ايهم افضل ؟ ولماذا علل

[mummy_47]

ايهم افضل :
شيروكي 2009 في رينج ال 250 الف .
جراند شيروكي مو 2007 وما بعدها .
باجيرو مو 2002-2005 .
لاند كروزر مو 1992
نيسان باترول (مش عارف تبقى بكام)

تعالو نفكر شوية وطبعا محتاجين نقيم كل عربية من حيث(الاداء-قطع الغيار وسعرها- اعادة البيع-الفخامة والبريستيج وده الاهم-تكاليف الصيانة الدورية)

انا طبعا معرفش الا القليل عن السيارات المذكورة لكن كتقييم ظاهري فقط..وعن نفسي هخش على الشيروكي لانها منتشرة جدا رغم سعرها الغالي ...لكن السؤال هل هي تستحق هذا السعر ..وهل هي سيارة معمرة ممكن تقعد 5 سنين ولا قليلة الاصل ممكن تعطل كل شوية...

طبعا الباجيرو لا غبار عليها لكن موديلها هيكون قديم ...لكن معتقدش ان ده يعيبها لكن الشيروكي احساس بالقوة.
الجراند شيروكي اعتقد انها مش منتشرة كثير واعطالها قاتلة ..
اللاند كروزر طبعا مفيش كلام لكن هيكون موديل قديم ومفيش بريستيج واوبشنات عالية كما في الشيروكي.
الباترول ملكة الصحراء بلا منازع لكن مش متوفرة في مصر بصورة كبيرة ...

طبعا في مصر المفروض يكون عندك عربيتين لو متاح طبعا ..واحدة suv للرحلات وخلافه والاخرى سيدان عشان تقدر تستمتع بمشاويرك

وفي انتظار اراء الخبراء عشان تعم الفائدة للجميع

[vmallek]

land cruiser is the best

[ahmed_eng2001]

انا مش خبير فى سيارات الدفع الرباعى و لسه مبتدأ بس ممكن اقول لحضرتك رايى المتواضع .....

1- الشيروكى الشكل القديم عربية شكلها حلو و منتشرة و فيه ناس كتير بتشتغل فيها و موتورها قوى ( 6 سلندر 4000 سى سى ) بس قطع غيارها الاصلية اسعارها غالية بالمقارنة بالسيارات السيدان و مش غالية بالمقارنة بباقى سيارات الدفع الرباعى عيبها الكبير صغر حجم الصالون الداخلى جدا

2- النيسان باترول عربية جامدة جدا بس مش منتشرة و سمعت من بعض الاصدقاء ان ملهاش قطع غيار
3- الشيروكى الحديث و الجراند شيروكى ... معرفش عنهم حاجة
4- الاند كروزر ... عربية الزمن اثبت نجاحها على مختلف انواعها و موديلاتها .. موديلات التسعينات مفيهاش رفاهية كتيرة عشان المفروض دى عربيات صحراء .. موديلات اول التسعينات تقريبا دى موديلات ليلى علوى ( بيسموها كدة ) و دى ممكن تعملها من 150 الف الى 170 الف جنيه ... انا شايف ان شكلها شيك و برستيج و عربية حمالة اسية ... ممكن مينا باشا يكلم حضرتك اكتر عن الاند كروزر

5- الباجيرو ... معرفش عنها حاجة برضوا

انا اعتقد ان الاند كروزر تكسب على طول الخط .... و لو ان سعرها غالى حبتين

[MBhead]

انا شايف ان افضل واحدة من المكتوبين اللاند كروزر عربية تمام في الصحرا
و طبعا ملوك الدفع الرباعي من كلام ناس ثقة في العربيات دي
الاند روفر (الرنيج روفر و الديفنر القديمة)
المرسيدس ال G-wagon ( عن تجربة شخصيا)

[mummy_47]

طبعا اللاند كروزر تكسب لكن يعيبها سعرها العالي ...لذلك انا افضل الباجيرو عشان سعرها المعقول...
يعني ب 250 الف ممكن تجيب باجيرو 2002-2003 لكن اللاند كروزر مو 2003 تعمل 400-440 الف ج

[M!NA]

أولا... الشيروكي و الجراند و الباجيرو.... نشيلهم من حساباتنا... لو بنتكلم على وفر في قطع الغيار...
الشيروكي و الجراند بيطلبوا قطع غيار كتيييييييير جدا.... (حساسات... مقصات ... مساعدين...الخ)

الباجيرو... قطع غيارها غالية جدا...

الباترول... مالهاش قطع غيار أصلا.. الا فيما ندر....

اللاند كروزر.... و بحكم أنها عربية صحرا.... و تعتبر عربية (أكل عيش).... يعني زيها زي الميكروباص التويوتا.... فدة مسبب أن قطع غيارها منتشرة و رخيصة نسبيا....

كمان قوة تحملها غير طبيعية....

فعلا.... التويوتا هي نمرة 1 في كل اللي ذكر....

الكلام من تجربة عملية.... و أي استفسار... أنا تحت أمركو...

[ahmed_eng2001]

مينا باشا ...
انت فينك من زمان مش باين ... اخبار الاند كروزر بتاعتك ايه ؟؟؟ و ايه رأيك فى موديلات اوائل التسعينات و موديلات اواخر التسعينات ( ال 70 و ال 80 و ال 100 سيرز ) و اخبار قطع غيارهم ايه ؟؟

[Exporter]

تويوتا لاند كروزر و بس