سؤال مهم ارجو الافاده

[UnderCOnTrOL]

السلام عليكم

يا جماعة فى سؤال فنى شوية وعايز حد يكون مجربه قبل كده

السؤال هو :

ايه هو المعدل الطبيعى لمؤشر الحراره (( التيمب )) لو انا ماشى

على الاول والتانى بس و مشغل المروحه دايركت يعنى لو فضلت ماشى كده فتره

وحرقت على التانى لفتره بردو من غير ما انقل هل هيوصل التيمب للربع ولا النص

ولا مش هيعلى خالص انا عارف انها على حسب حالة الموتور بس انا بتكلم لو الموتور فت 100%

وكمان لو انا نقلت على التالت والرابع بس ماشى فى الخفيف على 60 مثلا وبردو نفس الحوار

المروحه شغاله دايركت هل هيعلى التيمب ولا مش هيعلى خالص ؟؟؟

وكمان لو البايك اخده راحتها والمروحه مش شغالة دايركت هل التيمب بيعلى ولا مبيعلاش خالص ؟؟

ارجو الأفاده وشكرا مقدما

[CRX]

هيا المكنة اللي معاك كام؟

عامة المكنة وهيا واقفة أو في الزحمة (اللي هوا اولاني تاني) طبعا لازم تسخن..
تشتغل المروحة عند 103 درجة.. تزيد لغاية 105-107 أخرها.. وبعد كده تبتدي تنزل لغاية مثلا قول 100
تطفي المروحة
تعلى لغاية 103 تاني وهكذا..
طبعا لو جريت بالمكنة حتى لو على 60 كم/س الحرارة بتنزل
وكل ما تجري اكتر كل ما الحرارة تنزل اكتر..

أتمنى أكون أفدتك

[OVO]

فعلا زي الاخ crx ما قال بيعتمد على الزحمه وطريقة المشي

ما انت ممكن تكون بتجيب ال 60 او ال 100 بالحرق

غير لما تجبهم بالراحه عموما يعني المعدل الطبيعي للسخونيه

هو نص العداد لو عدا النص بشويه بردوا متقلقش لو قرب من

الجزء الاحمر هنا الخوف يبدا معناها في حاجه مش مظبوطه

يا اما الكربيراتير او الانجكشن مسدود ووكاتم المتور

يا اما مية الريداتير ناقصه او الريش مش وصلها هوا عدل او متنيه

يعني دورة التبريد مش مظبوطه

او الشكمان مخروم ومفيش باك برشر او مسدود وكاتم العادم وده بيسخن بردوا

او الجوانات ضاربه او الزيت زياده عن اللزوم اوخيرا الزحمه

وفي حاجه كمان والناس مش واخده

بلها منها للأسف بتكون كل الحجات الي فوق مظبوطه صح

بس للأسف بيبقى في سلك دايب وملمس فا بيلمس فا تلاقي السخونيه

زايده مع ان كله تمام فا لازم ضروري تشيك بين كل فتره وفتره

على كل اسلاك الكهربا وتشوفها تمام وهل في سلك ملمس او دايب

طبعا في اسلاك مش حتعرف توصلها الي بتبقى ملفوفه

بس بوص على السورس نفسه يعني زي السلك الي جاي

من الملف (rotor & stator) والي جاي من الاكتيفير والكمبيوتر سلك الموبينه وديه

موجوده تحت التانك الخ الخ الخ وشيك على الفيوزات لو محروق

حاجه منها بدلها ديه الحجات الاساسيه وطبعا اي موتورسيكل لازم

يسخن السخونيه متخوفش طلما مجاش على الجزء الاحمر

ابقى افتكرني بدعوه من ظهر غيب

سلام

[UnderCOnTrOL]

هيا المكنة اللي معاك كام؟

عامة المكنة وهيا واقفة أو في الزحمة (اللي هوا اولاني تاني) طبعا لازم تسخن..
تشتغل المروحة عند 103 درجة.. تزيد لغاية 105-107 أخرها.. وبعد كده تبتدي تنزل لغاية مثلا قول 100
تطفي المروحة
تعلى لغاية 103 تاني وهكذا..
طبعا لو جريت بالمكنة حتى لو على 60 كم/س الحرارة بتنزل
وكل ما تجري اكتر كل ما الحرارة تنزل اكتر..

أتمنى أكون أفدتك

البايك اللى معايا 919

وانا عارف ان كل ما اجرى كل ما الحراره تنزل

انا كل اللى قلقنى فى الحوار ان المروحه شغالة دايركت وبردو البايك بتسخن

شكرا ليك جدا

[UnderCOnTrOL]

فعلا زي الاخ crx ما قال بيعتمد على الزحمه وطريقة المشي

ما انت ممكن تكون بتجيب ال 60 او ال 100 بالحرق

غير لما تجبهم بالراحه عموما يعني المعدل الطبيعي للسخونيه

هو نص العداد لو عدا النص بشويه بردوا متقلقش لو قرب من

الجزء الاحمر هنا الخوف يبدا معناها في حاجه مش مظبوطه

يا اما الكربيراتير او الانجكشن مسدود ووكاتم المتور

يا اما مية الريداتير ناقصه او الريش مش وصلها هوا عدل او متنيه

يعني دورة التبريد مش مظبوطه

او الشكمان مخروم ومفيش باك برشر او مسدود وكاتم العادم وده بيسخن بردوا

او الجوانات ضاربه او الزيت زياده عن اللزوم اوخيرا الزحمه

وفي حاجه كمان والناس مش واخده

بلها منها للأسف بتكون كل الحجات الي فوق مظبوطه صح

بس للأسف بيبقى في سلك دايب وملمس فا بيلمس فا تلاقي السخونيه

زايده مع ان كله تمام فا لازم ضروري تشيك بين كل فتره وفتره

على كل اسلاك الكهربا وتشوفها تمام وهل في سلك ملمس او دايب

طبعا في اسلاك مش حتعرف توصلها الي بتبقى ملفوفه

بس بوص على السورس نفسه يعني زي السلك الي جاي

من الملف (rotor & stator) والي جاي من الاكتيفير والكمبيوتر سلك الموبينه وديه

موجوده تحت التانك الخ الخ الخ وشيك على الفيوزات لو محروق

حاجه منها بدلها ديه الحجات الاساسيه وطبعا اي موتورسيكل لازم

يسخن السخونيه متخوفش طلما مجاش على الجزء الاحمر

ابقى افتكرني بدعوه من ظهر غيب

سلام

كلامك مظبوط فعلا لان انا لسه عايز انضف الكربراتير

وده بردو من الاسباب فى انها سخنت بالطريقة دى

شكرا ليك وربنا يكرمك بأذن الله