لمحبي سيارات الخدمة الشاقة و الدفع الرباعي ...

[M!NA]

موضوع جميل جداااا احييك يا استاذ مينا عليه..سؤال يطرح نفسه الكورسليه فاضى بتاع جيب رانجلر التسعينات يعمل كام؟
وهل هيركب على نفس الشاسيه بتاع السبعينات بدون اى تعديل ؟؟؟؟

شكرا جزيلا لذوقك.... :)

الكروسليه الفاضي لمعلوماتك يعني من غير أبواب أو كبوت...
و ده ب3000 جنيه
أما الكامل بكل حاجته فبيكون في حدود 10-11

و بيركب على شاسيه السبعينات مفيش مشاكل.... الشاسيه أسهل حاجة تتوفق...

[MOSHAKS]

اشكرك لسرعة ردك يا استاذ مينا
وممكن بعد اذنك تحطلى صورة لاخر شكل فى التسعينات يركب على شاسيه موديل سبعينات

[M!NA]

اشكرك لسرعة ردك يا استاذ مينا
وممكن بعد اذنك تحطلى صورة لاخر شكل فى التسعينات يركب على شاسيه موديل سبعينات

سيبك من الصور اللي بتشوفها في النت.... قوللي ايه اللي في دماغك و أنا هقولك على أقصر طريق ليه....

أصلك لو متصور أنك هتجيب شاسيه سبعينات و تشتري نصين و تركبهم عليه و بكدا توفر.... فأحب أقولك أن على أرض الواقع الكلام ده مش صح....

الكلام ده ينفع بس لو بتعمل كذا عربية.... 20-30 عربية.... مش حتى 10 عربيات.... و بتكون واخدهم كجزء من اللوطات اللي بتنزل من الجيش.... و لو فيه شاسيه منهم معووج بتستعدله الأول....
و لازم يكون عندك عربيات جامبو شغالة عشان كل نقلة من مكان لمكان بفلوس....
يعني لو بتعمل عربية فرداني.... افضل ليك اشتريها جاهزة...

[MOSHAKS]

لا الموضوع مش كده ..فى عربية رانجلر موديل الثمانينات شوفتها مخبوطة فى الجنب بتاع السواق فوق العجلة اللى ورا وركونة بقالها فترة والعيال بتلعب فيها ومبهدلاها ومكسره الزجاج ففكرت فى انى اشوف صاحبها اشتريها منه واعتقد مش هتعمل كتير واغير الكورسليه واركب واحد جديد مكان اللى مخبوط مع شوية ترويش خفيف.علشان كده سئلتك على الكورسليه يعمل كام..
ده اللى كان فى دماغى ايه رايك؟؟

[M!NA]

لا الموضوع مش كده ..فى عربية رانجلر موديل الثمانينات شوفتها مخبوطة فى الجنب بتاع السواق فوق العجلة اللى ورا وركونة بقالها فترة والعيال بتلعب فيها ومبهدلاها ومكسره الزجاج ففكرت فى انى اشوف صاحبها اشتريها منه واعتقد مش هتعمل كتير واغير الكورسليه واركب واحد جديد مكان اللى مخبوط مع شوية ترويش خفيف.علشان كده سئلتك على الكورسليه يعمل كام..
ده اللى كان فى دماغى ايه رايك؟؟

شوفها بكام...فيها رخصة ولا منتهية؟ كاوتشها حالته ايه؟ فيها بطارية ولا لأ؟ موتورها فوق 2030 سي سي؟

و اعمل حسبتك....

[MOSHAKS]

شوفها بكام...فيها رخصة ولا منتهية؟ كاوتشها حالته ايه؟ فيها بطارية ولا لأ؟ موتورها فوق 2030 سي سي؟

و اعمل حسبتك....

ان شاء الله ناوى على كده.. انا استخدامى مدنى جوه المدن مش بطلع لا جبال ولا رحلات سفارى. وكان معايا نيفا وهى اللى حببتى فى السيارت العالية ومميزاتها فى الطرق المصرية الحلوة.
هل الموتور اذا كان خفيف ممكن اغير بماركة تانيه يكون اقتصادى عن الجيب لانى عارف انه سفاح حاجة من المواتير اليابانى زى مثلا 3y هل ينفع عليها؟؟ او لو في بديل ايه هو وسعره فى حدود كام؟

[M!NA]

ان شاء الله ناوى على كده.. انا استخدامى مدنى جوه المدن مش بطلع لا جبال ولا رحلات سفارى. وكان معايا نيفا وهى اللى حببتى فى السيارت العالية ومميزاتها فى الطرق المصرية الحلوة.
هل الموتور اذا كان خفيف ممكن اغير بماركة تانيه يكون اقتصادى عن الجيب لانى عارف انه سفاح حاجة من المواتير اليابانى زى مثلا 3y هل ينفع عليها؟؟ او لو في بديل ايه هو وسعره فى حدود كام؟

كل اللي راكب جيب بيغير بمواتير تويوتا و هي سهل تركيب اي موتور عليها

و مش عارف أسعار...اسأل احسن في بورسعيد... بس هو مش رخيص... ال3y محترم و غالي

[MOSHAKS]

كل اللي راكب جيب بيغير بمواتير تويوتا و هي سهل تركيب اي موتور عليها

و مش عارف أسعار...اسأل احسن في بورسعيد... بس هو مش رخيص... ال3y محترم و غالي

تسلم يا استاذ مينا ومعلش تعبينك معانا ملناش غيرك هنا فى الدفع الرباعى ومستنين مواضيعك الجميلة عن العربيات القوية الموجودة هنا فى مصر وتعديها

[jit_service]

مع كامل إحترامي وتقديري لكل مشاركتكم وتعليقاتكم إنما والله يا جماعه الكلام ده مالوش وجود بالطريقه دي إلا في مصر بسبب أسعار العربيات العبيطه اللي جماركنا الحلوه وحكومتنا بتعليها بسبب الضرائب والرسوم
ما فيش أفضل من إن العربيه تكون على ابوها من الألف للياء
وأكيد مليون في الميه لو اللي صنعها كان يقدر يعدل فيها فيها حاجات كتير لو هيا محتاجه تغير أو تعديل إنما هندسة التصميم ليها متتطلبات وخامات ومقاسات لكا حاجه في العربيه سواءا للإتزان او إستهلاك البنزين حتى لمقاومة الهوا إثناء السير كل دي حاجات يا جماعه مينفعش نتجاهلها
وطالما المصاريف عاليه جدا زي ما إنتو بتقولو يبقى إيه فايدة التعديل ما نشتري اللي متقفل بفابريكته ونخلص ولا هوا وجع دماغ وخلاص دحنا بيطلع عنا وبنبقى عاصرين على نفسنا طن لمون وإحنا عند الصنايعي لحد ما يتكرم عليك ويبص على عيب عربيتك وإنت وحظك يا يقلبك لانه مش فاضي أو يعكهالك لو هوا مش فاهم وتخش في دايره من أول وجديد مع سلسلة مشاكل مش عارف هتخلص لحد فين
أسف يمكن راي ما يعجبش القارئ بس بجد ما فيش اوسخ من الذل عند الصنايعيه عشان يطلعولك شغلك مظبوط
ما بالك بقه وانت بتبني عربيه من اول وجديد

[M!NA]

مع كامل إحترامي وتقديري لكل مشاركتكم وتعليقاتكم إنما والله يا جماعه الكلام ده مالوش وجود بالطريقه دي إلا في مصر بسبب أسعار العربيات العبيطه اللي جماركنا الحلوه وحكومتنا بتعليها بسبب الضرائب والرسوم
ما فيش أفضل من إن العربيه تكون على ابوها من الألف للياء
وأكيد مليون في الميه لو اللي صنعها كان يقدر يعدل فيها فيها حاجات كتير لو هيا محتاجه تغير أو تعديل إنما هندسة التصميم ليها متتطلبات وخامات ومقاسات لكا حاجه في العربيه سواءا للإتزان او إستهلاك البنزين حتى لمقاومة الهوا إثناء السير كل دي حاجات يا جماعه مينفعش نتجاهلها
وطالما المصاريف عاليه جدا زي ما إنتو بتقولو يبقى إيه فايدة التعديل ما نشتري اللي متقفل بفابريكته ونخلص ولا هوا وجع دماغ وخلاص دحنا بيطلع عنا وبنبقى عاصرين على نفسنا طن لمون وإحنا عند الصنايعي لحد ما يتكرم عليك ويبص على عيب عربيتك وإنت وحظك يا يقلبك لانه مش فاضي أو يعكهالك لو هوا مش فاهم وتخش في دايره من أول وجديد مع سلسلة مشاكل مش عارف هتخلص لحد فين
أسف يمكن راي ما يعجبش القارئ بس بجد ما فيش اوسخ من الذل عند الصنايعيه عشان يطلعولك شغلك مظبوط
ما بالك بقه وانت بتبني عربيه من اول وجديد

بالعكس
انا متفق معاك و بشدة في كلامك
الصنايعية كتير جدا منهم مقرفين
و العربيات اللي على ابوها اريح للدماغ من العربيات المعمولة

بس فيه نقطتين

فيه صنايعية مش مقرفين و مش كسالى و متخصصين في التعديلات اللي زي ديه و اسعارهم مش غالية :)
بس مش بيكونوا في المدن الكبيرة زي القاهرة و اسكندرية
بيكونوا في أرياف المدن و خصوصا مدن الدلتا اللي زي - كفر الشيخ - بحيرة - منصورة - قليوبية - شرقية... الخ

تاني حاجة انك لو عارف دية كل حاجة ايه و كام يوم و مين يعملها...تقدر بكل بساطة تخلص عربيتك في اسرع وقت
باختصار...لو عارف بتعمل ايه و عند مين
اكيد موضوع تعديل السيارات مش بالأمر اللي اي حد يقدر يعمله لأنه محتاج خبرة و معارف و تكون عارف ترتيب اللي هتعمله

اخيرا....
العربية التفصيل ديه حاجة بتعملها لمزاجك.... على سببيل المثال ....نفسك تركب حاجة ديزل و فور باي فور و بتانك كبير... عشان توفرلك فلوس و متعطلش بيك و متضايقكش وقت أزمات السولار.....
مفيش حاجة على ابوها بنفس المواصفات غير اللاند كروزر... و ديه لو قارننا سعرها بسعر العربية العمولة... مش هيكون فيه أي وجه مقارنة :) - العربية العمولة ارخص بمراحل أكيد

[amz2011]

مينا باشا
ازيك عامل ايه؟.
انا بحترم فيك طريقة تفكيرك و اسلوبك المحترم و الفكر المنطقى
ديما مواضعيك كله افاده للاعضاء
انت زى ما انت عارف انا عندى عربيه موسو 2008 ديزل
طبعا طالع عين امى فى حوار الديزل و عايز احولها بنزين فالسؤال اللى محيرنى ايه الموتور اللى ينفع مع العربيه الموسو لان فى ناس كتير مش عارفاها اصلا؟.
فى ناس كتير بتقولى اصبر بس طوابير السولار لا احد يقدر يتحملها من طول انتظار و خناقات و عطله
اتمنى انك تفيدنى فى الموضوع داه.

[amz2011]

بص العربية الرانجلر المعدله ديه شوفت زيها عند كارفور العربيه ديه بنظرتك كده متكلفه كام عشان توصل للشكل داه. الصور فى اللينك داه
صور جيب رانجلر معدلة | تموز دوت كوم

[M!NA]

مينا باشا
ازيك عامل ايه؟.
انا بحترم فيك طريقة تفكيرك و اسلوبك المحترم و الفكر المنطقى
ديما مواضعيك كله افاده للاعضاء
انت زى ما انت عارف انا عندى عربيه موسو 2008 ديزل
طبعا طالع عين امى فى حوار الديزل و عايز احولها بنزين فالسؤال اللى محيرنى ايه الموتور اللى ينفع مع العربيه الموسو لان فى ناس كتير مش عارفاها اصلا؟.
فى ناس كتير بتقولى اصبر بس طوابير السولار لا احد يقدر يتحملها من طول انتظار و خناقات و عطله
اتمنى انك تفيدنى فى الموضوع داه.

ده من ذوقك متشكر ليك
بالنسبة لتغيير الموتور سهل اوي... مفيهوش اي مشاكل...
بس احتمال نحتاج نعدل شوية حاجات في الضفيرة عشان العدادات تقرأ صح...

فيه حل تاني ممكن يكون انسب شوية
انك تفصل تنك كبير شوية بحيث بدل ما بتمون كل اسبوع ولا اسبوعين...تمون كل شهر مثلا.... و تعمل نفس مشاويرك
ده هيعتبر أقل الحلول وقت و أقلهم تكلفة

في كل الحالات انت تشرفني لو كلمتني و نفكر في انسب حل و نوصل له ان شاء الله :)

بص العربية الرانجلر المعدله ديه شوفت زيها عند كارفور العربيه ديه بنظرتك كده متكلفه كام عشان توصل للشكل داه. الصور فى اللينك داه
صور جيب رانجلر معدلة | تموز دوت كوم

من 40-60 ألف
حسب هو معدل العفشة ولا لأ
لأن التعديلات اللي برة من اكصدامات arb لشبكة سقف لأكيد فيه حوامل استبن و كواريك و عدة (في الخلف) كل ده ميقلش عن 35
والعفشة ممكن 15 ...

[ahmed_eng2001]

مع كامل إحترامي وتقديري لكل مشاركتكم وتعليقاتكم إنما والله يا جماعه الكلام ده مالوش وجود بالطريقه دي إلا في مصر بسبب أسعار العربيات العبيطه اللي جماركنا الحلوه وحكومتنا بتعليها بسبب الضرائب والرسوم
ما فيش أفضل من إن العربيه تكون على ابوها من الألف للياء
وأكيد مليون في الميه لو اللي صنعها كان يقدر يعدل فيها فيها حاجات كتير لو هيا محتاجه تغير أو تعديل إنما هندسة التصميم ليها متتطلبات وخامات ومقاسات لكا حاجه في العربيه سواءا للإتزان او إستهلاك البنزين حتى لمقاومة الهوا إثناء السير كل دي حاجات يا جماعه مينفعش نتجاهلها
وطالما المصاريف عاليه جدا زي ما إنتو بتقولو يبقى إيه فايدة التعديل ما نشتري اللي متقفل بفابريكته ونخلص ولا هوا وجع دماغ وخلاص دحنا بيطلع عنا وبنبقى عاصرين على نفسنا طن لمون وإحنا عند الصنايعي لحد ما يتكرم عليك ويبص على عيب عربيتك وإنت وحظك يا يقلبك لانه مش فاضي أو يعكهالك لو هوا مش فاهم وتخش في دايره من أول وجديد مع سلسلة مشاكل مش عارف هتخلص لحد فين
أسف يمكن راي ما يعجبش القارئ بس بجد ما فيش اوسخ من الذل عند الصنايعيه عشان يطلعولك شغلك مظبوط
ما بالك بقه وانت بتبني عربيه من اول وجديد

انا مش متفق مع كلام حضرتك
فيه متعة خاصة و انت بتضفى تعديلك على حاجة انت بتستمتع بيها .... زى عربيتك
و كمان ممكن تجد متعة اكتر لما تواجهك مشاكل و صعوبات ... و تتعلم ازاى تتغلب عليها
فيه ناس فى بلاد برة ..... بيعدلوا عربياتهم .. و اعتقد انهم قادرين على شراء عربيات جاهزة .. و فى الغالب التعديلات الى بيعملوها مش بتكون فى مواصفات الفابريكة ... و بتكون عربيات ناجحة جدا ... جرب حضرتك تتفرج على فيديوهات فى اليو تيوب على تعديلات العربيات ... و خاصة تعديلات عربيات الدفع الرباعى
و يا سلام ..... لو انت الى بتعدل بنفسك .... متعة مختلفة تماما
انا نفسى اعمل كل التعديلات الى قالها مينا فى عربيتى ... و بنفسى بدون استعانة بصنايعية ... بس ده شبه مستحيل
مينا من كتر ما لف على الصنايعية .... عرف مين الكويس و مين الى ينفع يعمل الحاجة دى و تكلف كام .... و كمان نشترى قطع الغيار من فين

انا متفق معاك ان اغلب الصنايعية ... ايديهم تتلف فى حديد و بعدين تتقطع ... بس عليك البحث عن الصنايعية الكويسين

[jit_service]

رأيك لازم يحترم دي وجهة نظرك وليك حق فيها إلى حد كبير جدا

بس معلش برده صنايعية إيه اللي مدن الدلتا اللي يقدروا يعدلو على مصنع ومهندسين ورسومات وتخطيط وتوزيع أحمال وتوزيع نقط إرتكاز ونقط تحميل وهندسة أبعاد الكاوتش وهندسة المسافات بين المحاور في العربيه

يا صديقي تعرف ان ممكن يكون التنك الكبير اللي انت بدور عليه ده في حد ذاته نقطه ممكن تؤدي لمشكله في العربيه او حتى تتسبب في كارثه على الطريق لا قدر الله
تنك العربيات عموما بيتم تصميمه عشان يمنع المحروقات اللي جواه انها تصطدم بجسمه من غير ما يكون لها مكان تتوزع عليه يعني بعباره اخرى ميخبطش بقوه في جوانب التنك والتعاريج اللي بتبقى في جسم التنك دي مش بتبقى ديكور دي تقويه لجسم التنك ونفس الوقت ممتص لصدمة المحروقات اللي جواه لما العربيه بتلف او تقف مره واحده
ومكان التنك في حد ذاته وعرضه وطوله دي حاجه بتتعمل بدراسه مش مجرد حط التنك وإملاه وإمشي

انا فاهم انك نفسك تعمل اللي على مزاجك بس دي بتبقى حاجه كده لمزاجك الخاص بس معلش يعني مشاكل من كل الأنواع بتفضل تواجهك وما تقوليش اصل لو صنايعي مش عارف ايه هيبقى كل حاجه تمام
يا باشا كل اللي بتفكر فيه اللي صنع العربيه فكر فيه وأكتر شويتن تلاته اربعه بس لما تم تصميم الشكل وإعتمده المصنع يبقى لازم تعرف ان الشكل ده ما ينفعش يتعدل في اساسه حاجه تاني ممكن تلعب في الشكل الخارجي زي ما انت عايز انما اساسيات اعتقد انسى انك ممكن تضاهي المصنع

على فكره انا مش بقول الكلام ده وانا ما بظبطش في عربيتي بالعكس دا انا من هواة الإختراعات بس انا ببقى عارف انها كلها مسكنات العربيه لما كل حاجتها بتبقى فيها بتبقى إعتماديه وما يتخفش منها

تقبل تحياتي