محركات الديزل

[GAMAL DAWOOD]

ما رأى خبراء المنتدى فى محركات الديزل لسيارات الدفع الرباعى؟
كل الميكانيكية و الكهربائية حذرونى من المحرك و لكن لأسباب لم تقنعنى. و شكرا جزيلا مقدما

[Mecha]

عشان جهله ميعرفوش غير البنزين
الديزل مفهوش كهربا كتير هقطع سبوبتهم
الديزل ملك الدفع الرباعي و النقل وعتقه عالي ضبع كاسر

[MaZaGAngeE]

الديزل افضل من البنزين في عربيات التحميل و الجر و اكيد طبعا في الجيب… بس عيبه صوته عالي و صيانته مكلفة عن البنزين و عايز اهتمام اكتر و تغيير فلاتر علي طول ..

[Abo_Mazen]

عشان جهله ميعرفوش غير البنزين
الديزل مفهوش كهربا كتير هقطع سبوبتهم
الديزل ملك الدفع الرباعي و النقل وعتقه عالي ضبع كاسر

وصفك لمحرك الديزل كأنك بتوصفه في إعلان ..عتقه عالي ضبع كاسر ..جامد التعبير ده على فكره

[Mecha]

انا بحب الديزل وهو يستحق
مكنه صح ,حمالة قسيه
وفعلا مفهوش وجع دماغ وكهربه البنزين
فين و فين العمره
وفي النص حاجات بسيطه

[Mecha]

الديزل مكنة شغل تاكل منها عيش
تحطه ف مولد ماشي
ترميه ف لودر ماشي
ترميه ف لوري كلو ماشي
جوكر المكن

[GAMAL DAWOOD]

لم يخيب أعضاء المنتدى ظنى فردودهم بالإضافة لما كتب من قبل فى هذا القسم عن محركات الديزل أضاف إلى الكثير من المعلومات. فشكرا جزيلا لحضراتكم

لكن يبرز سؤال: أين يمكن أن نجد الفنيين "المحترمين" فى الديزل؟ و هل توفر التوكيلات مثل تلك الخدمة على سياراتها التى تدار بالديزل؟ و هل هناك محطات صيانة ديزل يلجأ إليها ملاك سيارات الديزل؟

[ahmed_eng2001]

للأسف ... لو كان زميلنا مينا هنا كان دلك على كل تفاصيل صنايعية الديزل

فيه صنايعيى متخصص بس فى طرمبة الديزل .... يعملها عمرة .. و يضبطها ... و الشاطرين مش كتير فى الموضوع ده
و كان مينا قالى على واحد كويس جدا فى 6 اكتوبر

الميكانيكية الى بيفهموا كتير .... العمرة غالية شوية ... قطع الغيار غالية برضوا ... المشكلة الكبيرة فى الديزل و الزيت
الزيت بيتغير اخره على 3000 كم و لازم تغير فلاتر الديزل على طول و تنضف الدورة كمان كل فترة

حضرتك ممكن تسأل فى التوكيلات على صيانة السيارات الديزل