افيدونى بالله عليكم تويوتا هايس

[moody1q]

ياريت حد يقولى منين اشترى عربيه هايس بالتقسيط ومعايا 50 الف ومش موظف وحاليا ف السعوديه ويارت تفيدونى بكل المعلومات وانا من اشد معجبى المنتدى الجميل واعضاءه الخبراء

[moody1q]

شكرا ياجماعه على رودودكم كنت فاكر انكم هاتفيدونى بجد

[Ahmed Hassan]

اصبر... اكيد لو يعرف الاجابه هيرد عليك.

[Abdo_Eldesokey]

إيه العربية هايس دي ؟؟

[Demirell]

تقصد الـ hi-ace الميكروباص؟؟ :)

[ahmed elmelegy]

هو يقصد الميكرباص

[Michael_Lanos]

البنوك بتعمل مختلف انواع التقسيط انوى انت بس وروح اى اجانص عربيات وهما يظبتوك

[raafat1973]

مفيش بنوك بتدى قروض للسيارت الميكروباص او النقل
اما المعارض فاقل مقدم 75000 بس هى سياره ممتازه

[bHa2]

مينفعش 50 الف دي خالص
اساسا العربيه كاش الفول اوبشن ب 215
وقسط بتدخل ف 320 الف جنيه
فلما تدفع 50 الف هيتبقي عليك270 الف جنيه
لو عشت عمرك كله تدفع ف القسط مش هيخلص
انا معايا 50 الف برده
بس معايا تويوتا موديل 98 هبيعها ب 90 الف
واحاول اتصرف ف الباقي واجيبها كاش
بس هي سياره خرافه
ولو احتجت اي استفسار انا ف الخدمه
هي حوال 4 اشكال
انا اعرف سعر الفول اوبشن بس
بس الباقي موش عارف
مواصفات الاوبشن

سقف عالي
كراسي طياره (فرداني يعني)
زجاج كهرباء
تكييييييييييييييييييييييييييييييييييييييييف جامد كيك
الهاف اوبشنحوالى 200 الف جنيه كااش
سقف عالي كراسي عاديه (كنب يعني)
تكيف برضه
زجاج عادي
الوسطحوالي 180 تقريبا
سقف متوسط الارتفاع
كنب
زجاج عادي
تكييف
الصغيرهاعتفد 165-170 الف كاش
سقف منخفض زي الموديلات القديمه
كنب
اعتقد فيها تكييف
وزجاج عادي
-------------------------
دي طبعا المواصفات الخارجيه

[waelshabaan]

والله ياجماعة انا بفكر فى مشروع المكروباص ده ايه رايكم يا ترى حد عندو خبرة يفيدنى

[rockana9112007]

بص حضرتك انا من حوالى شهر او شهر ونصف سألت فى توكيل تويوتا بالتليفون
الراجل قاالى ان الصغيرة ب173 الف
والوسط ب189 الف
والكبيرة اللى هيا الطيارة اللى فى الصورة حضرتك ب214 الف جندى

وبرضة مسكت التليفون وسألت عن موضوع التقسيط مع كذا بنك هيا الفايدة بتختلف من بنك للتانى بس مش فى كتير فى اللى يقولك 8.5 واللى يقولك 9.5 وكدة فانا حطيت فى اعتبارى ان الفايدة متوسطهااا 10% وحسبت حالى وظروفى على كدة
وبالنسبة للضمانات فاختلفت من بنك للاخر بس بشكل عام يااما وديعة تغطى القرض يامفردات مرتب مش اقل من 2000 جنية وكدة وصل نور وصورة بطاقة ولو عندك املاك والشغل دة
بنك واحد اللى قالولى ان لو دفعت 50% فأكثر من تمن العربية مفيش ضمانات هو التجارى الدولى بس مش عارف اذا كان هيعلو الفايدة ولا لأ
بس بصراحة وانا بسأل مذكرتش نوع العربية انا ذكرت السعر بس لان فى اعتقادى مش هتفرق فى حاجة نوع العربية ليهم المهم الصفقة ودة قرض زى اى قرض اكيد مش هيشرطو ان العربية تبقى ملاكى والا هيبقو اغبيااااء دة فى اعتقادى

بس بصراحة انا وقفت لانى عاوز برضة فرصة كويسة اشغلهاا فيهااا
وياريت الاخ صاحب العربية ال98 التويوتا يفيدنا ويقولنا مجال او سكة او طريقة نقدر نشغل بيهااا العربية دية

وشكرااا جزيلااا

[rockana9112007]

ومعلش معلومة يمكن تفيد حد محتاجهااا

انا سألت على النيسان الميكروباص
لقيت العادية ب145 الف
والمكيفة ب155 الف جنية
بس طبعااااا مش زى التويوتاااا ومفيش الا اللون الابيض

وشكراااااا

[bHa2]

بس بصراحة انا وقفت لانى عاوز برضة فرصة كويسة اشغلهاا فيهااا
وياريت الاخ صاحب العربية ال98 التويوتا يفيدنا ويقولنا مجال او سكة او طريقة نقدر نشغل بيهااا العربية دية

وشكرااا جزيلااا

بص يا استاذ
انا ناوي ان شاء الله اجيبها واشغلها دوره موظفين في شركه
بص الوضوع ده انت وحظك
ممكن تجيلك دوره ب 12 الف جنيه شهريا
دي هتغطي قسطها وقسط عربيه تانيه معاها
وممكن تجيلك ب 4000 بس شهريا
وممكن اعلي بس اهم شئ ان انت اللي تركبها
ومتديهاش لسواق
عشان هيبهدل العربيه ويسرقك
والعربيه دي بتجيب 160 كم/س وهى مستريحه
فعايزه واحد فاهم هو اللي يركبها
ولو فيه اي استفسار تاني انا موجود

[rockana9112007]

شكرااااااااا جزيلااااااااا لرد حضرتك وجازاك الله خيراااا
واكيد هسأل حضرتك شوية حاجات لو معندكش مانع طبعااا
بس اجهز الاسئلة فى دماغى وارتبهاااا
بس المهم ان حضرتك راجل محترم

[bHa2]

شكرا يا كبير
ده بس من زوقك
لو احتجت اي حاجه اسأل انت بس و ميهمكش
اسعار قطع الغيار اسألني علي الحاجه اللي انت عاوزها فيها
بس خلى بالك من حاجه كده
العربيه دي بتبقى تيربو وده عاوز سواق فاااااااااااهم وخايف علي السياره
عشان يطول شويه في العربيه و ميبوظش
ولو احتجت اي حاجه انا موجود
كل سنه وانت طيب
وادعيلي اني انجح واعدي السنه دي علي خير