إعـــــــلان

Collapse

.

,
See more
See less

مساعده من مالكى ماهيندرا سكوربيو

Collapse
X
 
  • Filter
  • الوقت
  • Show
Clear All
new posts

  • مساعده من مالكى ماهيندرا سكوربيو

    السلا عليكم احبائى. ويارب اكون جيت المكان الصح
    عايز طلب مساعده ضرورى
    كنت بدور على عربيه عاليه عشان المطبات فى حدود ٧٠٠٠٠ وكان الاختيار على التيجو لان كان عندى وحده وبيعتها لظروف
    وفجاه. ظهرت قدامى عربيه ماهيندرا موديل ٢٠١٢ بنزين ٢٠٠٠ سى سى مانويل فبريكه بره وجوه بسعر ٧٧٠٠٠
    بصراحه عجبتنى العربية قلت اجى هنا عند اخواتى اشوف العربيه عامله ايه المهم بعد البحث محدش شكر فى العربيه خالص غير ملكها فقط فقلت اعمل الموضوع ده علشان اخد راى اخواتى فى عدة نقاط وهى
    ١- السعر كويس ولا ايه
    ٢- معدل استهلاك البنزين
    ٣- توافر قطع الغيار واسعارها. ياريت من ملاك العربيه اسعار الحاجات الى اشتروها
    ٤- ايه هى مشاكل العربيه المنتشرة غير شكلها لانى حتعود عليه
    ٥- الضريبه السنويه فى الترخيص
    ٦- ليها قطع غيار خارج التوكيل ولا لا
    ٧- سمعت ان فيه منها مواتير جاز ايهما افضل فى السيارة
    ٨- هل يوجد بديل عن تلك السيارة فى حدود السعر
    ٩- فيه حد هنا معاه العربيه وعارضها للبيع وطالب كام وحالتها وموديلها
    ١٠- واخيرا. تنصحونى اكمل واشترى ماهندرا ولا انسحب واتراجع عن افكارى

    اسف جدا على الاطاله وكتر اسئلتى بس ده انتم عوتونى عليه فى موقع
    واشكر جميع اعضاء الموقع ومجلس ادارته على سعة صدوركم

  • #2
    المشاركة الأصلية كتبت بواسطة lo2a مشاهدة المشاركة
    السلا عليكم احبائى. ويارب اكون جيت المكان الصح
    عايز طلب مساعده ضرورى
    كنت بدور على عربيه عاليه عشان المطبات فى حدود ٧٠٠٠٠ وكان الاختيار على التيجو لان كان عندى وحده وبيعتها لظروف
    وفجاه. ظهرت قدامى عربيه ماهيندرا موديل ٢٠١٢ بنزين ٢٠٠٠ سى سى مانويل فبريكه بره وجوه بسعر ٧٧٠٠٠
    بصراحه عجبتنى العربية قلت اجى هنا عند اخواتى اشوف العربيه عامله ايه المهم بعد البحث محدش شكر فى العربيه خالص غير ملكها فقط فقلت اعمل الموضوع ده علشان اخد راى اخواتى فى عدة نقاط وهى
    ١- السعر كويس ولا ايه
    هي فى حدود السعر ده
    ٢- معدل استهلاك البنزين
    عادى مش فارق كتير عن ال1600 محركها فرنساوي موفر جدآ
    ٣- توافر قطع الغيار واسعارها. ياريت من ملاك العربيه اسعار الحاجات الى اشتروها
    كلو متوفر في التوكيل وزي اسعار الجديد من العربيات وفى التوفيقيه فى ناس شغاله فيها
    ٤- ايه هى مشاكل العربيه المنتشرة غير شكلها لانى حتعود عليه
    مفيش مشاكل بمعني كلمة مشاكل بس صيانتها زي الفرنساوي لازم حد فاهم
    ٥- الضريبه السنويه فى الترخيص
    نفس ضريبة ال2000 سي سي العادى
    ٦- ليها قطع غيار خارج التوكيل ولا لا
    لها بس مش عند كتير
    ٧- سمعت ان فيه منها مواتير جاز ايهما افضل فى السيارة
    الديزل المانيوال هو اللى تمام عشان متور ايسوزو ورشاشات ميكانيكل تمشى مع جاز مصر الهباب والاختيار يرجعلك
    ٨- هل يوجد بديل عن تلك السيارة فى حدود السعر
    مفيش بديل بالحجم ده والسعر ده غير صينى ودي افضل من الصيني
    ٩- فيه حد هنا معاه العربيه وعارضها للبيع وطالب كام وحالتها وموديلها
    شوف البيع والشراء
    ١٠- واخيرا. تنصحونى اكمل واشترى ماهندرا ولا انسحب واتراجع عن افكارى
    مفيش بديل للحجم ده مع السعر ده

    اسف جدا على الاطاله وكتر اسئلتى بس ده انتم عوتونى عليه فى موقع
    واشكر جميع اعضاء الموقع ومجلس ادارته على سعة صدوركم
    اهلآ بك فى اي وقت والرد تحت النقاط وفى موضوع كامل عنها مثبت راجعو من هنا
    [RIGHT][B][FONT=Impact]أحمد فهمى[/FONT]
    [/B][/RIGHT]

    Comment


    • #3
      متابع معاك

      Comment


      • #4
        انا متشكر لرد حضرتك استاذ احمد فهمى وانا قراة الموضوع وهو فعلا اكثر من رائع وشكرا لحضرتك مرة تانية

        Comment


        • #5
          المشاركة الأصلية كتبت بواسطة ahmed_eng2001 مشاهدة المشاركة
          متابع معاك
          شكرا لمرورك الكريم ويارب حد يكون معاه العربية ويفدنا

          Comment


          • #6
            يا سيد لؤي العربيه كامت معايا فتره وهى اصلآ نقل واتقفلت وعلى شاسيه زي الرانجلر والتيوتا فورتشنر وبالفعل بهدلت العربيه واتشال فيها مكنة مياه وزنها فوق الطن وعادي ومساعدينها باظو بسبب الاستخدام السئ واشترينالها 4 مساعدين من التوفيقيه ب400 جنيه جداد ومرشها هو بتاع الميجان وصاح العربيه دى ناشف فعلآ وفى السفر ممتازه وموفره جدآ وتكيفها قوى جدآ وفى فتحات خلفيه ونظام ضد السرقه ايموبوليزر متقدم وشكلها الغبي بيخوف الناس منها
            [RIGHT][B][FONT=Impact]أحمد فهمى[/FONT]
            [/B][/RIGHT]

            Comment


            • #7
              المشاركة الأصلية كتبت بواسطة احمد فهمى مشاهدة المشاركة
              يا سيد لؤي العربيه كامت معايا فتره وهى اصلآ نقل واتقفلت وعلى شاسيه زي الرانجلر والتيوتا فورتشنر وبالفعل بهدلت العربيه واتشال فيها مكنة مياه وزنها فوق الطن وعادي ومساعدينها باظو بسبب الاستخدام السئ واشترينالها 4 مساعدين من التوفيقيه ب400 جنيه جداد ومرشها هو بتاع الميجان وصاح العربيه دى ناشف فعلآ وفى السفر ممتازه وموفره جدآ وتكيفها قوى جدآ وفى فتحات خلفيه ونظام ضد السرقه ايموبوليزر متقدم وشكلها الغبي بيخوف الناس منها
              شكرا على الافاده استاذ احمد بجد حضرتك طمنتنى وخلتنى متفائل بالعربيه بس نفسى اخد رائي اكبر عدد من الاعضاء حتى يطمئن قلبى ولكن بعد كلام حضرتك ده انا حتوكل على الله واستخيرة وحروح بعد بكرة ان شاء الله اخلص فيها بس سؤال السعر كده كويس ولا افاصل معاه شويه وشكرأ جزيلا لحضرتك وتعبك معايا وعلى فكرة انا اخوك الصغير علاء مش لؤى

              Comment


              • #8
                لو كيلو متر قليل والعربيه سليمه وفابريكه وحاله كويسه جدآ بتعمل من 70 ل75 وراجع كونتكت والبيع والشرا وفاصل واهم حاجه تكون سليمه وتكشف عليها فى التوكيل الأول ويطلعولك تقرير حاله وتاريخ
                [RIGHT][B][FONT=Impact]أحمد فهمى[/FONT]
                [/B][/RIGHT]

                Comment


                • #9
                  المشاركة الأصلية كتبت بواسطة lo2a مشاهدة المشاركة
                  ا
                  ١٠- واخيرا. تنصحونى اكمل واشترى ماهندرا ولا انسحب واتراجع عن افكارى

                  نصيحه من اخ تراجع عن افكارك
                  .
                  .
                  الماهيندار هتبهدلك

                  Comment


                  • #10
                    المشاركة الأصلية كتبت بواسطة nhro مشاهدة المشاركة
                    نصيحه من اخ تراجع عن افكارك
                    .
                    .
                    الماهيندار هتبهدلك
                    وضحلو اسبابك
                    [RIGHT][B][FONT=Impact]أحمد فهمى[/FONT]
                    [/B][/RIGHT]

                    Comment


                    • #11
                      المشاركة الأصلية كتبت بواسطة احمد فهمى مشاهدة المشاركة
                      وضحلو اسبابك

                      فى المنتدى اكثر من موضوع عن الماهيندار....

                      ممكن يبحث وهيعرف وجهات النظر المختلفة حول هذه السياره
                      ما بين مؤيد ومعارض للسياره
                      انا نصحته من وجهة نظرى .........

                      و هقولهاله تانى بلاش الماهيندار وليك الرأى الاخير بس اطلع على ما كتب فى المنتدى عن السياره

                      Comment


                      • #12
                        مالك ماهيندرا

                        انا احد ملاك الماهيندرا شارى العربية من فترة قريبة

                        انا معايا 2011 اتوماتيك سولار ماتور 2200 سى سى

                        العربية فى السفر حلوة لحد 120 كم بعد كده مينفعش تاخد مناورة لانها صعبة

                        الفرامل انا عندى abs وده تمام ومخليها حلوة بس بشتكى انها بتكفى لقدام

                        السفر بسافر مسافات طويلة بحكم شغلى ومش يتقصر معايا

                        سبب شرائي ليها انى زيك بدور على عربية تكون جيب وفى نفس الوقت عالية وتشيل وتحمل
                        وانا عن نفسي جربت حطيت فيها شغل كتير وماتور اوبل فيكترا والحمد لله طول ما انا بتعامل معاها بالراحة مفيهاش مشكلة

                        العربية فى الهند محققة مبيعات كتيرة وبقالها فترة طويلة واصحابها الهنود بيشكروا فيها جدا

                        انا قبلها كان معايا داتشيا نوفا البروفيل بتاعها كله على نايل موتورز فانا اسم العربية مش مهم معايا وبرضة اشترى ليك وللسوق مش شغالة معايا


                        مشكلتها الوحيدة ملهاش قطع غيار برة التوكيل زى الماتور (الجاز) البنزين عند اى حد بتاع رينو هتلاقيها وارخص من التوكيل كمان
                        الابواب الرفارف الاكصدامات واسعار التوكيل عالية جدا

                        الخامات الداخلية مش حلوة تحس انها بلاستيك كده والتابلوه بتاعها فقير

                        الشكل الخارجى مش مقبول مع بعض الناس مع انها مسالة اذواق

                        فى المرور بيرخم على العتب وانا اضطريت اشيله علشان ارخص

                        Comment


                        • #13
                          المشاركة الأصلية كتبت بواسطة bnoqo مشاهدة المشاركة
                          انا احد ملاك الماهيندرا شارى العربية من فترة قريبة

                          انا معايا 2011 اتوماتيك سولار ماتور 2200 سى سى

                          العربية فى السفر حلوة لحد 120 كم بعد كده مينفعش تاخد مناورة لانها صعبة

                          الفرامل انا عندى abs وده تمام ومخليها حلوة بس بشتكى انها بتكفى لقدام

                          السفر بسافر مسافات طويلة بحكم شغلى ومش يتقصر معايا

                          سبب شرائي ليها انى زيك بدور على عربية تكون جيب وفى نفس الوقت عالية وتشيل وتحمل
                          وانا عن نفسي جربت حطيت فيها شغل كتير وماتور اوبل فيكترا والحمد لله طول ما انا بتعامل معاها بالراحة مفيهاش مشكلة

                          العربية فى الهند محققة مبيعات كتيرة وبقالها فترة طويلة واصحابها الهنود بيشكروا فيها جدا

                          انا قبلها كان معايا داتشيا نوفا البروفيل بتاعها كله على نايل موتورز فانا اسم العربية مش مهم معايا وبرضة اشترى ليك وللسوق مش شغالة معايا


                          مشكلتها الوحيدة ملهاش قطع غيار برة التوكيل زى الماتور (الجاز) البنزين عند اى حد بتاع رينو هتلاقيها وارخص من التوكيل كمان
                          الابواب الرفارف الاكصدامات واسعار التوكيل عالية جدا

                          الخامات الداخلية مش حلوة تحس انها بلاستيك كده والتابلوه بتاعها فقير

                          الشكل الخارجى مش مقبول مع بعض الناس مع انها مسالة اذواق

                          فى المرور بيرخم على العتب وانا اضطريت اشيله علشان ارخص

                          تقرير موضوعى وممتاز اضيف لك المانوال ديزل قطع غيارها متوفره ﻷنو محرك اسوزو وعندي سؤال الرشاشات عندك ايه اخبارها ؟
                          [RIGHT][B][FONT=Impact]أحمد فهمى[/FONT]
                          [/B][/RIGHT]

                          Comment


                          • #14
                            الرشاشات

                            بالنسبة للرشاشات
                            الرشاشات عندى لما اشتريت العربية كان عندى مشكلة فى رشاش رقم 4
                            طبعا روحت البفارية وسمعت سعر الرشاش هناك 3000 جنيه على ايه مش عارف
                            طبعا سالت عليه بره طلع برضة بتاع ايسوزو انا مكنش عندى مشكلة غير استهلاك السولار الى كان زايد معايا اوى فى كل سفرية خصوصا انى اشتريت العربية وسافرت على طول بورسعيد

                            والحمد لله روحت سالت ميكانيكى راما وترامكو على موضوع الرشاش وكان رده انى روحت لحد فى البدرشين عنده جهاز بيكشف على الرشاشات والموضوع كله اتكلف 20 جنيه بس كان الرشاش محتاج يتركب صح ويتلف عليه تيفلون لمنع التسريب ولحد دلوقتى مفيش فيه مشكلة

                            Comment


                            • #15
                              معلومات اضافية

                              بعض المعلومات الاضافية

                              العربية العفشة بتاعتها متوفرة برة التوكيل بس هاتجيب الحاجة بالشبه يعنى التيش الدريكسيون والمساعدين والجلب والحاجات هتفك وتاخد لفة وهتعرف فين

                              عايز تخلص على طول يبقا التوكيل على طول وهتاخد معاهم وقت

                              قطع غيار السولار موجودة بالنسبة للماتور والاقرب هوة ماتور الايسوزو بس هوة على رشاشات وماتور
                              ال2200 سي سي رشاشات كهربا

                              تكييف العربية اقدر اقول عليه ممتاز بجد وهوة زرار على الدرجة البسيطة وزرار للدرجة العالية low /HI وده ممتاز جدا

                              السرعة تسارع العربية سريع جدا وممكن تمشي بالعربية على سرعة 120 كم على RPM 2 وده برضة بالنسبة للعربية مش وحش

                              بالنسبة انك تشيل فى العربية حاجات هيا زى ماقال الاستاذ احمد فهمى هيا عربية نقل متقفله جيب يعنى شيل براحتك ولايهمك اى حاجة

                              الضريبة للسولار غالية شوية انا دفعت 2200 جنيه ضريبة للعربية فى السنة يعنى كل سي سي بجنيه تقريبا وده كتير جدا فى الضريبة

                              Comment

                              Working...
                              X