الدبابة . . .

[M!NA]

يا جماعة انا كنت وعدت اني هجمع معلومات قدر الامكان على عربيات الديزل اللي بنشوفها بجميع فئاتها.... بغرض الاستفادة... حتى لو انتا ممكن مشتريش العربيات ديه خالص بس حلو لما يكون عندك معلومات عنهم...

هبدأ بأكثرهم شعبية....

شيفروليه الدبابة

(المواصفات ديه منقولة من أحد المواقع التجارية)

:المواصفات
شيفروليه الدبابة ، مقصورة مفردة ، قاعدة عجلات طويلة ، محرك ديزل سعة 2.5 لتر ، ناقل حركة يدوي بـ 5 سرعات

:الأداء
المحرك 2.5 لتر, 2499 سي سي •
القوة: 78حصاناً/ 4100 دورة في الدقيقة •
عزم التدوير 167 نيوتن . متر/ 2300 دورة في الدقيقة •

: المواصفات الخارجية
إطارات مع عجلات ألمنيوم •
مقابض أبواب مثبتة من الخارج •
خطوط على الهيكل •

:المواصفات الداخلية
راديو كاسيت كلاريون •
سماعتان فى الأبواب + إيريال •
فرش مقاعد من القماش •
خزان وقود سعة 75 لت •
باور ستيرينج •

سعر السيارة حاليا 95000 جنيه و هي تجميع مصري (منصور)

من ناحية اعادة البيع هي الأفضل و الأكثر تداولا و أكثر انتشارا في قطع الغيار...

[Ahmad Allawy]

العربية دي انا سوقتها..
و سواقتها قمة في المتعه..و الراحة..
بتجري بطريقة غريبة جدا..
و عزمها طبعا رهيب..
في منها بنزين و ديزل.. و المواصفات المذكورة دي خاصة بالعربية المحرك الديزل..
البنزين لو القدرة الحصانية مماثلة... هتلاقيها علي عدد لفت اعلي من كده شوية..

[M!NA]

البنزين أكيد قدرته الحصانية أعلى كتير....

بس ممنوع أصلا حد يجيب سيرة البنزين في المكان هنا :D

يا ريت يا أستاذ أحمد لو تفيدنا بمزيد من التفاصيل عن سواقتها و استهلاكها للديزل ...

Test Drive كدا يعني لو أمكن...

[Ahmad Allawy]

للأسف يا باشا مش هاقدر افيدك قوي في الموضوع ده..
عشان اان سوقتها مرتين كده تجربة..و جريت بيها شوية..
الاستهلاك و كده مش هاعرف افيدك فيه خالص. للأسف..
لأن الموضوع ده كان من زمان..
و انا لما كنت باجرب.. مكنتش مركز قوي في الثبات و المناورة و الكلام الكبير ده..

بس اكيد لو اتيحت قدامي الفرص تاني مش هافوتها..
عشان نفسي اجرب اتني و الميكروباص بقي اللي هاموت و اسوقه..
ولو اني شايف و عارف شوية مواصفات عنه كده

[misalof]

اسمحولي أشارك بالموضوع

أنا سقت من مدة نص نقل شيفورليه (كنت لسة طالب بالجامعة) و كانت دي ملاحظاتي:

1- أول ملاحظة لاحظتها ي الملفات العربية برجلها وااااسع أوي ، لازم تعود نفسك انك توسع لنفسك كويس في الملفات ، لو ماوسعتش في يو تيرن مثلا لازم ترجع تعدل نفسكز
2- السيارة و هي فاضيه ، هوا ، دوسة بنزين تطير ، بس النقلات نفسها قصير أوي ، ماتقدرش تحرق على النقلات ، و يمكن تقدر تحرق بعد الثالث . و دا نظرا لأن النقل الديزل يدي عزم على Rpm منخفض.
3- السيارة و هي فاضيه أكنك راكب على نطاط و مفيش أثر لمساعدين و لا امتصاص صدمات ، و على ما أعتقد دا علشان العفشة مصممة للتحميل.
4- السيارة و هي محملة : عفشة اخر حلاوة ... زبادي يعني ... تاخد و تدي معاك في الملفات....بس الثبات بيخوف .... أكنك راكب مركب ....
الدركسيون خف بدرجه ملحوظه نظرا لأن الحمل انتقل للخلف.

5- و انا محمل .... لازم اخد بالي كويس جدا لميول الطريق .... علشان الميل يمين و شمال ممكن يقلب العربية بسهولة و بذات الملفات....

6- قدرة الموتور و العربية محملة : هاااااااااااا هنا تبان فعلا قوة الديزيل ....... الوحش اللي تحت غطاء السيارة يكشر عن أنيابه .....


أرجو ان أكون قد افدتكم و اسف للاطاله ...... بس كانت تجربة جميله بالنسبالي

[nobody]

:الأداء
المحرك 2.5 لتر, 2499 سي سي •
القوة: 78حصاناً/ 4100 دورة في الدقيقة •
عزم التدوير 167 نيوتن . متر/ 2300 دورة في الدقيقة

على فكرة المتور ده ضعيف جدا

البيجو 1.6 HDI
110hp@4000rpm
177Nm@1750rpm

يعني احصنة اكتر وعزم اكبر على ار بي ام اقل كل ده من متور 1600 سي سي فقط

[misalof]

كلام جميل جدا

بس في نقطه استفسار

أولا أكيد الموتور البيجو دا للموديلات الجديدة = تكنولوجيا جديدة = عزم و قدرة أكبر أكيد

معروف ان المواتير الصغيرة ذات القدرة العالية = عمر أقل

موتور الدبابة ممكن يكون معمر أكتر من البيجو تحت نفس ظروف التشغيل


و لا ايه رايك يا Nobody

[M!NA]

أعتقد كمان ان فيه اختلاف في طرق قياس العزم و القدرة الحصانية في العربيات السيدان عن النقل باختلاف فئاته

و ده راجع لاختلاف طبيعة العربيتين و الات الجر بتاعتهم (البيجو أمامي - الشيفروليه خلفي)

و استخدام كل عربية في ايه (البيجو سيارة عائلية - الشيفروليه نقل)

[nobody]

على فكرة يا اخ misalof مواتير الديزل عامة معمرة جدا فما بالك بقى لما يكون بيجو
الماتور ده اصلا واخد جايزة السنة اللي فاتت احسن ماتور ديزل في اروبا

اخ vw_driver
طيب انا حاجيبلك حاجة نص نقل برضه

toyota HILUX 2.5 D-4D engine

120hp@3600
260Nm@1600

[M!NA]

على فكرة يا اخ misalof مواتير الديزل عامة معمرة جدا فما بالك بقى لما يكون بيجو
الماتور ده اصلا واخد جايزة السنة اللي فاتت احسن ماتور ديزل في اروبا

اخ vw_driver
طيب انا حاجيبلك حاجة نص نقل برضه

toyota HILUX 2.5 D-4D engine

120hp@3600
260Nm@1600

طبيعي جدا !!!! ماهو عشان كدا التويوتا سعرها أغلى من الشيفروليه :)

أنا لما فتحت الموضوع كنت بطرح معلومات عن العربية بصفة عامة... مش بقارنها بالبيجو أو بالتويوتا

قوة الموتور هنقدر نقارنها بسهولة جدا ان شاء الله لما هجمعلكو معلومات عن باقي فئات النص نقل ... عشان المعلومات كلها هتكون متاحة

[HeMa_LanCeR]

انا بس كل اللي هقوله اني امتلك سيارات ديزل كما يلي :
3 دبابه 2001
1 دبابه 2006 الشكل القديم(dmx)
2 دبابه 2007 الشكل الجديد(dmx)
2 نيسان الشكل القديم
2 شيفورليه جامبو 98 - 99 الموتور الكبير (الاسود)
وعلي فكره موتور النيسان 2700 يعني اقوي من الدبابه ولكن عمره مايكملش نص عمر موتور الدبابه
وأي استفسار عن السيارات الديزل انا موجود وتحت الخدمه

[Ahmad Allawy]

ايه الجمال ده كله..
ما شاء الله تبارك الله..
تعالي بقي احكيلنا و اشرحلنا و فهمنا.. :) :)
اكيد انت خبرة كبيرة في الديزل..

[HeMa_LanCeR]

ايه الجمال ده كله..
ما شاء الله تبارك الله..
تعالي بقي احكيلنا و اشرحلنا و فهمنا.. :) :)
اكيد انت خبرة كبيرة في الديزل..

لو اي حد عنده استفسار انا تحت الامر
حتي الميكانيكا الحمد لله انا كويس قوي فيها لأن والدي مهندس ميكانيكا ديزل وعمره ما راح لميكانيكي وطبعا وهو بيصلح بأكون انا معاه علشان اتعلم
فا اللي عنده سؤال يتفضل

[tutankhamoun]

تصحيح بسيط يا رجالة
منصور ................................. موزع فقط لجنرال موتورز مصر
المصنع الذي يقوم بصناعتها في مصر موجود في محافظة السادس من أكتوبر
و أسمه جنرال موتورز مصر
و منصور ..................................... الموزع الرسمي لمنتجات المصنع و هو الموزع الوحيد

و على فكرة نسبة التصنيع المحلي في هذه السيارة تصل ل 70 %
و المحرك أيسوزو ياباني
و الإسم التجاري للسيارة شيفروليه ( العك بتاع جنرال موتورز )

غير كدا ............... مقدرش أفيدكم في حاحة تانية ( بطيخة في الموضوع ده )

[M!NA]

لو اي حد عنده استفسار انا تحت الامر
حتي الميكانيكا الحمد لله انا كويس قوي فيها لأن والدي مهندس ميكانيكا ديزل وعمره ما راح لميكانيكي وطبعا وهو بيصلح بأكون انا معاه علشان اتعلم
فا اللي عنده سؤال يتفضل

دا انتا جيت برجليك بأة :D

أولا منور قسم الجاز يا باشا :)

ثانيا بأة عايزين Test Drive للدبابة بالتفصيل في كل حاجة.... السرعة الملفات السحب ... تقييم شامل عنها

و ياريت لو استهلاكها كام في الصفيحة أو التفويلة؟...

في انتظار المعلومات القيمة و شكرا جدا على مرورك و مشاركتك ...