اجيب ايه فى النص نقل

[The_Dragon_900]

بسم الله الرحمن الرحيم
السلام عليكم و رحمه الله
هندى بعض الاستفسارات
انا نويت ان شاء الله اجيب عربيه شيفروليه دبابه (نص نقل)
وعايز اقرب مكان من طنطا يكون تقسيطه مريح منغير تعامل مع البنك خالص حتى لو هروح اجيبها من الصعيد
ثانيه مقارنه تفصيليه بين الايسوزو ديماكس و الدبابه علشان انا سمعت بعض الفروقات زي ان حموله الدبابه اكتر و غيره
و جزاكم الله خيرا و مستى ردودكم المفيده

[KHALED AYMAN]

الايسوزو انضف بكتيييييييير
كفايه ان مفيش ايد مصريه اتحطت فيها
تقفيل انضف
و عمرك ما هتحصلك مشكله بسبب التقفيل
و مفيش فرق حموله لان العفشه واحده و قطع الغيار هى هى ..الفرق فى التقفيل

[SAiF3S]

الايسوزو انضف بكتيييييييير
كفايه ان مفيش ايد مصريه اتحطت فيها
تقفيل انضف
و عمرك ما هتحصلك مشكله بسبب التقفيل
و مفيش فرق حموله لان العفشه واحده و قطع الغيار هى هى ..الفرق فى التقفيل

خالد باشا كلام زى الفل و عندك حق فيه فعلا تقفيل الايسوزو انضف بكتير , لكن انا عندى عاده انى بحب اشترى بضمان وكيل حتى لو وكيل سيئ زى منصور , انا معايا شيفورليه دبابه و ماكينه زجاج الكهرباء باظت و اتغيرت على حسابهم , ممكن يكون عيب خامات فى الدبابه المصرى
بس فعلا انا شايف ان لو رجع بى الزمن هشترى أيسوزو مش الدبابه الشيفورليه

[KHALED AYMAN]

ما احنا معانا 2 دبابه ..
منهم واحده غيرت ماستر فرامل عمومى 4 مرات فى الضمان !! حاجه كويسه انه اتغير فى الضمان ...
وكذا واحده معاه نفس الموديل اشتكى من عيب الماستر ..
لكن مفيش واحد معاه ايسوزو اشتكى ..
وفعلا لو الزمن رجع هنجيب ايسوزو ..

[MaZaGAngeE]

العربيات الربع نقل بالترتيب :
تويوتا
ايسوزو
نيسان الجديدة
ميتسوبيشي
شيفورليه الدبابة

[The_Dragon_900]

جزاكم الله خيرا على الردود و المجهود الرائع و لكن اهم سؤال عندى انى عايز موزع يكون بيقسط مرتاح منى ليه على طول من غير بنك ولا غيره ايا كان مكانه و السؤال ده بالنسبه للايسوزو و الدبابه

[hko]

خليك في الايسوزو عربيه حماره شغل ومتقولش لا

[KHALED AYMAN]

الدبابه عندك منصور فى دفره
الايسوزو عندك السيد المكاوى و الشيخ و الحداد على الزراعى ..بس مش عارف عندهم قسط مباشر ولا لا

[The_Dragon_900]

شكرا اخى خالد على الرد بس انا فعلا يهمنى موضوع القسط المباشر المريح يا ريت لو حد يعرف يفيدنى

[The_Dragon_900]

ياريت يا جماعه لو حد يعرف مكان بيقسط مريح بعيد عن البنك يفيدنى سواء (دبابه او ايسوزو) انا من طنطا لو فى مكان قريب احسن و لو مفيش مش مشكله عندى استعداد اروحله فى اى حته