إعـــــــلان

Collapse

.

,
See more
See less

سؤال مهم للفيتارا

Collapse
X
 
  • Filter
  • الوقت
  • Show
Clear All
new posts

  • سؤال مهم للفيتارا

    مساء الخير يا شباب
    عندي سؤال محيرني شويتين

    ليه الفيتارا ال v6 موديل 98 او 97 عاملة حوالي 130-150 الف كيلو و فابريكة داخل و خارج سعرها فى حدود 60-63 الف
    بينما الفيتارا 2003 او 2004 ال 5 باب و عاملة تقريبا نفس الكيلو مترات و الحالة بتعملها فى حدود 70 -73 الف؟
    هو الفرق فى الموديل مش جامد يعنى عشان يبقى السعر قريب كده
    و لا الناس اللى معاها الأقدم أحسن من الجديد و لا أيه؟؟ و لا التجميع المحلي و التصنيع الياباني و لا ايه

    برجاء اللإفادة بالتفصيل و هل ال 97 او 98 ياباني بالكامل ولا تجميع محلي و هلى 2002- 2004 تجميع ولا ياباني؟

    و شكرا جزيلا

    عمرو
    [SIZE=5]م/ عمرو عزت
    [/SIZE][sor2]http://s2.postimage.org/xhgcwczda/signa_s_comp.jpg[/sor2]

    [SIZE=5] القاهرة
    [/SIZE]

  • #2
    موديل 98 أحلى ده بشهاده واحد زميلى معاه العربيه دى بس بجد عربيه من العربيات المحترمه وكفايه ان فى عربيه 4×4 و2000سى سى و6سلندر كمان بس هى عربيه ممتازه وصوت متورها جامد

    Comment


    • #3
      المشاركة الأصلية كتبت بواسطة mahmoud19 مشاهدة المشاركة
      صوت متورها جامد

      يعني اية صوت موتورها جامد ؟؟؟

      Comment


      • #4
        المشاركة الأصلية كتبت بواسطة adham مشاهدة المشاركة
        يعني اية صوت موتورها جامد ؟؟؟
        والله انا شايف ان حضرتك راكب فرونتيرا يعنى اكيد عارف معنى صوت دوسه البنزين للعربيات الاتوماتيك الى بيكون موتورها عالى انا مش بقول ان الفيتارا موتورها عالى بس يعتبر داخل فى شريحه المواتير العاليه
        وكنت بتكلم عن صوت الموتور لأن انا من الاشخاص الى بعشق صوت المواتير الاتوماتيك

        Comment


        • #5
          المشاركة الأصلية كتبت بواسطة mahmoud19 مشاهدة المشاركة
          والله انا شايف ان حضرتك راكب فرونتيرا يعنى اكيد عارف معنى صوت دوسه البنزين للعربيات الاتوماتيك الى بيكون موتورها عالى انا مش بقول ان الفيتارا موتورها عالى بس يعتبر داخل فى شريحه المواتير العاليه
          وكنت بتكلم عن صوت الموتور لأن انا من الاشخاص الى بعشق صوت المواتير الاتوماتيك
          والله مش فاهم قصدك

          هل قصدك ان صوت الموتور قوي او معبر عن قوة الموتور زي ما بتعدي بي ام او عربية امريكاني او شيروكيي 6 سلندر او جراند مثلا و صوت شكمانها يبقى رخيم و قوي ؟

          لو قصدك كدة يبقى تمام بس انا ملاحظتش قوة صوت الموتور بتاع الفيتارا خالص, انا فعلاً ممكن اميز صوت الشيروكي و الجراند و الفرونتيرا و البي ام من غير ماشوفهم اقولك نوع كل واحده فيهم من صوت شكمانها

          و الصوت دة بيبقى علاقتة بالسي سي العالي (سعه) الموتور و اذا كان 6 او 8 لكن مالوش علاقة بكونها "فتيس" اوتوماتيك او مانيوال , الفتيس بس يخليك تحس او صوت الموتور ممطوط شوية بسبب طول مشوار النقلة, فا ماتحسش ان الموتور ار بي امة علي مرة واحدة و نقل اللي بعدها زي المانيوال

          Comment


          • #6
            هل المقارنة بين فيتارا 6 سلندر 1997-1998 و فيتارا 6 سلندر برضو 2003-2004؟ ولا القديمة 6 و الجديدة 4 1600؟؟

            عشان لو كدا... يبقا السؤال جاوب نفسه...

            عموما... أنا هقول اللي شفته بنفسي شخصيا... مش اللي اتحكالي....

            الفيتارا ال6 سلندر... و على الرغم من أنها 2000 سي سي بس.... الا انها فعلا فعلا... تحفة.......

            العربية ديه ممتازة في عبور الغرود الرملية شديدة النعومة و الصعوبة...

            أقولكو على حاجة بأة...

            عارفين ايه الأفظع منها... و اللي مفيش dune ممكن متعديهوش؟؟؟

            الجيمني... أيوا... الجيمني...!! اللي 1300 سي سي اوتوماتيك ديه... :-)

            العربية ديه عاملة زي الصرصار الصغير... بتتنطط عالغرود بمنتهى السلاسة....

            نقدر نقول عليها... mini land cruiser
            اعذروني عشان مش بقدر افتح المنتدى كتير
            ده الايميل و هيجيلي مباشرة على التليفون لأي استفسار
            [email]mina.nilemotors@gmail.com[/email]
            و السكايب
            mina.nilemotors

            Comment


            • #7
              المشاركة الأصلية كتبت بواسطة m!na مشاهدة المشاركة

              الفيتارا ال6 سلندر... و على الرغم من أنها 2000 سي سي بس.... الا انها فعلا فعلا... تحفة.......

              العربية ديه ممتازة في عبور الغرود الرملية شديدة النعومة و الصعوبة...

              أقولكو على حاجة بأة...

              عارفين ايه الأفظع منها... و اللي مفيش dune ممكن متعديهوش؟؟؟

              الجيمني... أيوا... الجيمني...!! اللي 1300 سي سي اوتوماتيك ديه... :-)

              العربية ديه عاملة زي الصرصار الصغير... بتتنطط عالغرود بمنتهى السلاسة....

              نقدر نقول عليها... Mini land cruiser
              صح ياباشا علشان العربيات دي خفيفة قوي

              يعني مافيش وزن تقيل يخليها تقيلة و تغرز

              بس ماتزودش فيها عن نفرين

              لو اربعه بعدتهم العربيات دي حاتختلف كتيييير

              بص كمان انا فية فاكتور مهتم بية من زمان و هو قسمة وزن العربية على قوتها الحصانية

              يعني وزنها 1200 كيلو و موتورها 100 حصان اذن الفاكتور = 12

              غيرها وزنها 2 طن مثلا و موتورها 180 حصان ... الفاكتور = 9

              و اكتشفت ان الفاكتور دة يطلع في الاخر هو تقريبا معدل التسارع0 - 100 كم/ساعه
              \


              تهييس

              انت اية اخبارك شكلك رجعت من شبرا متأخر امبارح !!!

              شفت الفيديو بتاع لروديو اللي قلتلك علية؟

              Comment


              • #8
                المشاركة الأصلية كتبت بواسطة adham مشاهدة المشاركة
                والله مش فاهم قصدك

                هل قصدك ان صوت الموتور قوي او معبر عن قوة الموتور زي ما بتعدي بي ام او عربية امريكاني او شيروكيي 6 سلندر او جراند مثلا و صوت شكمانها يبقى رخيم و قوي ؟

                لو قصدك كدة يبقى تمام بس انا ملاحظتش قوة صوت الموتور بتاع الفيتارا خالص, انا فعلاً ممكن اميز صوت الشيروكي و الجراند و الفرونتيرا و البي ام من غير ماشوفهم اقولك نوع كل واحده فيهم من صوت شكمانها

                و الصوت دة بيبقى علاقتة بالسي سي العالي (سعه) الموتور و اذا كان 6 او 8 لكن مالوش علاقة بكونها "فتيس" اوتوماتيك او مانيوال , الفتيس بس يخليك تحس او صوت الموتور ممطوط شوية بسبب طول مشوار النقلة, فا ماتحسش ان الموتور ار بي امة علي مرة واحدة و نقل اللي بعدها زي المانيوال
                تمام هو ده الى أقصده
                على فكره انا بردو قبل ما اركب العربيه دى كان عندى نفس شعورك والى سمعته عنها انها 2000 سى سى بس فقولت ان الصوت مش هيبقى زى الشيروكى ال6سلندر مع العلم ان الفيتارا 6 سلندر بردو والشيروكى ال4 سلندر موتورها 2400 سى سى وال6 منها 4200 سى سى فكل الحاجات دى كنت حاسس ان الشخص الى معاه الفيتارا ده بيعيش عليا ويقول انها 6 سلند بس بالفعل طلعت 6.
                ووالله صوتها والله عاجبنى أوى وعلى فكره قوى بس طبعا طبعا مش زى الشيروكى ال6 سلندر لأن مينفعش يتقارن بيها عربيه فى ((قوتها)) لأنى سوقتها قبل كده وحاسيت انى راكب امريكانى صحيح
                بس فى نفس الوقت الفيتارا تتميز عن الشيروكى بعفشتها الناعمه جدا ده طبعا لأن الشيروكى لما تيجى تركبها تحس انك راكب عربيه من غير مساعدين ولا سوست ولا الكلام ده خالص :)

                وعن الفتيس الاتوماتيك انا عن نفسى لو اى عربيه سواء 1600 سى سى او 5700 سى سى عدت من جنبى هعرف انها اذا كانت مانيوال او اتوماتيك لأن صوت الاتوماتيك بيبقى مكتوم شويه وصوت الغيارات وهى بتتغير ليها صوت مميز جدا وانا عن نفسى بعشقه

                واســـــــــــــف جدا على كل الرغى ده :)

                Comment


                • #9
                  المشاركة الأصلية كتبت بواسطة mahmoud19 مشاهدة المشاركة
                  الشيروكى ال4 سلندر موتورها 2400 سى سى وال6 منها 4200 سى سى .
                  [b][font=comic sans ms][size=4][color=#0000ff]......................

                  ال 4 بتبقى 2500 و ال 6 سلندر القديم 4100 و الجديد 3700

                  بس فى نفس الوقت الفيتارا تتميز عن الشيروكى بعفشتها الناعمه جدا ده طبعا لأن الشيروكى لما تيجى تركبها تحس انك راكب عربيه من غير مساعدين ولا سوست ولا الكلام ده خالص :)

                  +111111 اي عربية ياباني عفشتها ناعمه و مريحه ولو كانت 4*4 انما الشيروكيي عربية جبلي عفشتها ناشفة قويييييييييي


                  وعن الفتيس الاتوماتيك انا عن نفسى لو اى عربيه سواء 1600 سى سى او 5700 سى سى عدت من جنبى هعرف انها اذا كانت مانيوال او اتوماتيك لأن صوت الاتوماتيك بيبقى مكتوم شويه وصوت الغيارات وهى بتتغير ليها صوت مميز جدا
                  + 1

                  Comment


                  • #10
                    المشاركة الأصلية كتبت بواسطة adham مشاهدة المشاركة
                    صح ياباشا علشان العربيات دي خفيفة قوي

                    يعني مافيش وزن تقيل يخليها تقيلة و تغرز

                    بس ماتزودش فيها عن نفرين

                    لو اربعه بعدتهم العربيات دي حاتختلف كتيييير

                    بص كمان انا فية فاكتور مهتم بية من زمان و هو قسمة وزن العربية على قوتها الحصانية

                    يعني وزنها 1200 كيلو و موتورها 100 حصان اذن الفاكتور = 12

                    غيرها وزنها 2 طن مثلا و موتورها 180 حصان ... الفاكتور = 9

                    و اكتشفت ان الفاكتور دة يطلع في الاخر هو تقريبا معدل التسارع0 - 100 كم/ساعه
                    \


                    تهييس

                    انت اية اخبارك شكلك رجعت من شبرا متأخر امبارح !!!

                    شفت الفيديو بتاع لروديو اللي قلتلك علية؟
                    أدهم باشا... ازيك... أنا فعلا رجعت متأخر امبارح... حظي وحش بـأة... بس تتعوض ان شاء الله...
                    هبقا أجيلك القهوة اللي قلتلي عليها قريب... :-)
                    اعذروني عشان مش بقدر افتح المنتدى كتير
                    ده الايميل و هيجيلي مباشرة على التليفون لأي استفسار
                    [email]mina.nilemotors@gmail.com[/email]
                    و السكايب
                    mina.nilemotors

                    Comment


                    • #11
                      هى فى منها 4100 و4200 لأن خالى معاه واحده موتورها 4200 ممكن تكون 4200 فى موديلات معينه لأن انا بردو كنت فاكرها فى الاول 4100سى سى

                      Comment

                      Working...
                      X