شاب مصرى عايز نصيحة

[smsm2968]

السلام عليكم ورحمة الله وبركاتة

بصراحة كدا انا من حوالى سنة ادبست فى مكنة سوزوكى 550 estreet cc .. وبعد ما اشتارتها بحوالى شهر الماتور فوت وعملتلها عامرا كاملة وكلفيتنى كتيييير .
بس المشكلة ان المكنة حتى بعد العمرة مابقتش كويسة صوتها وحش جدا تقريباً زى الصينى فمن ساعتها ركنتها واتخنقت من المكن .
بس من فترة شوفت مع واحد ساكن جانبى هوندا 400 cc .. وعرضت علية البدل والغربيبة انة وافق واتفقنا ان البدل يكون 7000 جنية .
ياريت تدلونى ابدل ولا لاء .. مع العلم ان السوزوكى صرفت منى أكتر من تمن الهوندا .
معلش طولت عليكم .. بس انا فى حيرة وخايف لتكون دى فرصة وانا اضيعها

[smsm2968]

أرجوا المساعدة

[Merit]

أرجوا المساعدة

البدل ده بناءا علي إيه ، يعني هو حاسب ال400 بتاعه بكام وإنت في تقديرك البايك بتاعك يساوي كام ، والأهم من ده عشان ماتدبسش لتاني مرة حالة ال400 إيه وموديلها ، يعني أنا شايف أول خطوة إنك تتمن ال400 الأول صح بناءا علي حالتها والباقي سهل إنك تشوف إنت هتبيع بكام وتدفع الفرق

[tamertamer]

اولا فى مقياس لازم تاخد بالك منها اولا
انت تكشف على البيك دية كويس خالص عشان متقعش فى نفس المشكلة عشان متكرهش حياتك وبكدة تبقا اتعلمت الدرس
ثانيا اهم حاجة قطع الغيار الهنداء افضل بكتير من سوزوكى سواء فى الاستيراد او الجديد وبردة انزل اسال
واهم حاجة متكنش وخدة حوادث وربنا يجعلها الاختيار الصالح

[smsm2968]

بص يا سيدى
المكنة الهوندا انا نزلت كشف عليها كويس عند واحد صاحبى وقالى انها تقريباً زى الجديد لافيها اى ختش من برا والماتور بتاعها ماتفكش قبل كد
وقولتلو تقربياً تسوا كام قالى حوالى 17
وانا عارف انى هاخسر فى ماكنتى بس مش مشكلة اهم حاجة اخلص منها وانتم اكيد عارفين اد اية السوزوكى متعبة فى صيانتها وحتى فى بيعها
اية رئيكو يا جماعة يا ريت الافادة
واكون شاكر ليكو جداً

[tamertamer]

توكل على اللة اهم حاجة ترتاح وحاول تنزل معاة فى السعر شوية

[smsm2968]

الف شكر على النصيحة يا شباب

[tamertamer]

بس عايز لفة اول لما تجبهاء ان شاء الله

[el_wad_spiky]

اعمل استخارة

[smsm2968]

يا حاج تامر المكنة كلها تحت امرك
دا انا اوصلهالك لحد عندك

وعموماً شكرا لكل واحد قدملى نصيحة

[mahgary]

انت عملت ايه اخذته ولا واخباره ايه كمان

[smsm2968]

الحمد لله

[smsm2968]

انت عملت ايه اخذته ولا واخباره ايه كمان

الحمد لله كنت هادبس فية تانى
بس خت بالنصيحة ووريتة لميكانيكى وقالى ان المكنة دى ماتورها اتفتح قبل كدا
بس مش اى حد ممكن يعرف
فقلت الحمد لله المشرحة مش ناقصة قتلة
وشكرا ليك يا mahgary على السؤال
وشكرا لكل اللى نصحونى

[asaeed]

الحمد لله كنت هادبس فية تانى
بس خت بالنصيحة ووريتة لميكانيكى وقالى ان المكنة دى ماتورها اتفتح قبل كدا
بس مش اى حد ممكن يعرف
فقلت الحمد لله المشرحة مش ناقصة قتلة
وشكرا ليك يا mahgary على السؤال
وشكرا لكل اللى نصحونى

حمداً لله
لا يلدغ المؤمن من جحر مرتين
أنا بصراحة مش فاهم في الريس بالدرجة، لكن عندي سؤال انا أعرف أن المكنة لو حلة ومعمول لها عمرة عند ميكانيكي شاطر وعنده ضمير، بترجع زي ما كانت، أي نعم الأوريجينال أحسن وبتبقى مطمئن لها.
لكن أنا لما قرأت الموضوع وتتبعته لاقيت أن الموضوع في حاجة مش طبيعية، لأني أي إنسان مننا بيحب دائماً الأحسن ولا ينظر للأقل، وصعب أي شخص اتعود أن يقود مكنة جميلة وبها مواصفات عالية وممتازة أن يرضى بالأقل

عموماً حمداً لله وربنا يوفقك بأحسن منها
أخوك عمرو السقا