إعـــــــلان

Collapse

.

,
See more
See less

ماهو اللوك Differential Lock

Collapse
X
 
  • Filter
  • الوقت
  • Show
Clear All
new posts

  • ماهو اللوك Differential Lock

    ماهو اللوك Differential Lock
    كلنا بنسمع عن اللوك أو اللوكات إللى بتبقى موجودة فى بعض عربيات الدفع الرباعى - ده موضوع مختصر ومبسط عن معنى اللوك وفايدته وبدائله فى عربيات الدفع الرباعى :
    ١- فى بداية إختراع السيارات كان فيه مشكلة عويصة بتقابلهم وهى لما العربية بتاخد ملف فالعجلات الخارجية بتلف بسرعه أكبر من العجلات الداخلية وده كان بيسبب مشاكل فى تاكل العجل باستمرار وكمان كان التحكم فى العربية بيبقى صعب - وعلشان كده إخترعوا الكورونة أو الـ differential وهو عبارة عن حاجه عاملة زى الكورة جواها شوية تروس عالجت المشكلة دى وخلت العجلتين إللى على نفس الأكس يلفوا بسرعات مختلفة بدون أى مشاكل - ده فيديو بيوضح ببساطة فكرة عمل الكورونة

    ونلاحظ فى الفيديو ده إن الترسين إللى باللون الأصفر مش بيلفوا حول محورهم لما السرعة بتاعة العجلة اليمين تبقى مساوية للسرعة بتاعة العجلة الشمال - ولما يحصل إن العربية تدخل ملف حنلاقى الترسين إللى باللون الأصفر حايلفوا حول محورهم علشان سرعة العجلة الشمال بقت أكبر من العجلة اليمين فالترسين دول لفوا علشان يسمحوا بالفرق فى السرعتين بين الاكس اليمين والأكس الشمال.
    ٢- لو فيه عجلة من العجلتين إللى على نفس الأكس عدت على مياه أو رمل او طين يعنى اتزحلقت او غرست حتلف على الفاضى ولما الكورونة تلاقى عجلة بتلف على الفاضى حتحول العزم عليها اتوماتيك من نفسها لأن إيه اللى يخليها توجع دماغها وتودى العزم على عجلة ليها مقاومة فالعجلة التانية حتقف ومش حاتلف مع انها مش غارسة ولو الدفع ثنائى يبقى العربية حاتقف وماهياش طالعة من الغرز ولا بالطبل البلدى .
    ٣- طبعاً هنا ظهرت الحاجه لأنهم يعملوا الدفع الرباعى يعنى عندك اكسين بيلفوا كل اكس عليه عجلتين فلما عجلة تلف على الفاضى يبقى العجلة التانية اللى معاها حاتقف بس لو الاكس التانى العجلتين بتوعه فى السالك حيطلع العربية من الغرز لأن هنا العزم متوزع ٥٠٪ على الاكس الأمامى و ٥٠٪ على الأكس الخلفى - لغاية هنا والكلام ده جميل - إفرض بقى عندك عجلة على كل اكس اتزحلقت او غرست طبعاً العجلة اللى معاها على نفس الاكس حاتقف يبقى عندك عجلتين بيلفوا على الفاضى وعجلتين واقفين بيتفرجوا :)
    نشوف فى الفيديو ده من أول الثانية ٥٥ لغاية الدقيقة ١,١٥ وبلاش نكمل علشان منتلخبطش

    حنلاقى إن العجلتين اليمين بيلفوا على الفاضى والعجلتين الشمال واقفين يتفرجوا - بقت العربية لاهى دفع رباعى ولا خماسى ولا الهوا !!!!! نعمل إيه بقى فى المشكلة دى - نخترع اللوك - اللوك ده بيخلى العجلتين اللى على نفس الأكس بيلفوا بنفس السرعة سواء غرسوا او ماغرسوش - يبقى لما عجلة تلف على الفاضى التانية حتلف برضه مش حاتقف علشان هنا العزم اللى على الاكس ٥٠٪ من اجمالى العزم بيتوزع ٢٥٪ للعجلة اليمين و ٢٥٪ للعجلة الشمال فلو العجلة اليمين اتزحلقت او لفت على الفاضى العجلة الشمال حاتلف عالمليان وحاتطلع العربية من المحنة اللى هى فيها - وبالمثل لو عجلة على كل اكس لفت على الفاضى العجلة التانية من كل اكس حاتلف على المليان وحتى لو فيه ٣ عجلات بيلفوا على الفاضى فالعجلة الوحيدة السالكة حاتنقذ الموقف وتستر العربية :)
    ٤- الفيديو ده فيه عربيتين الحمرا من غير لوكات والسودا فيها لوكات

    العربية الحمرا اللى من غير لوكات فشلت تماماً فى الطينة - والعربية السودا كانت فى الاول باللوك الخلفى فقط ومعرفش يكمل وبعدين لما شغل اللو الأمامى كمان نجح فى المحاولة بتاعته
    ٥- طيب لو رجعنا تانى للنقطة رقم ٢ بتاعة لو فيه عجلة من الإتنين لفت على الفاضى بسبب مياه أو طينة أو اتزحلقت على رمل أو غرست بالطبع العجلة اللى معاها على نفس الأكس حاتقف زى ما إتفقنا- طيب لو العجلة إللى بتتزحلق دى أو بتلف على الفاضى عرفت أكلبشها أو أخليها تقف أو أفرملها لوحدها يبقى كده أنا حاودى العزم للعجلة التانية إللى معاها على نفس الأكس وإللى مش متكلبشة وحاضطرها إنها تلف وبكده حاخليها تحرك العربية وده الإختراع التانى البديل للوك وهو إسمه الـ traction control أو Brake Lock (لوك الفرامل) وده بيبقى عن طريق فرملة العجلة إللى بتلف على الفاضى عن طريق إستخدام الـ ABS وبرنامج فى كمبيوتر العربية بيخلى العجلة تفرمل لوحدها لو عدد لفاتها زاد عن ١٠٠ لفة بالنسبة للعجلة التانية اللى معاها على نفس الاكس وبالتالى العزم حايروح للعجلة التانية اللى مش مفرملة ومش غارسة وحاتطلع العربية من الغرز.
    ٦- وفعلاً عربيات كتير دلوقتى بتطلع بنظام الـ traction control لأنه مش حايكلف كتير نظراً لأن العربيات فيها ABS من الأساس وفيها حساسات لسرعة لكل عجلة وفيها كمبيوتر يبقى مافيش أى خامات حاتتزود على العربية غير البرنامج بس.
    وده فيديو بشرح موضوع الـ traction control أو brake Lock (لوك الفرامل)

    ٧- فيه كمان بعض العربيات بيدمجوا اللوكات العادية مع لوك الفرامل علشان يحسن الأداء بتاع الأوفرود.
    أتمنى أكون قدرت بصورة مبسطة أشرح موضوع اللوكات وأهلاً وسهلاً بأى إضافة أو إستفسار من الأعضاء
    amadios سابقا

  • #2


    وادي لوك كرونه كهربا , لما يحصل energize للسلونيد ,
    جلبة الكوبلن تعشق الاكس مع جسم الكرونه
    ,ودا كاف لتعشيق الاكسين والكرونه كعضو دوار واحد
    ,التصميم دا كلاسيكي وموجود في الشاحنات ايضا ,ممكن تلاقي استخدام هوا مضغوط او فاكيوم ك energizer.
    http://www.nilemotors.net/Nile/455933-a.html
    http://www.nilemotors.net/Nile/455752-2.html
    http://www.nilemotors.net/Nile/454825-a.html

    Comment


    • #3
      فيه طريقه بسيطه بلدي لعمل لوك للكرونه لو مفهاش او جهاز تعشيق عطلان وغالي
      ودي انك تلحم تروس الساتوليك مع الصليبه فتمنع تدحرجهم وتلغي differential action
      او كل التروس ملحومه ببعض عدا البنيون والتاج .لكن هتستعمل للغرز فقط لاغير .
      القياده العاديه هتكون مريره لو كملت بيهم.
      http://www.nilemotors.net/Nile/455933-a.html
      http://www.nilemotors.net/Nile/455752-2.html
      http://www.nilemotors.net/Nile/454825-a.html

      Comment


      • #4
        المشاركة الأصلية كتبت بواسطة mecha مشاهدة المشاركة
        فيه طريقه بسيطه بلدي لعمل لوك للكرونه لو مفهاش او جهاز تعشيق عطلان وغالي
        ودي انك تلحم تروس الساتوليك مع الصليبه فتمنع تدحرجهم وتلغي differential action
        او كل التروس ملحومه ببعض عدا البنيون والتاج .لكن هتستعمل للغرز فقط لاغير .
        القياده العاديه هتكون مريره لو كملت بيهم.
        ملحوظه : التعديل اتعمل لكرونة اماميه ,لا ينصح بتاتا للخلفيه
        http://www.nilemotors.net/Nile/455933-a.html
        http://www.nilemotors.net/Nile/455752-2.html
        http://www.nilemotors.net/Nile/454825-a.html

        Comment


        • #5
          ابو حميد موسوعة 4x4 مصر
          [RIGHT][B][FONT=Impact]أحمد فهمى[/FONT]
          [/B][/RIGHT]

          Comment


          • #6
            المشاركة الأصلية كتبت بواسطة احمد فهمى مشاهدة المشاركة
            ابو حميد موسوعة 4x4 مصر
            متشكر جداً ده بعض ماعندكم
            amadios سابقا

            Comment


            • #7


              لوك لاند كروزر كهربا
              http://www.nilemotors.net/Nile/455933-a.html
              http://www.nilemotors.net/Nile/455752-2.html
              http://www.nilemotors.net/Nile/454825-a.html

              Comment


              • #8
                نيجي للوك فتيس الغرز ,طبعا فيه فتايس غرز بكرونه لتوزيع الاحمال والسرعات
                بين عمود الكردان الامامي والعمود الخلفي .وزي ماتفضل م.ا عبدالفتاح
                في ايضاح شغل الكرونه ,ممكن يحصل slip بين الكردانين حال الغرز .
                وعشان كدا في لوك للسبب دا .في بعض انواع لاندكروزر 100 series تو ماعشقت 4L يتعشق هذا اللوك اوتوماتيك . وفي انواع زي 80 series في زر بالتابلوه لابد من ضغطه



                http://www.nilemotors.net/Nile/455933-a.html
                http://www.nilemotors.net/Nile/455752-2.html
                http://www.nilemotors.net/Nile/454825-a.html

                Comment


                • #9
                  المشاركة الأصلية كتبت بواسطة Mecha مشاهدة المشاركة
                  نيجي للوك فتيس الغرز ,طبعا فيه فتايس غرز بكرونه لتوزيع الاحمال والسرعات
                  بين عمود الكردان الامامي والعمود الخلفي .وزي ماتفضل م.ا عبدالفتاح
                  في ايضاح شغل الكرونه ,ممكن يحصل slip بين الكردانين حال الغرز .
                  وعشان كدا في لوك للسبب دا .في بعض انواع لاندكروزر 100 series تو ماعشقت 4L يتعشق هذا اللوك اوتوماتيك . وفي انواع زي 80 series في زر بالتابلوه لابد من ضغطه




                  ماكنتش عاوز اتكلم عن اللوك إللى بين الكردانين - وده كان اساس عمل اللاندروفر انك تعمل لوك للكردان الامامى والكردان الخلفى فى اللاندروفر ٨٠ و ١٠٩ وبعد كده فى الديفندر ٩٠ والديفندر ١١٠ و ١٣٠ عن طريق دراع فتيس - بس هما الحمدلله دلوقتى ربنا كرمهم وبيستعملوا لوكات كورونا امامية وخلفية علشان اللوك بتاع الكردانين لو نسيته متعشق بيبوظ الدنيا وكمان كان ممكن تعشقه فى الـ high والـ low وكان بدراع فتيس هو كمان وبذلك زودوا البلة طين :) - بقى عندك دراعات فتايس بالهبل واحد فتيس عادى مانيوال وواحد high و low وواحد لوك وواحد للونش علشان يرفع سرعة الموتور ويعشق الونش بتاع الغرز - مشكلة ولخفنة للناس - علشان تسوق اللاندروفر الديفندر لازم تاخد عليها دورة دراسية وعملية علشان متبوظهاش :)
                  amadios سابقا

                  Comment


                  • #10

                    موضوع هايل وخصوصا فيدو توضيح عمل الكرونة

                    تانى
                    محمد المصرى

                    Comment


                    • #11
                      المشاركة الأصلية كتبت بواسطة م/أحمد عبد الفتاح مشاهدة المشاركة
                      ماكنتش عاوز اتكلم عن اللوك إللى بين الكردانين - وده كان اساس عمل اللاندروفر انك تعمل لوك للكردان الامامى والكردان الخلفى فى اللاندروفر ٨٠ و ١٠٩ وبعد كده فى الديفندر ٩٠ والديفندر ١١٠ و ١٣٠ عن طريق دراع فتيس - بس هما الحمدلله دلوقتى ربنا كرمهم وبيستعملوا لوكات كورونا امامية وخلفية علشان اللوك بتاع الكردانين لو نسيته متعشق بيبوظ الدنيا وكمان كان ممكن تعشقه فى الـ high والـ low وكان بدراع فتيس هو كمان وبذلك زودوا البلة طين :) - بقى عندك دراعات فتايس بالهبل واحد فتيس عادى مانيوال وواحد high و low وواحد لوك وواحد للونش علشان يرفع سرعة الموتور ويعشق الونش بتاع الغرز - مشكلة ولخفنة للناس - علشان تسوق اللاندروفر الديفندر لازم تاخد عليها دورة دراسية وعملية علشان متبوظهاش :)
                      طب لو عجلتين علي كرونه واحده غرزوا وزحلقوا ,هيطلع العربيه ازاي من غير لوك فتيس الغرز ازاي ؟؟؟, مقداموش غير الونش يبا عاوز شجره يا عربيه تانيه .
                      الموديلات اللي بدراعات كتير دي اللي الكراسي خشب والشاسيه تقطع وتلحم فيه عادي والاستبن علي الكبوت هههههههه.
                      http://www.nilemotors.net/Nile/455933-a.html
                      http://www.nilemotors.net/Nile/455752-2.html
                      http://www.nilemotors.net/Nile/454825-a.html

                      Comment


                      • #12
                        المشاركة الأصلية كتبت بواسطة Mecha مشاهدة المشاركة
                        طب لو عجلتين علي كرونه واحده غرزوا وزحلقوا ,هيطلع العربيه ازاي من غير لوك فتيس الغرز ازاي ؟؟؟, مقداموش غير الونش يبا عاوز شجره يا عربيه تانيه .
                        الموديلات اللي بدراعات كتير دي اللي الكراسي خشب والشاسيه تقطع وتلحم فيه عادي والاستبن علي الكبوت هههههههه.
                        لو عجلتين على اكس واحد غرسوا :
                        لو العربية ٤x٤ - العجلتين التانيين حايطلعوها لو مش غارسين - بس لو واحدة منهم غرست ومافيش لوك (او لوك فرامل) يبقى كل سنة وانت طيب - لو فيها لوك ممكن عجلة واحدة تطلع العربية لو عندها تراكشن كويس.
                        واللاندروفر ام دراعات كتير دى كانت بتطلع لغاية وقت قريب ومن غير كراسى خشب ولا استبن عالكبوت :) - اللاندروفر بتقدر تشيل ١٢٠٠ كجم - وتقدر تشد ٣٠٠٠ كجم بموتور غلبان ٨٥ حصان بس - بس فى السرعة على الاسفلت إيدك والأرض :) أقصى سرعة بتجيبها لو العربية زى الفل ١٢٠ كم/ساعة ومش عاوز بقى اقولك التسارع من صفر الى ١٠٠ كم/ساعة بتجيبهم فى اد إيه علشان الإحراج :)
                        amadios سابقا

                        Comment


                        • #13
                          المشاركة الأصلية كتبت بواسطة م/أحمد عبد الفتاح مشاهدة المشاركة
                          لو عجلتين على اكس واحد غرسوا :
                          لو العربية ٤x٤ - العجلتين التانيين حايطلعوها لو مش غارسين - بس لو واحدة منهم غرست ومافيش لوك (او لوك فرامل) يبقى كل سنة وانت طيب - لو فيها لوك ممكن عجلة واحدة تطلع العربية لو عندها تراكشن كويس.
                          :)
                          طالما مفيش كرونه بلوك في فتيس الغرز ,يبا بيعشق الكردان الامامي علي dog clutch زي الهايلكس.
                          http://www.nilemotors.net/Nile/455933-a.html
                          http://www.nilemotors.net/Nile/455752-2.html
                          http://www.nilemotors.net/Nile/454825-a.html

                          Comment


                          • #14


                            نمره 12 sliding gear
                            http://www.nilemotors.net/Nile/455933-a.html
                            http://www.nilemotors.net/Nile/455752-2.html
                            http://www.nilemotors.net/Nile/454825-a.html

                            Comment


                            • #15
                              الله ينور عليك
                              [SIGPIC][/SIGPIC][SIZE=5][COLOR=blue][/COLOR][/SIZE] اشهد ان لا اله الا الله

                              Comment

                              Working...
                              X