الى الاستاذ احمد فهمى

[gmail125]

معلش يا باشا كنت بحاول اراسل حضرتك على الخاص او من خلال رسائل الزوار لكن للاسف مغلقين

كنت الحقيقة كنت عايز اشترى جيب جراند شيروكى من 99 الى 2004 لكن للاسف إلى الان لم اجد حاجة كويسة

لذلك كنت حابب استشير حضرتك فى شراء نيسان اكس تريل لانى عرفت ان حضرتك معاك العربية

انا كنت هشوف واحدة موديل 2007 هاى لاين كاملة وسعرها 128 الف فقط رشة اكصدامين ورفرف والباقى فبريكة

هل حضرتك بوجه عام شايف للعربية أى عيوب سواء البنزين او التعويم او العزل الداخلى خاصة من الصوت واخبار التكيف والفتيس ايه والماتور ؟

وفين ممكن اكشف على العربية ؟ وياترى اخبار قطع الغيار خارج وداخل التوكيل هل متوفرة داخله وخارجه والاسعار عاملة ايه ؟

اسف طولت على حضرتك فى انتظار ردك الكريم ونصيحتك الغالية

[احمد فهمى]

اهلآ بك اولآ والخاص عندي شغال رسائل الزوار بس هى اللي مقفوله ..
بالنسبه للأكس تريل العربيه دى اسطوره من وجهة نظري واللي ميعرفهاش او مجربهاش مش هيفهم قصدى فكلمة اسطوره اول تجربه لي مع الاكس تريل كانت سنة 2005 وكﻻنت ديزل مانيوال 6 نقلات 2000 سي سي ودفع رباعى وكنى بدخل بيهﻻ الصحرا واسافر بيها كانت اسطوره كانت ملك مجلس الوزراء كنت بستخدمها ايام ما كنت شغال هناك وفى الوقت ده مكنش في منها فمصر ودي بداية معرفتي بها وبعدها نزرت مصر فى 2007 بس كان سعرها 225 الف جنيه وبنزين 2500 سي سي والعربيه فى منها فئتين هاي لاين وعاديه والعربيتين نفس الكماليات مفيش فرق واحد من الداخل ولا الخارج الا طقم الكساحات والعتب النيكل وفبر امامي وخلفي فضي فى الاكصدامات المتور 2500 سي سي 4 سلندر فتيس 4 نقلات اوتو abs و 2 ايرباج وتلاجه فى الطابلوه تحت الكاسيت وفوانيس سقف شبوره اصلى و180 حصان دفع رباعى كامل يعنى اوتو ولوك وثنائي للمشى العادي ...

واستهلاك البنزين فى الزحمه وتكيف بتعمل 170 فى الصفيحه وده اكتر معدل لها وعلى الطريق من 100 ل120 بتحقق معدلات خرافيه بتوصل ل250 وطبعآ ده متور 2500 يعنى لو اتعافيت عليه العربيه هتجري بغباء ومش هتعرف تسيطر عليها وخلى بالك 2500 سي سي فى اليابانى اعتبرها 5000 سي سي امريكاني انا سوقت رانجلر 2010 بتاعت واحد صاحبى روحت بيها طريق التجمع نزلت منها ركبت الاكس تريل التربيه فضلت تأمرك كل ما ادوس ادوس بنزين وده يوضح فرق قوة العربيتين مقدار دوسة البنزين في الرانجلر لتحريك العربيه ضعف المقدار فى الاكس تريل وطبعآ مش هقول عامل الوزن ﻷن فى فرق 2 سلندر و1300 سي سي يعنى متور تانى فى الرانجلر ...

العربيه واسعه جدآ من جوه والكنبه الخرفيه وريحه جدآ وبيتعدل وضعها بالاضافه لطيها وفتحها على الشنطه ارتفاعها عن الارض ممتاز ومناسبه داخل المدينه بس طبعآ مش عربيه تجري بيها فوق ال150 يعنى تجيب عادي سرعات بس عربيه عاليه برضو ومش زى السيدان فى المناورات بس لو مشيت قان نى مش هتحس بمشاكل وتسارع انسى كل الع بيات اللى جنبك من الثبات ل100 هتلاقى نفسك لوحدك دايمآ وصوت متورها هادي التكيف كويس بس اتأكد انو شغال تمام وخلى وقطع الغيا غاليه نسبيآ فى التوكيل لكن موجوده استيراد وجديد بره متوفر بس بشكل عام زي كل اليابانى العربيه مش مستهلكه قطع غيار وحاول تشوف عربيه فابريكه افضل ﻷن معظمهم فابريكه وبالتوفيق

[gmail125]

موش عارف اشكر سعتك ازيا على المعلومات القيمة دى وانت بجد خلتنى احب العربية جدا ربنا يبارك لك يارب
بس سؤالى لحضرتك ايه اللى مفروض اطمن عليه فى العربية دى وانا بشوفها لاؤل مرة غير التكيف واكشف عليها فين فى القاهرة ؟ فى أى مركز ؟
لانى للاسف هشترى من تاجر موش من صاحبها ... وكنت عايز اعرف هل مثلا الاكس تريل
زى الجيب لازم يكون رقم الشاسيه هو رقم الماتور ؟
انا العربية المعروضة عليا موديل 2007 وهاى لاين مطلوب فيها 128 الف
هل كده كويسة مع العلم انها رشة اكصدامين ورفرف ؟
وسؤالى الاخير لان حضرتك بالاساس مشرف قسم الدفع الرباعى
هل لو كنت مكانى وجاءت لك الفرصة فى جيب جراند شيروكى موديل من 99 الى 2004
اما انك تختار اكس تريل موديلات من 2007 الى 2010 لانى حيرانى جدا
وده لينك العربية الاكس تريل ايه رأى حضرتك فيها

https://egypt.dubizzle.com/ar/cars/nissan/listing/7-listings-bb5db2d7dafc5a5f88c59f8d4f486550/show/?back=L2FyL2NhcnMvbmlzc2FuL3NlYXJjaC8/aXNfc2VhcmNoPVRydWUma2lsb21ldGVyc19fZ3RlPSZwcmljZV9fZ3RlPSZwaG90b3NfY291bnRfX2d0ZT0xJmtpbG9tZXRlcnNfX2x0ZT0mbW9kZWw9NTc2JnByaWNlX19sdGU9JnBhZ2U9MQ==

[gmail125]

نسيت أسال حضرتك يا استاذ احمد

هل النيسان اكس تريل بينزل منها بفتحة سقف ؟

[احمد فهمى]

اللي فى الصوره مش هاي لاين ومتضتريش من تجار وانا بنسبة 100% اقولك العربيه دى مستحيل تكون عامله 65 ارف كيلو من 2007 ورشه رفرف خلفى دي سخيفه شويه والامريكانى بس هو اللي رقم شاسيه نفسو رقم المتور ولو عايز تعرف متورها او لا سهل من ملف المرور ...

بخصوص الاختيار بين الجراند والاكس تريل انا كنت فعلآ بجدور علي جراند شروكي لكن الحالات سيئه جدآ وعربيات كلها محتاجه ع بيه فوقها عشان تقف حاله كويسه بجانب دهالسليم منها بيوصل 160 الف وده رقم مش منطقى بالاضافه لقصة ال8 سلندر طبعآ موضوع وحتاج اشخاص واستخدام معين والجراند متتركبش غير 8 سلندر متور هيمي غير كده اشتري شروكي 6 2001 هتلاقي حالات كويسه فى ال100 الف جنيه لكن يكمن الهدف قى الاتي وهو احتياجك مما لا شك فى ان اليابانى اقل سياره فى العالم صيانه او استهلاق قطع غيار ولا مشاكل حراره ولا كهربا فلو انت عايش فى المدينه وبتقف بالساعه فى اشارات المرور طبعآ الاكس تريل وبرضو عاليه وبتدخل صحرا عادي ان استدعى الامر واستهلاك بنزين عادي مش هةحس بفرق شاسع عن ال1600 على خلاف الجيب هتحس بفرق ضيف على ده العفشه انعم طبعآ ...

والاكس تريل مفيش بفتحة سقف غير بعض العربيات وكانت مستورده وكلهم تقريبآ قبل 2005

[amr011111]

احسن مكان تكشف فيه هوه الوكيل عندك اوتو ايجيبت فى طريق مصر الاسكندريه الصحراوى الكيلو 26

وفيه السبع فى المعادى
وفيه مركز مودرن فى الدقى
بس اتصل الاول واحجز ميعاد وبالتوفيق

[gmail125]

موش لاقى كلام ارد عليك بيه يا احمد باشا ربنا يحفظك ويبارك فيك يارب

وانا فعلا بعدت عن العربية دى مدام حضرتك نبهتنى

بس ازيا اعرف ان العربية الاكس تريل هاى لاين ممكن حضرتك تورينى صورة للفرق مثلا

لانى موش عارف اميز بالكساحات والفيبر بينهما بيختلط عليا الامر فيهم

وانا الان فعلاً بدور بكل قوة على الاكس تريل ويارب الاقى حاجة كويسة

بس اعرف منين حضرتك ان العداد موش مقلوب او ملعوب فيه ؟؟

[gmail125]

amr011111

الف الف شكرك يا باشا على ذوقك ربنا يكرمك ويبارك فيك تسلم

[احمد فهمى]

الهاي لاين كانت بتنزل بكساحات نيكل فى بلاستيك حوالين العربيه كلها ومواسير نيكل اصلي فى جنب السياره

[faithiologi]

ميكانيكي للدفع الرباعي (محترم)؟؟

أحب أخد رأي حضرتك في ميكانيكي لعربيتي
تاهو ٩٦
غلبت و غلب حالي على ميكانيكي محترم
و محتاج مساعدتك في الموضوع ده
و ياريت لو اقدر اكلمك تليفونيا

[احمد فهمى]

اسف لتأخري فى الرد التاهو لها نتس معينه يا ريت توضح موديل السنه وبيانات اكتر

[faithiologi]

اسف لتأخري فى الرد التاهو لها نتس معينه يا ريت توضح موديل السنه وبيانات اكتر

تاهو ١٩٩٦
٨سلندر
٥٧٠٠ سي سي