ارجو النصيحه الفنيه في السياره نيسان x trail

[Tamer Bekhit]

الاعزاء رواد المنتدي
السلام عليكم و رحمه الله
افكر في شراء سياره اكس تريل مستعمله علي اساس سعرها الجيد و لكني لا اعرف احد جربها لاستشيره
اكون شاكر جدا لنصائحم و وجهات نظركم التي ستفيدني كثيرا في اتخاذ القرار
اريد معرفه الملاحظات السلبيه و الايجابيه عن هذه السياره
و شكرا مقدما للمساعده

[Land_Cruiser]

ال x trail عربيه اعتماديه و عمليه وواسعه و محترمه جدا و عفشتها ممتازه و عاليه عن الارض و تناسب طرقنا المكسره و دفع رباعى و قليله الاعطال و موتورها متوسط بين ال ١٦٠٠ و الحاجات الدفع الرباعى ال كبيره و نقدر نقول ان هى دى المزايا . بالنسبه العيوب فهى ان ضريبتها و استهلاكها للبنزين أعلى من ال ١٦٠٠ سى سى و ده ساعد على عدم انتشارها بصوره كبيره و كمان ان شكلها من جوه تصميم قديم حبتين يعنى مش مبهر و عدادات و الوان مش عارف ايه لكن شكلها تقليدى سواء من الداخل او الخارج و اعتقد ان هينزل منها جيل جديد و ممكن حضرتك تراجع موضوع الشكل الجديد ده بالتليفون مع نيسان او احد الموزعين المعتمدين. الميزه الرئيسيه فيها بصراحه و اللى تفرقها عن القشقاى مثلا هو انها اتوماتيك و فى نفس الوقت دفع رباعى و ده لان موتورها كبير شويه و اعتقد لو حضرتك محتاج دفع رباعى هو ده اللى ممكن يخليك تحتاجها و ان كانت برضه للامانه مش بتاعه دخول صحراء قوى يعنى هى عربيه داخل المدينة اكتر مش لاندكروزر يعنى و لو موضوع الدفع الرباعى مش فارق معاك ممكن قشقاى او سبورتيج الحاجات دى نمط ال SUV و عاليين و بمواتير سيدان فموضوع الضريبه و استهلاك البنزين هتلاقيه زى السيدان و دى حاجه كويسه و فى نفس الارض عاليه عن الارض و تصميمها حلو و عصرى و تحب تتفرج عليهم

[Tamer Bekhit]

تمام جدا كده
شكرا علي الافاده...انا كنت عايز اعرف اد ايه هي سياره اعتماديه و اظن اجابه حضرتك القيمه اجابه بجزءكبير علي الناحيه دي

اخبار الثبات علي الطريق ايه ... شئ مهم الحقيقه....اهو الواحد يفهم برضو

[sameh fillys]

انا كمان نفسي اعرف كل حاجه عن العربيه دي

[Land_Cruiser]

العربيه ما شاء الله ثابته على الطريق و تقيله على السرعات العاديه يعنى لحد ١٣٠ مثلا بس خللى بالك ان ال suv عامه عالى عن الارض و الجرى بتاعها مبيبقاش زى السيدان يعنى ممكن ١٥٠ او ١٦٠ و العربيه دى ما بتعومش و لا لو عربيه تقيله عدت جنبها بتمرجحها و الكلام ده عن تجربه للسفر بيها على طريق العين السخنه و كنت انا اللى سايق . هو الموتور ممكن يجيب اكتر بس موضوع الارتفاع مع السرعه و الملفات انا شخصيا باقلق منه و لذلك ما باحاولش ازود قوى فى السرعه

[Tamer Bekhit]

يعني اتوكل علي الله
اخر سؤال....هي كام موديل و ايه الفرق بين الموديلات و كده يبقي تمام التمام

[Land_Cruiser]

يعني اتوكل علي الله
اخر سؤال....هي كام موديل و ايه الفرق بين الموديلات و كده يبقي تمام التمام

هى طلع منها جيلين
الجيل الاول من ٢٠٠١ إلى ٢٠٠٦
الجيل التانى من ٢٠٠٧ حتى الان. ( يستحسن حضرتك تكلم الوكيل و تتأكد الجيل الجديد هينزل امتى لانه هيبقى شكل مختلف تماما لو موضوع الشكل هيفرق مع حضرتك )

المواصفات
٢٥٠٠ سى سى
٤ نقلات اتوماتيك
جر رباعى
سعه تنك البنزين ٦٠ لتر
عدد المقاعد خمسه
مقاس الكاوتش ١٦
عدد الاحصنه : ١٨٠
نسبه الانضغاط : ٩.٥
نظام التعليق: امامى مستقل و خلفى متعدد الوصلات
بالنسبه للكماليات تقدر تقول فيها كل حاجه :
باور - سنتر لوك - مرايات كهرباء - فتح تانك البنزين من الداخل - وسائد هوائيه للسائق و الكرسى بجانبه و وسائد هوائيه على الأجناب- حامل للاكواب - مسند لليد - امكانيه طى الكراسى الخلفيه ٦٠:٤٠ - عجله القياده جلد طبيعى - فوجات - نظام ايموبيلايزر الحمايه من السرقه - الفرامل فيها ABS - EBD - BA - كراسى جلد طبيعى - تحكم فى وضعيه الكراسى بالكهرباء - cruise control - تلاجه فى الدرج الامامى - مخارج كهرباء للركاب بالخلف - مقياس لدرجه الحراره خارج السياره و أخيرا زجاج ملون و قضبان تحميل

لو حضرتك لقيت حاجه حلوه عجبتك يستحسن تخليك طبعا فى الموديل الاحدث اللى ماشى كيلومتر قليل على قد ما تقدر و حسب ميزانيتك طبعا و لازم تكشف عليها فى التوكيل قبل ما تشترى او تتفق على السعر النهائى علشان تتأكد من الحاله الفعليه و بالتوفيق ان شاء الله

[Tamer Bekhit]

اكتر من متشكر ....كامل تحياتي

[Youssef.Awad]

طبعا مش عارف ازود حاجة عن كلام استاذ وليد باستثناء انى لا اظن ان نيسان سوف تطور هذه السيارة بعد ذلك
وده واضح من سياستها العالمية والتى ظهرت فى استحداث طرازات جديدة زى القاشقاى والجوك والمورانو فى فئة الكروس اوفر وتعديل طرازات قديمة مثل الباثفايندر والاكستيرا والباترول فى فئة الاوف رود ولا حديث متداول عن الاكس ترايل بتاتا .. والله اعلم

[Land_Cruiser]

اكتر من متشكر ....كامل تحياتي

العفو يا فندم و بالتوفيق لما فيه الخير

[adelma]

@pump_upp - best crypto pumps on telegram !

https://t.me/pump_upp - best crypto pumps on telegram Make 1000% and more within 1 day, join channel @pump_upp !

[adelma]

@pump_upp - best crypto pumps on telegram !

https://t.me/pump_upp - best crypto pumps on telegram Make 1000% and more within 1 day, join channel @pump_upp !