الـعـمــ Goldwing ـــــلاق

[Amo0o0oRa]

من كام يوم شوفت هوندا جولد وينج بس تحففففففففه

المكنه شديده اوووووى

موتور 1500 سى سى ما شاء الله يعنى زى اللانسر الجديد وموتور اقوى من موتور عربيات كتيير زى التويوتا الياريس 1300

التابلوه بتاعها فى زراير كتيره اوى كده مش عارف بتاعت ايه وفيه كاسيت وسماعات فى الجانبين وايريال ورا

فيها ABS زى اللى فى العربيات ودى فرامل مانعه للانزلاق يعنى لو ماشى على 200 اول ما تفكر تدوس بس تلاقيها وقفتتت من غير ما تزحف منك ولا تعوووم

الكرسى بتاعها قعدته مريحه جدا جدا جدا و اكتر من الهارلى والكاستم عموما
اتنين كرسى للسائق والراكب كرسى الراكب اعلى شوية بس عريض اوى وليه مسند ومريح اوى

المكنه فيها حاجه غريبه اوى انا استغربتلها
فيها ايرباج airbag ودى الوساده الهوائيه اللى بتفتح لما يحصل حادثه ولا حاجه

شكل المكنه جميل جدا وضخمه

بالنسبه لسعرها انا شوفت اعلان لواحده استيراد عامله 140 الف (استيراد مش جديده)





انا عندى صور ليها بس مش عارف ارفعها يا ريت لو حد يكتب ايميله وانا ابعتهمله يرفعها هو




مستنى ردكوا على الموضوع

[naser_56]

[Amo0o0oRa]

تماااااام اوى يا زعيم

تسلم على الصور كده الموضوع اكتمل

الناس تقول رأيها بقى

[hassan_gost]

ها.....كل ده...

[Ahmed R08]

يا نهاااااااااار

جامده جدا ما شاء الله

[Zedy]

وانا ركبة منها ال2008 ال 1600 سي سي ديبل تربو و فعلا المكنة مريحة موت و كمان في الاشارات لما بتقف مش محتاج تنزل رجلك هي فيها حساس بينزل سنادة معينة عشان تسنادك و جي بي ار اس و حاجات كتيييييييير :d

[Amo0o0oRa]

وانا ركبة منها ال2008 ال 1600 سي سي ديبل تربو و فعلا المكنة مريحة موت و كمان في الاشارات لما بتقف مش محتاج تنزل رجلك هي فيها حساس بينزل سنادة معينة عشان تسنادك و جي بي ار اس و حاجات كتيييييييير :d

zedy باشا نورت الموضوع
وياريت تنقلنا تجربتك معاها لانها فعلا روعه بكل ما فيها

يا ريت تعملنا تقرير شامل عن المكنه دى

[gigomiko]

موتور 1500 سى سى ما شاء الله يعنى زى اللانسر الجديد وموتور اقوى من موتور عربيات كتيير زى التويوتا الياريس 1300

يا باشا إنت لو معك هوندا cbr ٢٥٠ عادة تطلع من أي عربية ١٦٠٠ و مستريح كمان ،، مابالك بل Gold wing

[Amo0o0oRa]

يا باشا إنت لو معك هوندا cbr ٢٥٠ عادة تطلع من أي عربية ١٦٠٠ و مستريح كمان ،، مابالك بل gold wing

انا مش قصدى يا باشا انى اطلع من عربيه

انا اقصد انها تستحمل حرق وطحن و سفر ومشاوير طويله

مكنه متقولش لأ على حاجه يعنى

[monde]

منورين كلوكوانا شوفت واحد علي المحور راكب اخت المكنه دي كان سايب ايده الاتنين واحنا راكبين ماروتي 2008 مقفلين العداد ومش عارفين نمشى جمبه

[Amo0o0oRa]

ده 1500 يا باشا الماروتى 800 بس وبعدين ده موتوسيكل دى عربيه

وهو راكب لوحده انما العربيه الله اعلم كان فيها كام

[hanymoh]

ملهاش حل روعة

[yascro]

انا عندى واحده 2003
1600 سى سى
بس الجولد وينج موضوع تانى خالص
يعنى هى بالظبط ف وسط الموتوسيكلات زى البينتلى ف وسط العربيات
على فكره هى فيه غيار رجوع للخلف

[Amo0o0oRa]

انا عندى واحده 2003
1600 سى سى
بس الجولد وينج موضوع تانى خالص
يعنى هى بالظبط ف وسط الموتوسيكلات زى البينتلى ف وسط العربيات
على فكره هى فيه غيار رجوع للخلف

شكلك فعلا موسوعه موتوسكلات

و ما شا الله معاك كذا واحد انواع مختلفه

ربنا يباركلك فبهم با رب

بس قولى حكاية الاير باج دى حقيقه ولابجد ؟
هههههههههههههههههه
موجوده فعلا؟؟؟

[OVO]

انت متاكد انها 1600 اصلا مفيش غير

تمنينات 1200

تسعينا 1500

الفينات 1800gl

وبالنسبه للأيرباج فيها فعلا بس ملوش لازمه حركه وخلاص عملنها

لان ممكن بسبب الايرباج تترمي لورا بس اكيد ممكن ينفع طبعا

بس انا ميعجبنيش شكل الجولد وينج الغبي ده

انا كنت بدور على وحده بس كنت عايزها مكسره

يعني شاسيه وبدي ومتور سليم لاني كنت ناوي اقلبها كاستم

خصوصا ان حجمها ضخم ومع فرده 300 وره ومتور 1200

ولا 1500 تبقى مميزه لان محدش قالبها كاستم في مصر خالص