عاوز اجيب دبابة اعملها مشروع اية رايكو

[KOKOABDALLAH]

ياجماعة عاوزيين نفيد الشباب عاوز اجيب عربية دبابة مستعملة
عاوز اعرف اسعارها اية مستعمل وكمان موديلاتها اية الافضل واية نظامها فى طريقة المحاسبة والترخيص والاوراق والقصة دى ياريت الافادة

[aif]

قبل السيارة
الاهم هو السائق
مطلوب يكون سائق محترف عشان ما يبوظش العربية او يلبس في قطر الصعيد
يكون عنده ضمير عشان ما تلبسش 20000 مخالفات
وما يسرقكش
...
ده اهم من العربية كتير
....

لكن لو انت عندك القدرة انك تسوق عربيتك بنفسك ...... يبقى مشروع ممتاز طبعا
....

ربنا يوفقك

[KOKOABDALLAH]

ربنا يخليك بس لو عندك فكرة عن اسعارها مستعملة ممكن تفيدنا

[ahmedamr]

خلى بالك فى ترخيصها لازم بيبقى فى تأمين ع سائق اجباري

[KOKOABDALLAH]

اه تمام كدة بس عاوز اعرف بردة نظام الضرايب فيها فى السائق عشان اغيروا لازم اعمل كل شوية التامين دا ولا دى حاجة ثابتة

[Elawany13]

نفسى اعرف سعر الشيفورلية الدبابة الزيرو

[KOKOABDALLAH]

متاااااااااااااااااااااااااااااااااااااااااااااااا اااااااااااابع

[M!NA]

ياجماعة عاوزيين نفيد الشباب عاوز اجيب عربية دبابة مستعملة
عاوز اعرف اسعارها اية مستعمل وكمان موديلاتها اية الافضل واية نظامها فى طريقة المحاسبة والترخيص والاوراق والقصة دى ياريت الافادة

عندك شغل ليها؟ ولا بتفكر تجيبها و تشوف مشروع؟
عشان تجيب عربية لازم تكون عارف الأول هتشغلها في ايه؟ و يكون عندك كذا مكان ممكن تتعاقد معاه عشان الأمور متكونش عايمة....

اللي أقدر أفيدك فيه أنها فوق ال100 ألف ببضعة آلاف.... 103 تقريبا حاجة كدا.....

[alemam2005]

هي اسعار المستعمل منها بيكون من 70 الف الي 100 الف في الموديلات الحديثه فوق 2006 علي حسب الحاله و الموديل و كمان الكماليات و الافضل ابعد عن الدبابه المصري ( توكيل منصور ) هي فيها عيوب كتير و تقفيلها مش كويس.
ممكن تلاقي عربيات اقل من كده في السعر بس بتكون مش سليمه
خليك في المستورد D-max هي نفس الشكل بس المصري بيكون عليها شريط من الجنب و ماركتها شيفروليه اما المستوره بتكون من غير شريط وماركتها ISUZU و المنتشر منها اللون الأبيض.

لو عاوز حاجه مستعمله فيه معارض كتير لو انت من المنصوره هتلاقي معرض كتير في أجا و السنبلاوين وكمان في سمنود و المحله.

بس خلي بالك العربيات دي فيها لعب كتير فيها اللي مغير كابينه بالكامل و كمان خلي بالك ان معظم اللي بيشتري العربيات دي زيرو بيشيل الطقم الامامي ( رفارف و كبوت) و يحط مكانهم طقم صيني و لما يجي يبيع العربيه بعد كده بيركب الاصلي و تبقي العربيه عامله فوق 300 الف كيلو متر و تلاقيه اكنها جديد ...
بالتوفيق ان شاء الله

[qkash.com]

الموضوع ده شاغلني جداً وبفكر جدياً اشتري عربية بس بصندوق مقفول مش مفتوحة ويكون صندوق كبير

فياريت اللي عنده خبرة ويقدر يفيدنا في الموضوع ده وينصحني باختيار الافضل ويكون السعر في حدود 60 الف جنية

ومن حيث العقبات اللي ممكن تقابلني في المرور لأني مفهمش اي حاجة في المرور كبيري رخصتي الخاصة

وده لأني باحتاج انقل حاجات كتير وممكن اشغلها تحت الطلب واهو يبقي مشروع

وجزاكم الله خيراً