبعا مش جديد عاليك الاهتمام وتقديم النصائح والمساعدة

وسعيد باهتمامك

الف شكر وجارى البحث عن الاخ مينا

[M!NA]

يا خبر أبيض... لسة شايف الموضوع....!!

بص يا باشا...العربيات الديزل محتاجة عناية خاصة نظرا لأن استخدامها commercial مش استخدام خاص (ملاكي)
عشان كدا فكرة التوكيل ديه فاشلة جدااااااا بالنسبة لأي عربية ديزل... عشان الديزل بيعمل صيانة أكتر من البنزين بكتير... (تغيير الزيت كل 2000-2500 كم)
كمان العناية بالفلاتر و تغييرها ... و خصوصا فلتر الجاز... نظرا لعدم نظافة السولار في مصر....

الميكانيكية الكويسين للأسف أماكنهم بتكون بعيدة....بس بتضمن معاهم أن عربيتك تكون متصانة كويس....
الميكانيكي اللي بتعامل معاه عند نزلة الدائري بتاعت ( بهتيم \ بلقس ) و هو راجل محترم جدا بقالي سنتين بتعامل معاه...

و كمان فيه واحد تاني في بلبيس.... بس ده للحاجات الصعبة.... (العمرات... فك فتيس .... الخ)

الكهربائي فيه واحد في جسر السويس عند حديقة بدر اسمه ناصر مشهور جدا بعد المزلقان جمب قهوة كبيرة كدا.... و ده راجل محترم جدا و أسعاره معقولة.... و أستااااااذ في صنعته....

هبعتلك رقمي عالخاص لو حبيت أديلك وصفة الميكانيكي... و أي تفاصيل عن قطع الغيار و الفلاتر.....

تحياتي لك...