الكمال لله وحده

[حسين عشري]

السلام عليكم
يا جماعة الخير
الكمال لله وحده
نويت و الله الموفق اني اشتري عربية سكوربيو ماهينتارا ديزل 7 راكب 2200 سي سي موديل 2012 زيرو
اوتوماتك تكييف و بارور و مثبت سرعه و طارة مالتي فانكشن
العربية ليها مجموعه مميزات على حد علمي :
- العربية عاليه عن الارض
- العربية زيرو اوتوماتك و و و و و و و
- العربية 7 راكب و دي مسئلة مهمه لأن ربنا من عليا ب 4 غير انا و زوجتي و والدي كتير بيكون معايا في المشاروير
- سعرها 128 الف و ممكن تنزل شويه و بصراحة دي يادوب على قد الميزانيه المتاحه بالاخص في ظروف السوق المترديه اليومين دول
- العربية زيرو ممكن نجيبها عن طريق البنك و الله اعلم او عن طريق كونتك كار
- العربية مظهرها الخارجي معقول نسبيآ ( مسئلة ازواق ) هيه مش ممتازة بس في الاهم من المظهر الخارجي

العربية ليها سلبيات :
- العربية هندي مش ياباني و لا الماني ( كان نفسي في كده )
- صوت الموتور عالي برضه نسبيآ يعني لو حضرتك كنت راكب بي ام و ركبتها هتحس بمشكله لكن لو كنت راكب عربية تعبانه ف الحضيض و تركبها هتحس انها بخير
- الضريبة مرتفعه جدآ على حد علمي
- الصيانهبالكامل داخل البافارية و عرفت من احد ملاكها انه ممكن تتصل مع بعض المهندسين هناك يعملوا لك الصيانه بره التوكيل
- بالنسبه للعفشه هيه نفس عفشة الديماكس الربع نقل
لو سمحتم تدعوا لي بالتوفيق و لو في تجربة فعليه لحد منكم ياريت بقول بس يوضح هوه خبرته ايه يعني ما يقارنهاش بالمرسيدس مثلآ
يقارنها بعربية ليها نفس الامكانيات من حيث الاتساع بالتحديد و في نفس متوسط السعر مش الضعف مثلآ
و شكرآ
المفروض اتمم الصفقه خلال 20 يوم مثلآ
الله المستعان

[abou-yahia]

ربنا يرزقك الخير ان شاء الله

[حسين عشري]

متشكر جدآ
بالمناسبة العربية على كرونه و الله اعلم مش كبالن

[hugan]

ربنا يوفقك لحسن الاختيار
هي طبعا 7 راكب شيء ممتاز
عربيه قويه شكلها مش قوي
لكن اعتراضي الوحيد علي انها ديزل

[J A G U A R]

ربنا يوفقك ان شاء الله بس شكلها غبى اوى

[حسين عشري]

و الله يا جماعه انا دائمآ ما بافضل اكون مع الناس يعني اشتري الي الناس متعوده عليه ... بس ظروف عدد الاولاد لازم تكون العربية كبيرة كفايه
انا بالفعل قلق لدرجة كبيرة
لو في اقتراحات اتفضلوا بس تكون في حدود الميزانيه و تنفع عن طريق البنك

[hugan]

و الله يا جماعه انا دائمآ ما بافضل اكون مع الناس يعني اشتري الي الناس متعوده عليه ... بس ظروف عدد الاولاد لازم تكون العربية كبيرة كفايه
انا بالفعل قلق لدرجة كبيرة
لو في اقتراحات اتفضلوا بس تكون في حدود الميزانيه و تنفع عن طريق البنك

الجراند تريوس بالرغم من بعض العيوب عن الثبات الضعيف
الا انها ي رائي افضل عربيه عائليه

[حسين عشري]

بالنسبة للجراند تاريوس فأحنا بنتكلم عن فرق في حدود 60 الف جنيه فضلآ عن أنها 1500 سي سي يعني في تصوري أنها ضعيفة نسبيآ بالنسبة لعدد الركاب لو كمل و مع حمولة شنط سفر تبقى كملت ..

[hugan]

بالنسبة للجراند تاريوس فأحنا بنتكلم عن فرق في حدود 60 الف جنيه فضلآ عن أنها 1500 سي سي يعني في تصوري أنها ضعيفة نسبيآ بالنسبة لعدد الركاب لو كمل و مع حمولة شنط سفر تبقى كملت ..

اكيد هاتفاضل شيء علي شيء
لو مقتنع باماهيندرا اقتناع كلي
وانها الاختيار المناسب ليك
يبقي توكل علي الله

[abogooda]

ياباشا قولنا اشتريت ولا

[حسين عشري]

والله انا عملت استخارة و ربنا هدني لأني أبعد عن العربية الأسكوربيو ماهيندارا
أنا طبعآ شايفها مناسبه لظروف عدد الاولاد عندي
لكن مشكلة عدم توافر قطع الغيار خلتني أفكر كتير و أرفضالفكرة في النهاية
متشكر لأهتمامكم
و بالمناسبه العربية معروضه في المهندسين عند معرضممكن أنزلكم رقمه لو حبيتم و منها أكتر من لون

[ahmed_eng2001]

ربنا يهديك للى فيه الخير .. و يوفقك فى عربية تكون احسن منها

حضرتك ممكن تفكر فى الافانزا ... 7 راكب .... و الكارنز ممكن يركبلها كنبة خلفية و تكون 7 راكب

انا كنت حقارح على حضرتك البيجو ال 504 الاستيشن ... . بس فيه ناس حتقول عليا مجنون

ربنا يوفقك

[abogooda]

ربنا يوفقك للخير

[samyyousef]

طالما عدلت عنها...و ما شاء الله عائلتك كبيرة...ما شاء الله
حاول تبحث عن سوبربان اواخر التسعينات
او لومينا
او بليزر s10
و حول العربية غاز
تحياتي

[ahmed_eng2001]

طالما عدلت عنها...و ما شاء الله عائلتك كبيرة...ما شاء الله
حاول تبحث عن سوبربان اواخر التسعينات
او لومينا
او بليزر s10
و حول العربية غاز
تحياتي

سوبربان و بليزر ؟!!! كدة حضرتك من عاشقى الامريكانى