إعـــــــلان

**samehafez** · 22-08-2012, 03:02 PM

اشتري اللي انت عاوزه يا حبيبي و لو عاوز فلوس قول احنا واحد

**samehafez** · 22-08-2012, 03:03 PM

تسلم يا غالي ده العشم برضه ( اهبل رسمي اهو )

**Hussein_Ramdan** · 22-08-2012, 04:23 PM

ههههههههههههههههههههههههههههههه
والله انتا برنس بردو بتسلى نفسك بدل مانتا قاعد لوحدك

**samehafez** · 22-08-2012, 04:52 PM

تسلم يا باشا انك بتانسني في وحدتي
انا قولت ارد عليا بدل ما اسيبني كده و عموما و الكلام ده لي الليبرتي احسن

**essam10** · 22-08-2012, 06:26 PM

يابرنس اخوك واقع فى نفس المشكلة بقالى 3شهور بفكر فى نفس المواصفات:
نوعية 4x4 ( صالون واسع + ارتفاع عن الارض)
فتيس اوتوماتيك
ميزانية فى حدود : 140 - 150 الف جنيه
انا منتظر موديلات 2013 كمان شهرين جايز رينو داستر تنزل بفتيس اوتوماتيك
على فكرة الاكستريل حلوة برضه بس مش عارف تسجيلها ورخصتها يتكلفوا كام

**samehafez** · 22-08-2012, 06:45 PM

يا فندم هو ده اللي انا عاوزة نفكر بسوط عالي مع بعض

انا فكرت في العربيتين دول خصوصا موديل ٢٠٠٧ ليبرتي و ٢٠٠٩ اكس تريل السعر هيبقي قريب

الترخيص حوالي ٤٠٠٠ اكستريل و حوالي ٥٠٠٠ ليبرتي
طبعا حداثة الموديل في صالح الاكس تريل
استهلاك البنزين في الليبرتي اعلي من الاكس تريل
الليبرتي طبعا كقوة محرك و حش بالنسبة للاكس تريل
الاتنين زي بعض في العفشة 4x4
و ده طبعا متوقع
عزل الصوت في الليبرتي احسن
تكييف الاكس تريل احسن
كتوفر قطع غيار و اكسسوار و اماكن صيانه طبعا الليبرتي تكسب
سعر اعادة البيع في صالح الليبرتي

المشاركة الأصلية كتبت بواسطة essam10 مشاهدة المشاركة

يابرنس اخوك واقع فى نفس المشكلة بقالى 3شهور بفكر فى نفس المواصفات:
نوعية 4x4 ( صالون واسع + ارتفاع عن الارض)
فتيس اوتوماتيك
ميزانية فى حدود : 140 - 150 الف جنيه
انا منتظر موديلات 2013 كمان شهرين جايز رينو داستر تنزل بفتيس اوتوماتيك
على فكرة الاكستريل حلوة برضه بس مش عارف تسجيلها ورخصتها يتكلفوا كام

لاحظ يا باشا ان الداستر 1600 سي سي يعني لو دخلي حتة غرز و طعوس مع السلامة
هي عموما كعربية كروس اوفر ممتازة

**essam10** · 24-08-2012, 05:13 PM

والله يابرنس الواحد تعب من الموضوع ده
خللى بالك من سعر اعادة البيع بالنسبة للليبرتى والاكس تريل اعتقد الليبرتى افضل بس اناميال للاكس تريل يمكن عشان معايا نيسان صنى فمقتنع بموتورات نيسان وتكييفها وعفشتها
مش عارف تعبت من التفكيرز
ياريت حد يفكر معانا من الزملاء فى هذا القسم

**MohammedAladel** · 24-08-2012, 11:59 PM

لو الداستر فى نطاق المقارنة يبقى خلوا التيريوس معاكوا عشان توسعوا دايرة الاختيار

**2alb** · 27-08-2012, 03:48 AM

متابع بشدة الموضوع دة

**samehafez** · 31-08-2012, 07:58 PM

المشاركة الأصلية كتبت بواسطة MohammedAladel مشاهدة المشاركة

لو الداستر فى نطاق المقارنة يبقى خلوا التيريوس معاكوا عشان توسعوا دايرة الاختيار

باشا انت كدة جبت زتونة الموضوع ...

من غير ضرب او شتيمة

بصراحة انا حولت علي التريوس .... هيهيهيهي .... عارف مفيش مقارنة اصلا بين الاكس تريل و الليبرتي من ناحية و التريوس من ناحية تانية .... بس هغمل ايه بقي

ماهو الشاب اللي يشتري اول عربية من ماله جديد صعب يرجع يركب مستعمل تاني حتي ولو كانت لييبرتي

ريحة العربية الجديدة برضه مغرية
بصراحة الافيو انا اشتريتها جديدة و معايا من خمس سنين مشتكتش منها و الحمد لله نعمة وفضل ان مكانش فيها من عيوب الافيو غير التزييق بتاع المساعدين ...
يعني من الاخر 5 سنين صيانة دورية و بنزين بس ....

طبعا واحد صاحبي هو اللي رجعلي عقلي
مخدتش غلوة في ايدة من غير ما يقعد يتناقش معايا ولا حاجة اخدني من ايدي و دخلنا معرض و قعدني جوا الجراند تريوس و بس

ريحة العربية الجديدة و البلاستيك علي الكراسي .... لا يقاوم تقولش عاملينها بسمنة فلاحي

في ثواني نسيت 2200 فرق في السي سي

الجراند برضه عربية هجمة يعني ....... طبعا زيها زي كل 4X4 مش بتجري الثبات مش قوي بس اصلا انا مجهز نفسي علي كدة ....

برضه يا جدعان فلوس الترخيص بتاعة الليبرتي تشتري عربيةتانية

هصلي استخارة و ربنا يقدم اللي فيه الخير .... بس الحاجة الوحيدة اللي مش مريحاني مفيهاش مثبت سرعة و مش عارف ينفع اركب واحد جوة التوكيل ولا لا ....

**Land_Cruiser** · 31-08-2012, 10:08 PM

ياريت حضرتك تسأل هى الجراند تريوس ايه نظام الامان فيها : يعنى الايرباجز و ال ABS , ESP, EBD علشان التيريوس العاديه مفيهاش حتى ABS و خللى بالك ثبات العربيه مش قد كده و انا شفتها على الطريق فى الملفات مراجيح بصراحه ده غير ان صوت الموتور عالى و قعدتها مش مريحه. حاول حضرتك تدخل فى قسم الدايهاتسو و اسأل عليها و انصحك تبص على الداستر لو مش فارقه معاك حكايه الاتوماتيك او فى حركه تانيه بتتعمل لو تعرف حد فى شركات سياحه لان الشركات دى بتدخل العربيات الدفع الرباعى سياحه لمده خمس سنوات و ممكن بعد كده تتقلب ملاكى يعنى ممكن تلاقى حاجه ٢٠٠٥ مثلا الى ٢٠٠٧ و تشتريها منهم و ترخصها و العربيات اللى باتكلم عليها بتبقى لاند كروزر و رانجلر و ما شابههم و فى كتير من العربيات دى بتبقى ديزل على فكره و الحاجات اللى زى دى و سعرها بيقى معقول لانها مش مدفوع لها جمارك و نصيحه اخيره استنى رد استشارى القسم استاذ M!ina هيفيدك برضه قوى فى الاختيار و ربنا يوفقك لما فيه الخير

**M!NA** · 03-09-2012, 02:38 AM

سؤال صعب خصوصا أنك بتتكلم في رينج محير جدا.... لا منه أنه قليل ولا منه أنه كتير

أنا لو مكانك.... هستغنى عن موضوع ريحة الفابريكة و أجيب حاجة أثبتت نفسها سنين و سنين طويلة..... (لاند كروزر) انشالله أجيبها موديل تمانينات :)

يا راجل دا حتى فيه سبراي بيتباع ريحته هي ريحة الفابريكة......... :)

بص... بصراحة..... لو استخدامك هيكون فيه أي نوع من أنواع الرمل أو الغرز... انسى خالص أن التيريوس تأدي معاك.... هتضطر تقرص أوي أوي.... عشان تجيب النتيجة اللي جايبها واحد راكب شيروكي تسعينات و يادوب مريح رجله عالدواسة.....

و ده طبعا هيقلل معاك عمر الموتور جامد....

لكن لو على أد سفريات و مشاوير و كدا.... مفيش مشاكل.... خصوصا أنها بتحققلك مطلبين مهمين بالنسبة لك... (أنها زيرو و ضريبتها مش عالية)

شوف ايه الأهم بالنسبة لك.... القوة.... ولا الضريبة .... ولا أن العربية تكون جديدة..... ديه حاجات ترجعلك عشان تكون مرتاح في اختيارك.....

**MohammedAladel** · 03-09-2012, 04:53 AM

قبل ما تشترى لازم تقارن كويس بين الداستر وبين التيريوس وتركب الاتنين عشان تبقى مقتنع قوى

Comment

إعـــــــلان

.

السؤال الابدي اشتري ايه ؟؟؟

السؤال الابدي اشتري ايه ؟؟؟

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment