سؤال محيرنى لاهل الخبرة فى المرسيدس الاكتروس

[ali_elwakeel]

بالتاكيد اللى عارف المرسيدس الاكتروس عارف الفئات بتاعتها mp1 و mp2 و mp3 الخ

طبعا فى فروق فى الامكانيات و الكماليا و الشكل الى حد ما فى الكابينة لكن اللى محيرنى اية الفرق فى الموتور
على سبيل المثال الموتور 460 حصان اللى راكب على الmp1 اية الفرق بينة و بين اللى راكب على ال mp2
مع العلم ان فئة المحرك واحدة om 501 la و الفتيس اما 210 او 221 او 240

لكن اكيد فى اختلاف معين بين mp1 و mp2 لان ال mp1 بدات فى السوق من 1997 لغاية 2003 و ال mp2 من 2004 لحد 2008

ياريت الافادة لان الموضوع دة محيرنى جدا

[م/أحمد عبد الفتاح]

بغض النظر عن التسمية بتاعة mp1 و mp2 فيه تسمية بالرقم بتاع الموديل :
بالنسبة للموديل اللى رقمه اخره ٤٤ بيبقى الموتور om 501 la ٦ سلندر حوالى ١٢ الف سى سى ٤٣٥ حصان
بالنسبة للموديل إللى رقمه أخره ٥٠ بيبقى الموتور om 502 la ٨ سلندر حوالى ١٦ الف سى سى ٥٠٠حصان
فيه موديل تانى رقمه اخره ٣٦ تبع الـ om501 بيبقى ٣٦٠ حصان
بالنسبة للفتايس :
فيه فتايس ١٦ غيار وهى:
الفتيس g210-16 ١٦ غيار و ٢ مارشدير
والفتيس g240-16 ١٦ غيار و ٢ مارشدير
والفتيس g280-16 ١٦ غيار و ٤ مارشدير
وفيه فتايس ١٢ غيار وهى:
الفتيس g211-12 ١٢ غيار و ٤ مارشدير
والفتيس g330-12 ١٢ غيار و ٤ مارشدير
كل الفتايس اللى فاتت بتختلف بس فى نسب التخفيض على النقلات المختلفة

[ali_elwakeel]

طبعا شرح وافى جدا يا باشمهندس و كل اللى سيادتكم قلتة معلمومات ممتازة لكن مش دة مغزى السؤال

المواتير ال om501 la كلها مواتير 6 سلندر من اول 310 حصان لحد 460 و الموديل om502 la من اول 480 حصان لحد 570 حصان

معنى سؤالى اية الفرق الجوهرى بين الموتور ال om501la اللى راكب على عربية اكتروس mp1 موديل 2001 مثلا و بين نفس الموتور اللى راكب على عربية mp2 موديل 2006 مثلا


انا بتكلم عن فروق فى المواتير الفروق الفنية التى لا علاقة لها بالقدرة الحصانية فرق التكنولوجيا يعنى اية اللى استجد على المواتير دى

الفرق الفنى و التكنولوجى مابين متورين من نفس الفصيلة و الفئة و القدرة الحصانية لكن اختلاف سنة التصنيع اية اللى اتطور او زاد على المكنة

اتمنى اكون وضحت استفسارى اكتر

اية الاضافة الى حتيطها شركة دايملر على الموتور OM501 LA من بعد سنة 2003 اللى هو بداية ال ACTROS MP2 سنة 2004

[م/أحمد عبد الفتاح]

أعتقد إن فيه حاجتين زادو على الموتور وهما:
- نظام التدوير فى الجو البارد عن طريق سخان وفونية جاز متركبين على مانيفولد الهوا
- نظام فرملة الموتور بالعادم عن طريق بلف بيمنع العادم انه يروح للتربو ومجموعة بلوف تانيين متركبين على الروس بيفتحوا فى المشوار التالت لكل سلندر علشان يقللوا قدرة الموتور ( بلف على كل راس فى الناحية التانية من بلوف العادم ومتوصلين ببعض بماسورة).

[ali_elwakeel]

الف شكر للمهندس / احمد عبد الفتاح

على موافاتى بالرد المطلوب

[Mecha]

أعتقد إن فيه حاجتين زادو على الموتور وهما:
- نظام التدوير فى الجو البارد عن طريق سخان وفونية جاز متركبين على مانيفولد الهوا
- نظام فرملة الموتور بالعادم عن طريق بلف بيمنع العادم انه يروح للتربو ومجموعة بلوف تانيين متركبين على الروس بيفتحوا فى المشوار التالت لكل سلندر علشان يقللوا قدرة الموتور ( بلف على كل راس فى الناحية التانية من بلوف العادم ومتوصلين ببعض بماسورة).

exhaust brake فيها عجيبة ,دامجين نظامين في بعض ودا يخلق مشاكل في الصيانة ,يا بتفتح صبابات عادم في power stroke يا تركب بستم بفراشه في ماسوره العادم.ايه الشوط التالت في البروشر بتاعهم متيجي صراحة شوط القدره

[Mecha]

[ali_elwakeel]

على حد علمى ان الموديل بتاع الام بى وان نزل منة فئة ديجتال و فئة عادة ( الديجتال طبعا ام كمبيوتر اعطال ) و دة من 2001 الى 2003 و قبل كدة اللى من اول 1997 لغاية 2000 لكن حتى بالنسبة للموديلات اللى من 2001 الى 2003 اية اللى زاد على المكنة

بلغة السوق بيقولو ان المانيفولد او ( عمة البيئة ) لسرعة الدوارة و احتراق كامل للوقود
طبعا بخلاف موضوع فرملة العادم

لكن القصة دى تعمل فرق فى سعر المكنة اكتر من 25 الف جنية

ثانيا انا حابب استوضح حاجة


اية الفرق فى استهلاك الوقود بين المكنه العادة 44 مثلا و المكنة ال46 الكهربا

يعنى بنسبة كام فى المية فرق الاستهلاك حتى لو المكنتين 460 حصان مع الفق ان دى حقن كهربا و دى حقن عادى بطرمبة عادة

لانى شايف ان الفرق اللى بيندفع فى صيانة المواتير الاكتروس الحديثة بسبب مشاكل الحساسات و الكهربا بتاعتها اكتر من فرق الاستهلاك بتاع الوقود للمكنة العادة

[Mecha]

على حد علمى ان الموديل بتاع الام بى وان نزل منة فئة ديجتال و فئة عادة ( الديجتال طبعا ام كمبيوتر اعطال ) و دة من 2001 الى 2003 و قبل كدة اللى من اول 1997 لغاية 2000 لكن حتى بالنسبة للموديلات اللى من 2001 الى 2003 اية اللى زاد على المكنة

بلغة السوق بيقولو ان المانيفولد او ( عمة البيئة ) لسرعة الدوارة و احتراق كامل للوقود
طبعا بخلاف موضوع فرملة العادم

لكن القصة دى تعمل فرق فى سعر المكنة اكتر من 25 الف جنية

ثانيا انا حابب استوضح حاجة


اية الفرق فى استهلاك الوقود بين المكنه العادة 44 مثلا و المكنة ال46 الكهربا

يعنى بنسبة كام فى المية فرق الاستهلاك حتى لو المكنتين 460 حصان مع الفق ان دى حقن كهربا و دى حقن عادى بطرمبة عادة

لانى شايف ان الفرق اللى بيندفع فى صيانة المواتير الاكتروس الحديثة بسبب مشاكل الحساسات و الكهربا بتاعتها اكتر من فرق الاستهلاك بتاع الوقود للمكنة العادة

الترك دي للمدن زي الاتوبيس لو اشتغلت انشاءات و عتق طويل هتفتح مشاكل وطبعا الوكيل اللي بيتعلم فيها

[ali_elwakeel]

بالعكس االعربية شغالة على كل الاوجة

يعنى فى منها خلاطات و قلابات شغالة فى مواقع فى الصحرا

بالتاكيد ل عربية ليها مشاكل

لكن لما تلافى مثلا راس تريلا مرسيدس عادة موديل 95 مثلا بمحرك 35 عادة و فتيس 160 او صاروخ او 155 نظام جر 4*2 بسعر سوق من 280 الى 300 الف
و عربية راس تريلا برضة موديل 2008 بمحرك 460 كهربا و فتيس 210 كهربا نظام جر 4*2 و بسعر 350 الف

فرق السعر مابين 13 سنة مش كبير

غير ان دايما تلاقى الناس اللى فاهمة العجل دة و شغالة بية شغل شقى بتدور على العادة القديم حتى لو بترص قطمة على شاسية

بعيدا عن العزم و القوة اكيد فى افضلية للعادة لقلة مشاكلة

يعنى مثلا انا شفت عربيات مرصوصة 4*6 بمحركات 44 عادة و كابينة عادة سعرها معدى النص مليون و موديل تسعينات

و الاكتروس ال 2009 كانتف فى دود 750 الف فى نفس التوقيت استعمال خارج

يعنى فرق سعر مش ضخم بالمقارنة بالموديل مع العلم ان ال 2009 محرك 480 و فتيس 240

[Mecha]

المرسيدس عامله للناس عمل في مصر والشرق الاوسط ,وادي حضرتك بتقول القديم منها سعره ميفرقش كتير عن الجديد عشان عربية معقربه وعاوزة عدة سبشيال .في الاوروبي المان والفولفو افضل ,الانترناش القطش acco افضل وبموتور كمنز افضل وفتيس eaton عادة وتوماتيك او اليسون توماتيك.
الياباني في فئاتهم التوب هينو و ايسوزو ,خلاطات وقلابات وطبليه واعطالهم مفيش

[ali_elwakeel]

كلام كويس جدا لكن لو حضرتك فى سوق النقل عمرك ما هتقول الكلام دة

اولا المان من بعد f2000 ايدك و الارض و برضو ليها مشاكل كتير و دة سبب انك لما تشترى عربية مان f2000 عليها اكبر مكنة فى الفئة دى 464 حصان كبيرها اوى 230 الف جنية لو عربية مافيهاش غلطة.... سعر القطمة كاملة متنقصش مسمار تقريبا فى حدود 100 الف جنية

ثانيا موديلات المان من بعد 2003 اللى هى tga & tgs عربيات اثبتت فشلها الذريع بسبب مشاكل الكهربا و الكارتات اللى حتى غير متوفرة هنا فى مصر للاسف و فيها عيوب تصنيع كتير جدا لدرجة ان فى احد الشركات بعد ما اشترى منها 20 راس بعدها بشهر كان عارض الراس ب 80 الف جنية

الافيكو قليل جدا و بالتالى قطع غيارة فليلة جدا برضو و اللى معاة ايفيكو بيقعدلها مكنة مرسيدس 35 او 38 او 44 علشان يشترى دماغة

الفولفو عربية ممتازه لكن سوقها مش اوى فى مصر وخصوصا ان وكيلها رؤوف غبور مش قادر يتوسع فى حدمات ما بعد البيع برغم انها عربية سويدى محترمة ... علشان كدة اتجة انة ياخد توكيل صينى sinotruk للنقل الثقيل برضو علشان يسند جنب الفولفو اللى حالة واقف بالاضافة الى ان الفولفو فى اعادة البيع مالوش تمن

بالنسبة لكلام حضرتك ان المحركات الكمنز ممتازة لا انا بقولك انها فوق الممتازة بشوية و بدات تتفوق على كاتربيلر نفسها فى محركاتها لكن خدمات ما بعد البيع فى مصر بالنسبة للكمنز ضايعة للاسف برغم انة توكيل كويس ( لكن فى المولدات )

و بالنسبة لكلام حضرتك على الفتايس مافيش فتيس فى العالم افضل من الفتيس ال zf و دة الافضل طبقا لكل المعاير العالمية

اليابنانى فى الديزل عربيا ممتازة و مشاكلها بسيطة و قطع غيارة متوسطة ان لم تكن اقل من متوسطة لكن دة بالنسبة للنقل الخفيف لان احنا بنتكلم على السوق المصرى مفيش نقل تقيل يابنى و بمعنى ادق يكاد يكون النقل التقيل فى الصناعة اليابنية منعدم كبيرها بتعمل عربيات فردانى حمولة 10 طن

نرجع للمرسيدس المسالة مش مسالة عاملة عمل الفكرة قوة تحمل

احنا معندناش ثقافة التكنولوجيا علشان كدة المكن المرسيدس القديم واخد وضعة خاصة موديلات تسعينات
طرمبات عادة مفيهاش مشاكل فى نظام الحثن قطعه غيار ببلاش بالمقارنة بالاكتروس اكسسوار بملاليم بالمقارنة باكسسوار الاكتروس يعنى باب الاكتروس ممكن الباب بتاع الاكتروس يعدى 10 الاف جنية لكن باب المرسيدس العادة اكرة واقفة بيعمل فى حدود الف جنية
فتايس على مشاغل بعيد عن الحساسات و الكمبيوتر و الكنترولات

مكن بتاع شقى و حاجتة كلها متوفرة مش محتاجة عبقرى يمد ايدة فيها و لا محتاجة جهاز علشان تعرف فين المشكلة

و اسف لو كان الرد فية بعض الانتقاد لكلامك لكن انا فى السوق و موضوع التشغيل هو اللى بيبين اية اللى سالك فى السوق لاننا لو هنتكلم عن افضلية على مستوى التصنيف العادل للشاحنات عموما بعيدا عن شغل السوق يبقى الكينورث و الماك الامريكانى هما رقم واحد

[Mecha]

والله السوق اللي بتحكي عنه حضرتك شغال غلط وسوق مستعمل زي نمط حياة مصر ,اديني هنا في استراليا وبنصين نقل وسوق صح وحجم نقل مهول السوق المصري مقارنة بيه قد النمله . المرسيدس اكتروس مفيش غير شركة TOLL جايباها ومشغلاها freight ببتسند الفولفو وكلو مقلق من المرسيدس او يشغلوها اتوبيس .الفولفو موجود كل التطبيقات والعربيه بتعدي المليون كم ووممكن تنقي المتور فولفو او كمنز حتي 500 hp والفتيس فولفو او ايتون والاكسوسه ميريتور.ومين قال الياباني ميعديش حمولة 10 طن عفوا كلام عتيق جدا اومال الايسوزو FVZ و FVY 1400 راحوا فين يدولك GVM 26 T و GCM 36 T يعني يشتغلوا قلابات وخلاطات خرسانة مرتاح. والتوب اهو HINO 700 SERIES
450, 480 حصان قلاب ,قطر ,تنكات شغال ومنها 4X2 ,6X4 ,8X4 وفتايس مانيوال واتوماتيك دا غير المتسوبيشي.وادي IVECO STRALIS تدي GCM لحد 90 T ., وال POWER STAR GCM 140T دا غير ACCO للشغل المتوسط مشغلنها هنا قلابات وعربيات لم الزباله شغالة زي النحلة بمكن كمنز.وكمان بيبان ايه واكر حضرتك ايه اللي بيبوظهم هو مين بيسوق الحاجات دي!!! .وايه ال sinotruck زي ال brahma تقليد الايسوزو وثبت فشلها الذريع في المدقات .للاسف السوق المصري دا لسه عايش 40 سنة فاتوا ومعتمد علي الاوهام ووكلاء كسالي. الماك والكناور للشغل التقيل جدا عاوز 700 hp وتقطر 4 تريلات بيستعملوه هنا

تحياتي

[Mecha]

http://www.isuzu.com.au/Isuzu_Files/...00_ARK0781.pdf

[Mecha]

Hino 700 specifications